Karabo- Tsela ea ho etsa thapelo (As-Salaah ):
- Ho talima qiblah ka litho tsohle tsa ‘mele, ntle le ho solasola kapa ho sheba koana le koana.
- Ebe o etsa maikemisetso a ho etsa salaah eo a batlang ho e rapela ka pelong ea hae a sa bue maikemisetso ka molomo.
- Ebe o etsa takbeer e bulang salaah a re: (Allahu Akbar), a phahamisa matsoho ho fihlela mahetleng nakong eo a etsang takbeer.
- Ebe o beha letsoho le letona holim’a le lets’ehali le lets’ehali holim'a sefuba.
- Ebe o bula thapelo ka du'a a re:
<<Oho Allah Ak’u ntsamaise hole le libe tsaka joaloka bohole bo teng lipakeng tsa bochabela le bophirima, oho Allah Ak’u ntlhoekise libeng tsohle tsaka kamoo phahlo e ts’oeu e hloekang ho tsoa leroleng, oho Allah Ak’u ntlhatsoe libeng tsaka ka metsi le lehloa le sefako.>>.
Kapa a re: <<lithoriso li lebisoe ho Uena oho Allah le tlotla eohle ke ea Hau, lebitso la Hau le tlotloe le boholo ba Hau, ha ho molimo ntle ho Uena>>.
- Ebe o kopa ts’ireletso o re:
<<Ke kopa ts’ireletso ho Allah khahlanong le Shaitaan ea lelekiloeng>>.
- Ebe o etsa basmalah a nt’o bala khaolo ea pula-maliboho a re:
(Ka lebitso la Allah Ea Mosa Ea Mohau 1
(Tlotla e be ho Allah Molimo (Mookameli) oa libopuoa tsohle 2)
Ea Mosa Ea Mohau 3
Morena oa Letsatsi la Kahlolo
4 Ke Uena feela Eo re Mo rapelang, Ke Uena feela Eo re kopang thuso ho Eena 5
Re tataisetse tseleng e nepahetseng 6
Tsela eo U tataiselitseng bao U ba ratang ho eona, eseng bao U ba halefetseng le ba khelohileng tseleng e nepahetseng 7)
[Surah Al-Faatiha: 2]
Ebe o re: (Ameen) e bolelang: Oho Allah Ak’u arabe.
- Ebe o bala se seng le se seng seo a khonang ho se bala bukeng ea Kor'ane, a bale se selelele thapelong ea meso.
- Ebe o etsa ruku’u, ho bolela: o koba mokokotlo oa hae e le sesupo sa ho ananela boholo ba Allah, a etse takbeer ha a phahama ruku’u, a phahamise matsoho a hae ho fihlela a bapile le mahetla. Sunnah ke : ho otlolla mokokotlo oa hae a iname a bapise hlooho le ona. A behe matsoho a hae mangoleng menoana e arohane.
- A re ha a le ruku’u: <<subhaana rabbiyal adheem>> ka makhetlo a mararo le ha a ka eketsa ho feta moo: <<subhaanaka llahumma wa bihamdika, Allahumma ighfir lee>> e ntse e lokile.
- Ebe o phahamisa hlooho ho tsoa ruku’u a ntse a re: <<samia llahu liman hamidah>>, joale a phahamise matsoho a hae ho fihlela mahetleng. Ea etelloang pele ha a re: <<samia llah liman hamidah>>, hona le ho cho joalo eena o re: <<rabbana wa lakalhamd>>.
- Ebe o re ha a qeta ho phahama: <<rabbana wa laka lhamd, mil'u samawaat wal alr'dhi, mil'u maa shi'ita min shay'in>> (Mookameli Oa rona tlotla eohle ke ea Hau, ho tlala Maholimo le lefats'e, ho tlala hohle kamoo o ratang le ho feta).
- Ebe o etsa sajdah (ho oa fats'e ka phatla) ea pele a re: << Allahu Akbar>> (Allah O Moholo-holo), o etsa sajdah ka litho tse supileng eleng: phatla le nko, matsoho a mabeli, mangole a mabeli, lintlha tsa maoto, a arohanye mesifa, matsoho le mahlakore a 'mele oa hae, dhira'a (letsoho ho tloha manonyeletsong ho isa setsung) li sa thetse fats'e ka bobeli, menoana ea matsoho e shebile malebana le qiblah.
- Ebe o re ha a le sujood: <<subhaana rabbiyal a'alaa>> (lithoriso li lebisoe ho Mookameli Oaka Ea holimo-limo) ka makhetlo a mararo, ha a ka eketsa ka: <<subhaanaka llahumma rabbanaa wa bihamdika, Allahumma ghfirlee>> (lithoriso tsohle ke tsa Hau oho Allah Uena Mookameli Oa rona, U lokeloa ke tlotla, oho Allah Ak'u nts'oarele) ho ntse ho lokile.
- Ebe o phahamisa hlooho ho tsoa sujood a ntse a re: <<Allahu Akbar>>.
- Ebe o lula lipakeng tsa sujood tse peli holim'a leoto le lets'ehali, a kobile menoana ea le letona, a behe letsoho le letona qetellong ea serope sa hae se setona holim'a lengole la hae, a fupare monoana o monyane le o o latelang a phahamise monoana o supang a ntse a o tsamaisa ha a etsa du'a ea hae, a kopanye ntlha ea monoana o motona le o lipakeng ho fihlela ho hlaha sebilikoe lipakeng tsa menoana ena, a behe letsoho la hae le lets'ehali qetellong ea serope se sets'ehali pel'a lengole, menoana ea letsoho a e kopantse.
- Ebe o re ha a lutse lipakeng tsa sujood tse peli:
<< Rabbighfir lee, wa Warhamni, wahdnee, warzuqnee, wajbirinee, wa a'afinee>> (Mongaka Ak'u nts'oarele, U nkhauhele, U ntataise, U mphepe, U ntokise, U nteballe mefokolo>>.
- Ebe o etsa sajdah ea bobeli joaloka ea pele ka tsohle tse baloang le tse etsoang, a nt'o etsa takbeer ha a etsa sujood.
- Ebe o phahama ho sajdah sa bobeli a re: <<Allahu Akbar>> ebe o rapela sekoto sa bobeli sa thapelo joaloka sa pele kamoo a balileng le tseo a li entseng, ntle le hore ha a sa etsa du'a e bulang thapelo.
- Ebe o lula fats'e kamor'a sekoto sena sa bobeli a re: (Allahu Akbar), a lule kamoo a neng a lutse lipakeng tsa sajdah tse peli.
- Ebe o bala tashahhud ha a lutse, a re:
<<At-tahiyaatu lillahi wa salawaatu wa tayyibaatu, as-salaamu alaika ayyuhan nabiyi wa rahmatu-llahi wa barakaatuh, as-salaamu alaina wa alaa ibaadi-llahi saaleheen, ash-hadu an laa ilaha illallahu wa ash-hadu anna Muhammadan abduhu wa rasooluh, Allahumma salli alaa Muhammad wa alaa aali Muhammad kama salleita alaa Ibraaheem wa ala aali Ibraaheem, innaka hameedum majeed wa baarik alaa Muhammad wa alaa aali Muhammad, kama baarakta alaa Ibraaheem wa alaa aali Ibraaheem, innaka hameedum majeed. a'uudhu bi-llahi min adhaabi jahannam, wa min adhaabil qabr, wa min fitnatil mah'yaa wal mamaat, wa min fitnatil maseehi-dajjal>> , Litumeliso tsohle ke tsa Allah le lithapelo tsohle le lintho tsohle tse ntle. Khotso e be holim'a hao, oho uena Moporofeta le mohau oa Allah le litlhohonolofatso tsa Hae. Khotso e be holim'a rona le holim'a bahlanka ba Allah ba lokileng. Ke paka hore ha ho molimo ea lokeloang ke borapeli ntle le Allah, 'me ke paka hore Muhammad ke mohlanka le Moromuoa oa Hae. Allah, romela litlhohonolofatso ho Muhammad le ho ba lelapa la Muhammad, joalokaha U ile Ua romela litlhohonolofatso ho Ibrahim le ho ba lelapa la Ibrahim. Ruri, Uena U Lokeloa ke Thoriso, U Tlotlehile. Hape hlohonolofatsa Muhammad le ba lelapa la Muhammad, joalokaha U ile Ua hlohonolofatsa Ibrahim le ba lelapa la Ibrahim. Ruri, Uena U Lokeloa ke Thoriso, U Tlotlehile. Ke kopa ts'ireletso ho Allah khahlanong le kotlo ea Jahannam le kotlo ea lebitla le liteko tsa bophelo le lefu le teko ea Masīḥ ad-Dajjāl.
Ebe o etsa likopo ho 'Mookameli Oa hae ka tsohle tseo a li batlang tse ntle tsa lefats'e le bokamoso.
- Ebe o etsa litumeliso a qala ka lehlakoreng le letona a re: <<as-salaamu alaikum wa rahmatullah>> le ka ho le lets'ehali joalo feela.
- Empa haeba salaah e le e likoto li tharo kapa tse 'ne; o emisa ha a fihla qetellong ea tashahhud ea pele, ka ho re: Ash-hadu an laa ilaaha illallah, wa ash-hadu anna Muhammadan abduhu wa rasooluh>>
- Eaba o ema a otlolohile a re: “Allāhu Akbar,” ebe ka nako eo o phahamisa matsoho a hae ho fihla boemong ba mahetla a hae.
- Ebe o tsoela pele ho phethela karolo e setseng ea thapelo ea hae ka mokhoa o ts'oanang le oa raka‘ah ea bobeli, ntle le hore o lekanyetsa ho bala Sūrat al-Fātiḥah feela..
- Ebe o lula molulo oa tawarruk, a emisa leoto le letona ka menoana, a nt'o hlahisa leoto le lets'ehali ka tlaas'a 'moomo o motona, a tsepamise bolulo ba hae fats'e, a behe matsoho a hae holim'a lirope tsa hae kamoo a entseng ka tashahhud ea pele.
- Molulong ona a bale tashahhud kaofela e felletse.