Enciklopedia e Hadithit të Pejgamberit

“Idhujtarët na patën thënë: “Shohim se shoku (Pejgamberi) juaj po ju mëson çdo gjë. Madje, po jua mëson edhe si të kryeni nevojën fiziologjike.” I thashë: Po. Na ka ndaluar që gjatë kryerjes së nevojës: të pastrohemi nga jashtëqitja me dorën e djathtë, të drejtohemi nga kibla, si dhe na ka ndaluar të përdorim bajgat ose eshtrat (për pastrim). Ai po ashtu ka thënë: “Të mos pastrohet askush me më pak se tre gurë.”

"Profeti ﷺ mori abdes duke i larë gjymtyrët nga dy herë."

"Isha i dërguari i fisit benu muntefik - apo pjesë e delegacionit të menu muntefikëve - tek i Dërguari i Allahut ﷺ. Kur mbërritëm tek i Dërguari i Allahut ﷺ, nuk e gjetëm në shtëpi, por aty hasëm Aishen, nënën e besimtarëve. Ajo urdhëroi që të na bënin ca çorbë, të cilën na e sollën. Na sollën edhe një kina - e kinaja është një enë me hurma Arabie - e mandej erdhi i Dërguari i Allahut ﷺ dhe tha: “A hëngrët gjë?" - ose ka thënë: "A kanë porositur ndonjë gjë për ju?” I thamë: "Po, o i Dërguari i Allahut." Ndërkohë që ishim të ulur me të Dërguarin e Allahut ﷺ, ja ku vjen bariu që po i kthente delet në torishtë, e bashkë me të ishte edhe një qengj që blegërinte. Ai i tha: “Çfarë të polli, o filan?” Bariu i tha: "Një të vogël (qengj)." Ai i tha: “Atëherë ther për ne një dele në vend të saj.” Pastaj shtoi: “Mos mendo (la tahsibenne)” - e nuk tha trajtën tjetër gjuhësore (la tahsebenne) - “se ne e therëm atë për ty. Ne kemi njëqind dele dhe nuk duam që numri i tyre të shtohet, prandaj, sa herë që bariut i pjell bagëtia, ne therim një dele në vend të saj.” (Transmetuesi) thotë: Unë i thashë: "O i Dërguari i Allahut, unë kam një grua, por ajo e ka gjuhën pak të lëshuar - e kishte fjalën që përdor fjalor të rëndë." Ai më tha: “Atëherë ndahu prej saj!” Unë i thashë: "O i Dërguari i Allahut, ne kemi jetuar një kohë të gjatë bashkë dhe unë kam fëmijë me të." Ai tha: “Atëherë urdhëroje atë” - do të thotë: këshilloje - “e nëse tek ajo ka mirësi, ajo do të të bindet. Dhe kurrsesi mos e rrih bashkëshorten tënde ashtu siç rreh skllaven tënde!” Atëherë i thashë: "O i Dërguari i Allahut, më trego për abdesin." Ai më tha: “Merre abdesin në mënyrë të plotë, fërkoji hapësirat mes gishtave dhe fute thellë ujin në hundë, përveç rastit kur je me agjërim.”"

"Nëse ndonjëri prej jush merr abdes dhe i mbath mestet e tij, le të falet me to dhe le t’i fshijë sipër tyre pa i hequr, nëse dëshiron, përveçse në gjendjen e xhunubllëkut."

“Kur Profeti ﷺ ngrihej për namaz nate, e pastronte gojën me misvak.”

"Shkurtojini mustaqet dhe lëshojini mjekrat!"

“Isha i pranishëm kur Amër ibn ebil-Haseni e pyeti Abdullah ibn Zejdin rreth abdesit të Profetit (paqja qoftë mbi të!). Sakaq Abdullahu kërkoi t’i sillnin një enë me ujë dhe mori për ta abdes siç merrte Profeti i Allahut (paqja qoftë mbi të!) Ai mori ujë nga ena dhe e hodhi në dorën e tij dhe i lau duart tri herë. Mandej ai e futi dorën e tij në enë dhe shpëlau gojën e pastroi hundën me tre grushta. Më pas, ai e futi përsëri dorën në enë dhe lau fytyrën tri herë. Pastaj lau duart gjer te bërrylat dy herë. Pastaj e futi prapë dorën në enë dhe fërkoi kokën një herë, e nisi nga pjesa e parme dhe kaloi nga pjesa e pasme. Më pas, lau këmbët gjer te nyjet.”

"Më dërgoi Profeti i Allahut (paqja qoftë mbi të!) për një nevojë dhe u bëra xhunub, dhe ngaqë nuk gjeta ujë u rrokullisa në dhe ashtu siç rrokulliset kafsha. Kur u ktheva te Profeti (paqja qoftë mbi të!), ia përmenda atë që bëra dhe ai më tha: "Të mjaftonte të bëje me duart a tua kështu; mandej ai i përplasi duart e tij në tokë një herë dhe fërkoi shuplakën e djathtë me të majtën dhe pjesën e sipërme të duarve dhe fytyrën."