“Kur të vijë Ramazani, hapen portat e Xhenetit, mbyllen dyert e Xhehenemit dhe prangosen shejtanët.”
Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë:
“Kur të vijë Ramazani, hapen portat e Xhenetit, mbyllen dyert e Xhehenemit dhe prangosen shejtanët.”
«إِذَا جَاءَ رَمَضَانُ فُتِّحَتْ أَبْوَابُ الْجَنَّةِ، وَغُلِّقَتْ أَبْوَابُ النَّارِ، وَصُفِّدَتِ الشَّيَاطِينُ».
Profeti ﷺ ka njoftuar se, kur vjen muaji i Ramazanit, ndodhin tri gjëra: E para: Hapen dyert e Xhenetit dhe asnjëra prej tyre nuk mbyllet. E dyta: Mbyllen dyert e Xhehenemit dhe asnjëra prej tyre nuk hapet. E treta: Shejtanët dhe xhindët kryeneçë lidhen, kështu që nuk arrijnë të bëjnë atë që zakonisht bëjnë jashtë Ramazanit. E gjithë kjo bëhet për ta nderuar këtë muaj dhe për t’i motivuar njerëzit t'i shtojnë adhurimet ndaj Allahut, si: namazi, lëmosha, përmendja e Allahut, leximi i Kuranit dhe veprat e tjera të mira, si dhe për t’u larguar nga gjynahet dhe veprat e këqija.
Vlera e muajit Ramazan.
Përgëzimi për ata që agjërojnë në të, se ky muaj i bekuar është një sezon adhurimi dhe mirësie.
Lidhja e shejtanëve gjatë Ramazanit, është tregues se i hiqen justifikimet njeriut që është i obliguar me detyrime fetare, sikur t’i thuhet: "Shejtanët janë ndaluar prej teje, prandaj mos i përdor ata si justifikim për braktisjen e adhurimeve apo për kryerjen e gjynaheve."
Kurtubiu ka thënë: "Nëse shtrohet pyetja se si i shohim të këqijat dhe gjynahet të ndodhin shpesh në Ramazan, kur shejtanët janë të lidhur, përgjigjja është se ata ndalohen vetëm nga ata që e respektojnë agjërimin me kushtet e tij dhe i përmbahen edukatës së tij. Ose janë të lidhur vetëm shejtanët kryeneçë, e jo të gjithë, siç përmendet në disa transmetime. Ose qëllimi është se të këqijat pakësohen gjatë këtij muaji, gjë që është e dukshme, sepse ndodhja e tyre në Ramazan është më e vogël se në muajt e tjerë. Kjo sepse lidhja e të gjithë shejtanëve, nuk nënkupton domosdoshmërisht që të mos ndodhë asnjë e keqe apo gjynah, pasi ka edhe shkaqe të tjera për to, si shpirtrat e prishur, zakonet e këqija dhe shejtanët prej njerëzve."
Sahihu i Buhariut (3/ 25) (1899).
Sahihu i Muslimit (2/ 758) (1079).
Më shumë (8)
بهجة الناظرين شرح رياض الصالحين.
لسليم الهلالي (2/ 362).
شرح رياض الصالحين.
لابن عثيمين (5/ 273).
كنوز رياض الصالحين.
لمجموعة من الباحثين (15/ 46).
نزهة المتقين شرح رياض الصالحين.
لمجموعة من الباحثين (1/ 869).
Cituar në libra
3 LibraMë shumë (3)
- مشروع المنهج التعليميمادة الفقه مستوى 3«إِذَا جَاءَ رَمَضَانُ فُتِّحَتْ أَبْوَابُ الْجَنَّةِ، وَغُلِّقَتْ أَبْوَابُ النَّارِ، وَصُفِّدَتِ الشَّيَاطِينُ»
- من أحكام الصيام«إِذَا جَاءَ رَمَضَانُ فُتِّحَتْ أَبْوَابُ الجَنَّةِ، وَغُلِّقَتْ أَبْوَابُ النَّارِ، وَصُفِّدَتِ الشَّيَاطِينُ» [2].
- نبراس طالب (3)نبراس طالب 3«إِذَا دَخَلَ شَهْرُ رَمَضَانَ فُتِّحَتْ أَبْوَابُ الْجَنَّةِ، وَغُلِّقَتْ أَبْوَابُ النَّارِ، وَصُفِّدَتِ الشَّيَاطِينُ»