"Iyo muba mwama mwishimikiza Imana Allah mu vyo mukora ukuri kw'ukuyishimikiza, ni ukuri Yobaronkeje ibibabeshaho bikwiye nka kurya Ironsa inyoni ibizibeshaho bikwiye, aho ubona zizinduka zikagenda zishonje, zagaruka naho zikagaruka zihaze, amabondo yafoye".
Mu vyakiriwe na Omari mwene Al-Khattwaabi (Imana Allah Imwishimire) ku Muvugishwamana (nyakugira amahoro n'impuhwe z'Imana Allah) yavuze ati:
"Iyo muba mwama mwishimikiza Imana Allah mu vyo mukora ukuri kw'ukuyishimikiza, ni ukuri Yobaronkeje ibibabeshaho bikwiye nka kurya Ironsa inyoni ibizibeshaho bikwiye, aho ubona zizinduka zikagenda zishonje, zagaruka naho zikagaruka zihaze, amabondo yafoye".
«لَوْ أَنَّكُمْ كُنْتُمْ تَوَكَّلُونَ عَلَى اللهِ حَقَّ تَوَكُّلِهِ لَرَزَقَكُمْ كَمَا يَرْزَقُ الطَّيْرَ تَغْدُو خِمَاصًا وَتَرُوحُ بِطَانًا».
Umuvugishwamana (nyakugira amahoro n'impuhwe z'Imana Allah) araduhimiriza ko twishimikiza Imana Allah Nyeniteka n'icubahiro nta ngere, mu kurondera ibidufitiye akamaro, no mu kwikingira ibitubangamiye mu vy'isi no mu bijanye n'idini; kuko ata wutanga canke ngo yime ikiremwa ikintu, eka nta n'uwugeramira canke ngo agire ico amariye ikiremwa atari Imana Allah Nyenukuninahazwa Nyenuguhabwicubahiro nta ngere; aranaduhimiriza kandi ko twita ku rutare mu gukora ibituma turonka ibitugirira akamaro n'ibidukingira ivyotubangamira, ivyo bigaheza bikajana n'ukwishimikiza koko Imana Allah, igihe cose rero dukoze ivyo, Imana Allah Iraheza Ikaturonsa ibitubeshaho nka kurya Ironsa ibibeshaho inyoni zigenda mu gitondo zishonje, hanyuma zikagaruka ku mugoroba zihaze, inda zafoye. Ukwo kuntu rero inyoni zibigenza, ni kimwe mu mpamvu z'ukurondera icozibeshaho, ata kurera amaboko ata n'ukunebwa birimwo.
Ivyiza vyo kwishimikiza Imana Allah, n'uko ari kimwe mu mvo zihambaye zituma haboneka ibibeshaho ikiremwa.
Ukwishimikiza Imana Allah, ntibiteye kubiri namba n'ugukora ibasabwa bijanye n'ukurondera; kuko Umuvugishwamana (nyakugira amahoro n'impuhwe z'Imana Allah) yavuze ko ukwishimikiza Imana Allah vy'ukuri bidahushanye na gato n'ukuzinduka uja ku kivi kurondera icorirenza maze ukagaruka bugorovye.
Amabwirizwa y'ubwislamu aritwararika ibikorwa vy'umutima; kuko ukwishimikiza Imana Allah ari igikorwa c'umushaha.
Umuntu kwitwaza gusa imvo zijanye n'ukurondera icorirenza, ni agahaze mw'idini, eka n'ukureka gukora imvo z'ukurondera, ni ikehabwenge.
Igitabu "Sunanu Al-Tirmidhiy" (4/ 151) (2344).
Igitabu "Sunanu Ibnu Maajah" (5/ 266) (4164).
Igitabu "Musnadu Ahmad" (1/ 332) (205).
Ivyiyongeyeko (5)
التحفة الربانية في شرح الأربعين حديثًا النووية (ص103).
فتح القوي المتين في شرح الأربعين وتتمة الخمسين.
للعباد (ص152).
الأحاديث الأربعون النووية وعليها الشرح الموجز المفيد.
لعبد الله المحسن (ص91).