Encyclopedia of Prophetic Hadiths

"नमाज पढ्दा सफ (पङ्क्ति) हरू सीधा गर्नुहोस्; किनकि सफ (पङ्क्ति) हरू सिधा गर्नु नमाजको पूर्णताको एक भाग हो ।"

"जब तिमीहरू मध्ये कोही मस्जिदमा प्रवेश गर्छ भने उसले (अल्लाहुम्मफ्-तह्-ली अब्वाब रह्-मतिक्) र जब बाहिर निस्कन्छ भने (अल्लाहुम्म इन्नी अस्-अलुक मिन्-फज्लिक्) पढ्नुपर्छ ।

उसमान् बिन अफ्फान (रजियल्लाहु अन्हु) मस्जिद (नबवी) को पुनर्निर्माण गर्न चाहन्थे, तर मानिसहरूलाई मन परेन । किनभने उनीहरू मस्जिदलाई पहिलेको अवस्थामा राख्न चाहन्थे । उनले भने: मैले रसूल (सल्लल्लाहु अलैहि वसल्लम) लाई भन्दै गरेको सुनें, उहाँले भन्नुभयो: "जसले अल्लाहको लागि मस्जिद बनाउँछ, अल्लाहले उसको लागि स्वर्गमा उस्तै घर बनाउनु हुन्छ ।"

"तिमीहरू मध्ये कोही मस्जिदमा प्रवेश गर्दा, उसले बस्नु अघि दुई रकात नमाज पढोस्।"

उम्मे सलमा (रजियल्लाहु अन्हा) ले रसूल (सल्लल्लाहु अलैहि वसल्लम) लाई हबशा (इथियोपिया) मा देखेको मारिया नामको चर्च र त्यस भित्र कोरिएका तस्बिरहरू बारे बताउनुभयो । तब उहाँले भन्नुभयो : "तिनीहरू यस्ता मानिसहरू थिए, जब तिनीहरूमध्ये कुनै धर्मी व्यक्तिको मृत्यु हुन्थ्यो, तिनीहरूले उसको चिहानमाथि मस्जिद बनाइदिन्थे र त्यसमा यी चित्रहरू राख्थे । तिनीहरू अल्लाहको नजरमा सबैभन्दा खराब प्राणी हुन् ।"

"मेरो यो मस्जिदमा पढिएको एक नमाज, मस्जिद हरम (मक्का) बाहेक अन्य मस्जिदहरूमा पढिएको एक हजार नमाज भन्दा उत्तम छ ।"

"सात प्रकारका मानिसहरूलाई अल्लाहले त्यस दिन आफ्नो छाया प्रदान गर्नुहुनेछ, जुन दिन उहाँको छायाबाहेक अरू कुनै छाया हुनेछैन: १. न्यायपूर्ण शासक। २. त्यो युवा जसको जीवन र हुर्काइ अल्लाहको उपासनामा व्यतीत भयो। ३. त्यो व्यक्ति जसको हृदय मस्जिदसँग जोडिएको हुन्छ। ४. ती दुई व्यक्तिहरू जसले अल्लाहकै लागि एकअर्कालाई प्रेम गर्छन्, यसैका लागि भेला हुन्छन् र यसैका लागि छुट्टिन्छन्। ५. त्यो व्यक्ति जसलाई उच्च पद र सौन्दर्य भएकी कुनै महिलाले कुत्सित उद्देश्यका लागि आमन्त्रण गर्छिन्, तर उसले भन्छ: 'म अल्लाहसँग डराउँछु।' ६. त्यो व्यक्ति जसले यसरी गोप्य रूपमा दान गर्छ कि उसको देब्रे हातलाई समेत थाहा हुँदैन कि दाहिने हातले के खर्च गर्‍यो। ७. त्यो व्यक्ति जसले एकान्तमा अल्लाहको स्मरण (जिक्र) गर्छ, र उसका आँखाहरूबाट आँसु बग्छन्।"