Encyclopedia of Prophetic Hadiths

“तिमीहरूले अल्लाह र उहाँका रसूलप्रति विश्वास नगरेसम्म स्वर्गमा प्रवेश गर्ने छैनौ, र तिमीहरूले एकअर्कासँग प्रेम नगरेसम्म तिमीहरूको आस्था पूर्ण हुने छैन। के म तिमीहरूलाई एउटा यस्तो कुरा नबताऊँ, जुन यदि तिमीहरूले गर्न थाल्यौ भने तिमीहरू आपसमा माया गर्नेछौ? तिमीहरू आपसमा सलाम (शान्तिको अभिवादन) फैलाऊ।”

"दैनिक पाँच नमाज, र एक शुक्रवारदेखि अर्को शुक्रबार (सम्मको प्रार्थना) र एक रमजानदेखि अर्को रमजान (सम्मको उपवास) ले ती दिनहरु बीच भएका पापहरू लाई मेटाई दिन्छ, यस शर्त साथ कि व्यक्तिले ठूला पापहरूबाट आफूलाई जोगाइ रहोस् ।"

"सजिलो बनाउ, कठिन नबनाउ। खुसीको खबर सुनाउ, घृणा पैदा नगर।"

"जो अल्लाह र अन्तिम दिनमा विश्वास गर्दछ, उसले राम्रो बोलोस् वा मौन बसोस्, जसले अल्लाह र अन्तिम दिनमा विश्वास गर्दछ, उसले आफ्नो छिमेकीको सम्मान गरोस् र जसले अल्लाह र अन्तिम दिनमा विश्वास गर्दछ, उसले आफ्नो अतिथिको सम्मान गरोस् ।"

मुस्लिमलाई गाली गर्नु घोर पाप हो र झगडा गर्नु कुफ्र हो ।

"हे मानिसहरू! अल्लाहसामु पश्चात्ताप गर र उहाँसँग क्षमा माग, किनकि म आफैँ पनि दिनमा सय पटक पश्चात्ताप गर्छु।"

"यदि मानिसहरूलाई अज़ान दिनु र पहिलो पङ्क्तिमा उभिएर नमाज पढ्नुको पुण्य र महत्व थाहा हुन्थ्यो, र त्यसलाई चिट्ठा हालेर मात्र प्राप्त गर्न सकिन्थ्यो भने, उनीहरूले त्यसका लागि अवश्य चिट्ठा हाल्ने थिए। यदि उनीहरूलाई नमाजका लागि समयभन्दा अगाडि मस्जिदमा पुग्नुको पुण्य थाहा हुन्थ्यो भने, त्यसतर्फ एकअर्काभन्दा अघि बढ्न प्रतिस्पर्धा गर्ने थिए। अनि यदि उनीहरूलाई इशा र फज्रको नमाजमा उपस्थित हुनुको पुण्य थाहा हुन्थ्यो भने, उनीहरू घिस्रिँदै भए पनि ती दुवै नमाजका लागि अवश्य आउने थिए।"

मैले रसूलल्लाह (सल्लल्लाहु अलैहि वसल्लम) लाई भलाइ (पुण्य) र पापको बारेमा सोधेँ। उहाँले भन्नुभयो: «पुण्य भनेको उच्च व्यवहार हो र पाप भनेको जुन कुरा तिम्रो मनमा सङ्का पैदा गर्छ र तिमी चाहँदैनौ कि मानिसहरूले त्यसलाई थाहा पाउन»।