Encyclopedia of Prophetic Hadiths

"जसरी गुन्द्रीका सिन्काहरू एक-एक गरी बुनिन्छन्, त्यसरी नै मानव हृदयमा एकपछि अर्को गर्दै फित्नाहरू (विपत्ति, प्रलोभन, उपद्रव र परीक्षाहरू) आइपर्नेछन्। जुन हृदयले तिनलाई आफूभित्र सोस्छ, त्यसमा एउटा कालो दाग बस्छ; अनि जसले तिनलाई अस्वीकार गर्छ, त्यसमा एउटा चम्किलो सेतो चिह्न अङ्कित हुन्छ। अन्ततः हृदयहरू दुई प्रकारका हुनेछन्: १. सङ्गमर्मरझैँ सफा र निष्कलङ्क सेतो हृदय, जसलाई आकाश र पृथ्वी रहुन्जेल कुनै पनि फित्नाले डगाउन सक्ने छैन। २. खरानी मिसिएको धमिलो कालो हृदय, जो उल्टो पारिएको भाँडोजस्तो बन्नेछ; जसलाई न कुनै सत्कर्मको पहिचान रहनेछ, न त कुनै कुमार्गको बोध, ऊ केवल आफ्ना वासना र क्षणिक इच्छाहरूको दास बन्नेछ।" हुजैफा (रजिअल्लाहु अन्हु) ले भन्नुभयो: "मैले उमर (रजिअल्लाहु अन्हु) लाई भनेँ: 'तपाईं र ती फित्नाहरूका बीच एउटा बन्द ढोका छ, जुन चाँडै तोडिनेछ।' उमरले सोध्नुभयो: 'के त्यो तोडिने नै छ? यदि खोलिएको मात्र भए त सायद पुनः बन्द गर्न सकिन्थ्यो होला!' मैले भनेँ: 'होइन, त्यो तोडिने नै छ।' अनि मैले उहाँलाई स्पष्ट बताइदिएँ कि त्यो ढोका वास्तवमा एक व्यक्ति हुनुहुन्छ, जसको हत्या हुनेछ वा उहाँको मृत्यु हुनेछ।" हदीसका एक वर्णनकर्ता अबु खालिदले भन्नुहुन्छ: "मैले (आफ्ना गुरु) सादसँग सोधेँ: 'हे अबु मालिक! हदीसमा आएको शब्द ‘अस्वद मुरबाद्द’ को अर्थ के हो?' उहाँले भन्नुभयो: 'कालोपनभित्र सेतो मिसिएर बनेको धमिलो कालो रङ्ग।' मैले फेरि सोधेँ: '‘कुज मुजख्खी’ को अर्थ के हो?' उहाँले जवाफ दिनुभयो: 'उल्टो पारिएको वा घोप्ट्याइएको भाँडो।'"

मैले भने: हे अल्लाहको रसूल! मलाई इस्लामको बारेमा एउटा यस्तो कुरा बताउनुहोस् जुन मैले अरू कसैलाई सोध्न नपरोस् । उहाँले भन्नुभयो: "भन, म अल्लाहमा विश्वास गर्छु र त्यसपछि त्यसमा अडिग रहनु।"

"सम्पूर्ण कर्महरू नियतमा आधारित छन् र प्रत्येक व्यक्तिले आफ्नो नियतअनुछ,र नै प्रतिफल पाउँछ। यदि कसैले अल्लाह र उहाँका रसूलका लागि 'हिजरत' गर्छ भने, उसको हिजरत अल्लाह र उहाँका रसूलकै लागि मानिन्छ; तर यदि कसैले छ,ंछ,रिक लाभ वा कुनै महिलासँग विवाह गर्ने उद्देश्यले 'हिजरत' गर्छ भने, उसको 'हिजरत' सोही उद्देश्यका लागि मानिन्छ जसका निम्ति उसले 'हिजरत' गरेको हो।"

"तिमीहरूमध्ये प्रत्येकले अल्लाहको बारेमा राम्रो सोच राख्दै मृत्युवरण गर्नुपर्छ।"

"मैले रसूल (सल्लल्लाहु अलैहि वसल्लम) सँग (परस्त्रीमाथि) अकस्मात् पर्ने नजरका विषयमा सोधेँ। उहाँले मलाई आफ्नो दृष्टि तुरुन्तै अरू कतै फर्काइहाल्न आदेश दिनुभयो।"

"निश्चय नै यो संसार मधुर र रमणीय छ। अल्लाहले तिमीहरूलाई यस संसारमा उत्तराधिकारी बनाउनुभएको छ र उहाँले हेर्नुहुन्छ कि तिमीहरू के कसरी कर्म गर्छौ। तसर्थ, संसार (को मोह माया) बाट सचेत रहनु र महिलाहरूबाट पनि सचेत रहनु, किनकि बनु-इस्राइलको पहिलो विपत्ति (फित्ना,परीक्षा ) महिला प्रलोभन सँग सम्बन्धित थियो।"

"मैले आफ्नो पश्चात पुरुषहरूका लागि महिलाहरू भन्दा बढी हानिकारक कुनै फितना (प्रलोभन) छोडेको छैन ।"

"मैले दुई प्रकारका नरकवासी (अहिलेसम्म) देखेको छैनँ: पहिलो ती मानिसहरू जसको साथमा गाईको पुच्छर जस्तै कोर्रा हुनेछ र तिनीहरूले मानिसहरूलाई त्यसले पिट्नेछन्। दोस्रो ती महिलाहरू जो लुगा लगाएर पनि नाङ्गै हुनेछन्, अरूलाई आकर्षित गर्नेछन् र आफैँ पनि आकर्षित हुनेछन्, तिनीहरूको टाउको (केश सजावट) ऊँटको जुरो (कोहान) जस्तै अग्लो हुनेछ। तिनीहरू स्वर्गमा प्रवेश गर्नेछैनन् न त यसको सुगन्ध नै पाउनेछन्, जबकि स्वर्गको सुगन्ध अत्यधिक दूरीबाट नै अनुभव गर्न सकिन्छ।"