Skip to content
721 Hadiths

Encyclopedia of Prophetic Hadiths

Filter results

24 of 721 cards

Clear filters
«wakat ning Wẽn d sẽn wa n naan arzãnã la Bugmã, A tʋmsa a Gibriila, tɩlgr be a yĩnga, arzãnẽ wã, n yeel-a : « ges-a la f ges bũmb ning Mam sẽn sεgl a pʋgẽ wã, n na n kõ nebã ». T’a Gibriil ges-a n lebg wa yeele : m wẽen ne Fo zɩslemã, ned ka be, n na n wʋm yãwã kibare, rẽndame t’a kẽ-a. Tɩ Wẽnd sagl tɩ b gũbg arzãnã ne yεl nins yõor sẽn kisã. La A yeel-a « ges-a la bũmb ning Mam sẽn sεgl tɩ be a pʋgẽ wã, n na n kõ nebã» . T’a lebg n tɩ ges-a, n mik tɩ b gilg-a lame ne yεl nins yõor sẽn kisi. T’a Gibriil yeele: “ m wẽen ne Fo zɩslemã, m yεεsdame tɩ ned baa a yembr kõn n kẽ-a ye” T’a yeele: kẽng n tɩ ges Bugmã la f ges bũmb ning Mam sẽn sεgl a pʋgẽ, n na n bĩng a nebã. T’a tʋg n ges-a, n mik tɩ Bugmã zombda taaba, t’a lebg n wa n yeel Wẽnde: “ m wẽen ne Fo zɩslemã ned baa a yembr kõn n kẽ yãwã ye”. Tɩ Wẽnd sagl tɩ b gilg Bugmã ne yõor yamleoog teedo, tɩ Wẽnd yeel-a: “lebg n tɩ ges-a”. T’a Gibriil tʋg n ges-a, n mik t’a yaa sẽn gũbg ne yõyã yamleoodo, t’a lebg n wa yeele: “ m wẽen ne Fo zɩslemã, ad mam yεεsdame tɩ ned baa a yembr ka na n põse, n ka kẽ Bugmã ye».
Hasanʋn (be neere) A Abʋʋ Daawʋʋd la a At-tirmizii la a An-nasaa'ɩy n reeg-a
التصنيف الشرعيذَمُّ الهوى والشَّهوات، صفات الجنة والنار، الحياة الآخرةموضوعات الحديثالصبر، الإيمان باليوم الآخرمحاور التعريف بالإسلامالجنة، النار
«Ned sã n pʋʋs zama pʋgẽ, a yel-sõmdã yɩɩda ned sẽn na n pʋʋs a zakẽ, la a sẽn na n pʋʋs a raagẽ pisi la saare, la rẽnda yaa tɩ yãmb ned fãa sã n yõk koom, n maneg koomã yõgbo, rẽ poorẽ n yi n kẽng miisrẽ wã, tɩ bũmb ka kẽng ne-a rẽnda Pʋʋsgã, a ka rat bũmb sã n ka Pʋʋsgã, a ka zẽkd a na-tagdre rẽndame tɩ Wẽnd zẽk dargε ne-a, la A lub yel-beed ne a na-tagdrã zẽkre, halɩ t'a wa tʋg n ta miisrẽ wã. La a sã n kẽ miisrã pʋgẽ, a bee Pʋʋsg pʋgẽ bala, tɩ sã n mikame tɩ yaa Pʋʋsgã n gɩdg-a t'a be beenẽ. La malεgsã pʋʋsda ned fãa, sã n mikame t'a ket n bee ɑ Pʋʋsgã zĩigẽ, b yetame: m Soab a Wẽnde! Yols-a, m Soab a Wẽnde! Yaaf-a, m Soab a Wẽnde! Reeg a tuubgu. T'a sã n ka maan zũnuub tʋʋma a zĩigẽ wã, maa a koomã sã n ka kao».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيفضل الوضوء، فضل صلاة الجماعة وأحكامها، أحكام المساجدموضوعات الحديثأحكام الوضوء، صلاة الجماعة
Wẽnd Tẽn-tʋʋma (Wẽnd pʋʋsg la A tɩlgr be a yĩnga) ra yɩɩme t'a sã n yeel Allaahʋ akbarʋ Pʋʋsgẽ, a sĩndida bilfu, taoor t'a na n ka sɩng karengã ye, tɩ mam yeele: Wẽnd Tẽn-tʋʋmã, m na rɩk m ba wã la m ma wã n yao n fãag fo yõorã, kõ maam kibare; fo sĩndgã Allaahʋ Akbarʋ wã la f karengã sʋka, yaa bõe la f yeta? T'a yeele: "Mam yetame: «M Soab a Wẽnde, zãag maam ne tʋʋm-tuudsã sʋka, wa F sẽn zãag yaangã ne wĩnto-lʋɩɩngẽ wã sʋka, m Soab a Wẽnde, yɩlg-ma n yi m tʋʋm-tuutɩ wã, wala b sẽn yɩlgd fu-pεεlga n yi rẽgdã, m Soab a Wẽnde pεk-ma n yi m tʋʋm-tuutɩ wã ne koom la sa-pɩlma la maasga= Allahuma baa'ʿɩd baynɩɩ wa bayna ẖataayaaya kamaa baa'ʿadta bayna l-mašrɩƙɩ wal-maġrɩb; Allahumma naƙɩnɩɩ min ẖataayaaya kamaa yʋnaƙƙaɑ Aṯ -ṯawbʋ al-abyaḍu min ad-danas; Allahumma ġsɩlnɩɩ min ẖataayaaya bil maa'ɩ wa ṯ-ṯalǧɩ wal-barad».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيصفة الصلاة، أذكار الصلاةموضوعات الحديثسنن الصلاة، صفة الصلاة
Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) a yalsa tõnd sʋk raar a yembre, n maan tõnd waazʋ, waazʋ sẽn ta tεka, tɩ sũy rigim a poorẽ, tɩ nintãm wɩdem a poorẽ, tɩ b yeele: Wẽnd Tẽn-tʋʋma, fo maana tõnd Wẽnd-na-wat-ne waazʋ, bɩ f rɩk alkaool ne tõndo. T'a yeele: «M kengd-y-la ne Wẽnd zoεεga la sak-n-tũ, la yãmb na n yãa mam poorẽ, yõs taab wʋsgo, bɩ y gãd mam Sunnah la lεdsdb nins sẽn yaa tẽeg tɩrg-rãmbã, sẽn yaa kãndgdbã Sunnah, gãd-y rẽndã ne yẽn-wãbdɩ la m kengd yãmb tɩ y zãag yεl sɩngdsã, tɩ ad Bid'ah buud fãa yaa menengo».
Naṣʋn Ṣahɩɩhʋn (Gom-sikdem sẽn manege) A Abʋʋ Daawʋʋd la a At-tirmizii la a ɭbn Maaǧa la a Ahmad n reeg-a
التصنيف الشرعيالصحابة وفضلهم، حق الإمام على الرعية، حقيقة البدعة، أهمية السنة ومكانتها، الخلافة الراشدة وسير الصحابةموضوعات الحديثأحكام الإمامة، البدعة، متابعة الرسول ﷺ، التقوى
T'a ra yɩɩme (Wẽnd pʋʋsg la A tɩlgr be a yĩnga) n maan "Allaahʋ Akbarʋ" Pʋʋsg fãa sẽn yaa tɩlae la zẽng sẽn ka tɩlae, Ramadaanã pʋgẽ la zẽng sẽn ka Ramadaane, rẽnd a yetame tɩ "Allaahʋ Akbarʋ" a sẽn wat n yik n yalsã, rẽ poorẽ t'a yeel "Allaahʋ Akbarʋ" a sẽn wat n tiuul rukuẽ wã, rẽ poorẽ t'a yeel "Sami Allaahʋ lɩman Hamidah", rẽ poorẽ t'a yeel "Rabbanaa walakal hamdʋ" taoor t'a na n ka maan suguudu, rẽ poorẽ t'a yeel « Allaahʋ Akbarʋ" a sẽn wat n sulgdẽ n nɑ n maan suguudã, rẽ poorẽ t'a yeel "Allaahʋ Akbarʋ" a sẽn wat n rõogd suguudẽ wã, rẽ poorẽ t'a yeel "Allaahʋ Akbarʋ", rẽ poorẽ t'a yeel tɩ "Allaahʋ Akbarʋ" a sẽn wat n roog n yit suguudẽ wã, rẽ poorẽ t'a yeel "Allaahʋ Akbarʋ" a sẽn wat n zĩnd rakaar a yiibã n na n yikã. A maanda woto rakaar fãa gill pʋgẽ, halɩ tɩ Pʋʋsgã wa sε. Rẽ poorẽ t'a Abʋʋ Hʋrayrat yeel a sẽn wa n rat n loogã: "m wẽen ne mam yõorã sẽn be A Soab Nugẽ wã, ad maam pʋʋsgã n yɩɩd wõneg ne Wẽnd Tẽn-tʋʋmã (Wẽnd pʋʋsg la A tɩlgr be a yĩnga) Pʋʋsgã, ne yãmbɑ, lɑ ad a Pʋʋsg rag n dɑ yaa woto bala, halɩ t'a wa bas dũni".
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيصفة الصلاة، أذكار الصلاةموضوعات الحديثمتابعة الرسول ﷺ، صفة الصلاة
«Yãmb sã n na n pʋʋse, bɩ y tẽeg y saf-rãmbã tɩrga, rẽ poorẽ bɩ y yãk y ned tɩ yɩ limaam, a sã n yeele: "Allaahʋ Akbarʋ" bɩ yãmb me yeele: " Allahʋ akbarʋ". A sã n yeele: {Ṣɩrɑɑtɑll-lɑzɩɩnɑ an-ʿamtɑ ʿalɑyhim gɑyril-mɑgdʋʋbi ʿalɑyhim wɑlɑ-ḍḍɑɑllɩɩn (Lɑ pɑ Nɑsɑr-dãmbɑ lɑ Yɑhuud-rãmbɑ sor ye)} [Sʋʋratʋ Al-faatɩha : 7], bɩ y yeel: "Aamiina". Tɩ Wẽnd reegda y yĩnga. A sã n yeele Allaahʋ Akbarʋ n maan Rukuu, bɩ yãmb me yeel Allaah akbarʋ n maan Rukuu wã. Bala limaamã a rengda yãmb n zõondẽ, la a leb n reng yãmb n rooge, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: "rẽnd wãnde yaa wa wãnde". la a sã n yeele: «Samiʿa Allah lɩman hamɩdah», bɩ y yeele: "Allahumma Rabbanaa wa lakal-hamdʋ", tɩ Wẽnd wʋmda y yĩnga. Bala Wẽnde, (A Naam yɩlgame n zẽke), A yeelame, sẽn tũ ne A Nabiyaamã zelemde, (Wẽnd pʋʋsg la A tɩlgr be a yĩnga): «Samiʿa Allah lɩman hamɩdah» (Wẽnd wʋma ned ning sẽn pẽg-A, la a sã yeel Allaahʋ Akbarʋ n maan Suguudu, bɩ yãmb me yeel Allaahʋ akbarʋ n maan Suguudu, bala limaamã a rengda yãmb n sulgi la a reng yãmb n rooge, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: "rẽnd zĩ-kãngã maanegã yãmb me maanda maan-kãngã", la a sã n be zĩndigẽ wã bɩ yãmb rẽenem koεεg yɩ: Attahɩ yaatʋ, aṭṭaybaatʋ, aṣṣalawaatʋ lillaahɩ, Assalaamu Alayka Ayyʋhannabiyyʋ wa rahmatʋllaah wabarakaatʋhʋʋ, Assalaamʋ ʿAlaynaa, wa ʿalaa ʿɩbaadɩllaah Aṣṣaalɩhɩɩna, Ašhadʋ an laa'ɩlaaha ɩllallaah, wa Ašhadʋ Anna Mʋhammadan ʿAbdʋhʋʋ Warasʋʋlʋhʋʋ, (m maanda kaseto tɩ soab sẽn na n tũ n tɩlg ka be tɩ sã n ka Wẽnde, la m maanda kaset t'a Mʋhammad yaa Wẽnd yɑmbɑ lɑ A Tẽn-tʋʋma)».
Naṣʋn Ṣahɩɩhʋn (Gom-sikdem sẽn manege) A Muslim n reeg-a
التصنيف الشرعيأركان الصلاة، واجبات الصلاة، صفة الصلاة، أذكار الصلاة، أحكام الإمام والمأمومموضوعات الحديثصفة الصلاة، صلاة الجماعة
«Wẽnd yeelame, (A Naam zẽkame); Mam pʋɩɩ Pʋʋsgã Maam la M yambã sʋka, boɑg a yiibu, la Mam yambã, a sẽn kos bũmb ningã fãa, M na kõ-a, rẽnd Mam yambã sã n yeele: {Al-Hamdu lɩllaahɩ Rabbil- ʿaalamiin, =Pẽgr tiging be ne Wẽnde sẽn yɑɑ bõn-naandsã Nɑɑbã}. la Wẽnd sẽn yete: Mam yambã pẽga Maam. La a sã n yeele: {Ar-Rahmɑɑni Arrahɩmi, =Sẽn yɑɑ dũni gũbg-n-yols Nɑɑbã, n yɑɑ yɑoolem raar welg-n-yols Nɑabã}, La Wẽnd sẽn yete: Mam yambã soeesa Maam. La a sã n yeele: {Maalɩkɩ yawmɩ addiin, = n yɑɑ dĩinã rolb rɑɑr Nɑɑbã}, la A sẽn yete; Mam yambã waooga Maam. La Nabiyaamã yeela noor a yembre: Mam yambã rɩka a yellã n boblg Maam. La yambã sã n yeele: {ɭyyaka na' ʿabudu wa iyyaka nasta'ʿiin= Foo bɑl lɑ d tũudɑ, lɑ Foo bɑl lɑ d kot sõngre}, la A sẽn yete: wã yaa Maam la M yambã sʋka, la Mam yambã sẽn kos bũmb ningã a na paame. La a sã n yeele: {Ihdinaa'ṣ-ṣɩraaṭa al-mustaƙɩɩm Ṣiraaṭa'llaḏɩɩna anʿamta ʿalayhim, gayril-mag duubi ʿalayhim wala'ḍḍaallɩɩn =kãndg-d n tʋg so-tɩrgẽ wã; Fo sẽn mɑɑn neemã n kõ-b rãmbã sorã, zẽng sẽn pɑ b sẽn gẽ-b rãmbã lɑ sẽn menemdbã sorã ye}, la Wẽnd sẽn yete: wõnde yaa Mam yambã nengẽ, la Mam yambã sẽn kos bũmb ning n rat fãa gilli, a na paame».
Naṣʋn Ṣahɩɩhʋn (Gom-sikdem sẽn manege) A Muslim n reeg-a
التصنيف الشرعيفضائل السور والآيات، أركان الصلاة، تفسير الآياتموضوعات الحديثفضائل السور والآيات، أركان الصلاة
Raoa n wa Wẽnd Tẽn-tʋʋma nengẽ (Wẽnd pʋʋsg la A tɩlgr be a yĩnga) n yaa Nagid neda, t'a zugã yaa sẽn zũndgi, tõnd wʋmda a koεεgã rãamde, la d ka wʋmda a sẽn yetã ye, halɩ t'a wa tʋg n pẽneg Wẽnd Tẽn-tʋʋma (Wẽnd pʋʋsg la A tɩlgr be a yĩnga), n mik tɩ yaa lɩslaangã sẽn yaa a soab la a soakda, tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeel-a: «yaa wakat a nu wĩndg la yʋngo». T'a yeele: zẽng sẽn ka bãmbã n zao mam zug bɩɩ? T'a yeele: «ayo, sã n ka fo na n pʋʋsa ne f yam raabo, la Ramadaan kiuug no-loeere» T'a yeele: rẽ yĩnga zaoo mam zug zẽng sẽn ka rẽ bɩɩ? T'a yeele: «ayoo, sã n ka f na n loee ne f yamleoogo», tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) togs-a Zaka, t'a yeele: la zẽng sẽn ka Zakã n zao mam zug bɩɩ? T'a yeele: «ayoo, sã n ka f na n kõo ne f yamleoogo». A yeelame: tɩ raoa gũd kuidg n teesdẽ la a yetẽ: m wẽend ne Wẽnde, m kõn n paas bũmb woto zugu, m kõn n boog me. Tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeele: «A põsame t'a sã n sɩdge».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيوجوب الصلاة وفضلها وحكم تاركها، صلاة التطوع، وجوب الزكاة وحكم تاركها، صدقة التطوع، وجوب الصيام وحكم تاركه، الإسلامموضوعات الحديثالزكاة ومكانتها، الصوم الواجب، صيام التطوع، صدقة التطوع، مكانة الصلاة وفضلها، صلاة التطوعمحاور التعريف بالإسلامأركان الإسلام