Encyclopedia of Prophetic Hadiths

«Mam sẽn na n yeel (Sʋbhaana-llaah) la (Al-hamdu lillaah) la (Laa ɩlaaha ɩllallaah) la (Allaahʋ akbarʋ) yẽ n noom maam n yɩɩd bũmb fãa wĩndgã sẽn puk n miki».

«Wẽnd yeelame: Adem-biig tʋʋmã fãa yaa yẽ n so, rẽnda a no-loeerã, ad yẽnda yaa Maam n so la Maam n yaood yẽ, la no-loeerã yaa gãongo, la yãmb kɑm fãɑ no-loeer raare, bɩ ɑ ra maan kẽed-n-taar ye la a rɑ pãb no-pend ye, la ned sã n tʋ-a maa zab ne-a, bɩ a yeele: ad mam yaa ned sẽn loe noore. Lɑ mɑm wẽenda ne a Mʋhammad yõorã sẽn be Naab ningã nugẽ wã, no-loεt noorã yũug Wẽnd nengẽ ɑ noomame yɩɩd misk yũugu, no-loεt tara sũ-nood a yiibu, n kɩdemd ne-ba: a sã n wa kao noorã a kɩdemdame, la a sã n seg a Soabã, a kɩdemda ne a no-loeerã».

Rɑo sẽn yɑɑ zoɑng n wɑ Nɑbiyɑɑm nengẽ (Wẽnd pʋʋsg lɑ A tɩlgr be ɑ yĩnga) n yeele: Wẽnd Tẽn-tʋʋmã, ɑd mɑm pɑ tɑr tɑt sẽn nɑ n tɑll mɑɑm n kẽng misrẽ wã ye, t'ɑ kos Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) t'ɑ yols n kõ-ɑ t'ɑ pʋʋsd ɑ zɑkẽ wã, t'ɑ kõ-ɑ sore, lɑ ɑ sẽn wɑ n wẽnemdã ɑ bool-ɑ lɑme, n yeele: « Fo wʋmdɑ lɑɑndãɑnã bɩɩ?» T'ɑ yeel tɩ n-ye. T'ɑ yeel-ɑ: «bɩ f sɑke».

«Rẽ yĩnga, m ka na n kõ yãmb kibare, ne bũmb ning Wẽnd sẽn yẽesd zũnuub-rãmb ne-a, la A zẽkd dargε-rãmb ne-a?» La b yeele: N-yee, Wẽnd Tẽn-tʋʋma, la a yeele: «yaa koom yõk tɩ ta ne sẽn ka noomã fãa, la na-tagdɩ wʋsgo n tʋg miisã wã, la kolled Pʋʋsgo, Pʋʋsg loogr poorẽ, ad yaa yẽ bal la Ar-rɩbaate (kor n gɩd bεεba)».

«Pẽnes-y la y remse, la y bãng tɩ ad yãmb baa a yembr ka na n tõog n põs a tʋʋm yĩng ye». La b yeel yã Wẽnd Tẽn-tʋʋmã baa ne foom? La a yeele «Baa maam, sã n ka Wẽnd n na n lud maam ne yolsg sẽn yi A nengẽ la kũuni».

«Ra maan-y taab sũ-kiir ye, la belg-y taab tɩ b ra n kẽ ye (belg ned t'ɑ rɑ bũmb wɑlɑ f sẽn nɑ n tɑ n dɑ toogo n nɑ yɩl n bleg sẽn rɑt n rɑ wã t'ɑ rɑ n kẽ), la y ra gẽ taab ye, la y ra maan raba-wẽns ne taab ye, yãmb sãnda ra wa koos taab koosg zug ye ( wɑ ne sẽn bɑrsd tɩ fo tʋg n pɑɑs ligdã n reeg n dɑ), yɩ-y Wẽnd yembse, n yaa ma-biisi, lɩslaam ne a to yɑɑ ma-biisi, a ka wẽgd-a, a ka basd a sõngre, a ka paoogd-a , Wẽnd zoεεgã yaa zĩ-kãngã» La a teesd a yãoogã noor a tãabo.«Wẽng ta tεk ne lɩslaam t'a wa tʋg n paoogd a ma-bi-taaga, lɩslaam gillã yaa haraam ne a lɩslaam taaga, a zɩɩmã yaa haraam, a arzεkã yaa haraam, a burkĩnd yaa haraam».

«Ad rẽenem zãma sẽn kẽed arzãnã, b yalε wã yaa wala kiuug rasem piig la a naase, rẽ poorẽ neb nins sẽn pʋgd bãmbã b peelemã yɩɩda ãd-pɩndga saasẽ wã, b ka rʋʋte, b ka maan wa-kεεnga, b ka tʋbsde, b ka fẽesd b yõy ye, b zutã sãasdsã yaa sãnem, yũ-nood b sẽn fuusd yaa misk, b wisd laasã yaa wisd noodo, b pagb yaa Huuru ʿAyn, b bee rao a yembr tãa naaneg zugu, b saamb a Aadam yalε wã, yaa kãntɩɩs pis-yoob saasẽ wã».

«B gũbgɑ Bugmã ne yõor yɑmleedo, lɑ b gũbg arzãnã ne yõor sẽn kisã».