Encyclopedia of Prophetic Hadiths

«Wẽnd yeelame (A Naam yɩ wagell n zẽke) Adam biig namsda Maam, a tʋʋda zamaanã, la Maam la zamaanã, bala yellã bee Mam Nugẽ, Maam n leebg yʋng la wĩndga».

Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ra yɩɩme n yet a suguudẽ wã «Allaahumma agfɩrlɩɩ Zanbɩɩ kulluhuu, dɩƙƙahuu wa gillahuu, wa Awwalahuu, wa Aaẖɩrahuu, wa ʿAlaaniyatahuu wa sirrahuu=m Soab A Wẽnde! Yaaf-ma n yi m zũnuubã, a fãa gilli, a kɩdgã la a bedrã, la a wʋsgã, la rẽenemã, la a yaoolemã, la sẽn vẽnegã la sẽn solgã».

«Ned ning sẽn boola n tʋg kãndgre, a soab tara keoore wala neb nins sẽn pʋg-a wã, tɩ rẽndã me ka boogd bãmb keoorã baa fʋɩ. La ned ning sẽn boola n tʋg menengo, ad yẽ me tara zũnuuba, wala neb nins sẽn pʋg yẽ wã zũnuub bilgri, tɩ rẽnda ka boogd bãmb zũnuubã baa fʋɩ».

Wẽnd Tẽn-tʋʋma (Wẽnd pʋʋsg la A tɩlgr be a yĩnga) ra yɩɩme t'a sã n na n tĩsi a ningda a nugã -maa a fuugã- a noorẽ, n lud a koεεga -ne rẽnda-.

«Nin-kẽem sũur ka bak n yaa rasãnga yεl a yiib pʋgẽ: dũni nonglem la saagr woglg pʋgẽ».

«Ned ning sẽn kollɑ keelem soɑbɑ, mɑa ɑ bɑsɑ bũmb tɩ lʋɩ sɑmdẽ wã, sɑm soɑbã yĩngɑ, Wẽnd kẽesd-ɑ-lɑ Al-Arsã mɑɑsmẽ dũni yikr rɑɑrã, rɑɑr ning mɑɑsem sẽn kɑ be tɩ sã n kɑ A mɑɑsmã».

«Zoambd n ningd sẽn kẽnda sallem, tɩ sẽn kẽndɑ n ningd zĩid sallem, tɩ neb kɩdg ning neb wʋsg sallem».

Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) yeelame: «Wẽnd yeelame:Ned ning sẽn wa n maana Mam noang beem, ad M segla a soab ne zabre, la Mam yamba ka yɩ sẽn na n pẽneg Maam ne bũmbu, tɩ noom Maam n yɩɩd Mam sẽn maan faril ning n rogl-a wã ye, Mam yambã ka bake n pẽnegd Maam ne naafil-rãmba, halɩ tɩ M bʋ a nonglem, M sã n bʋ a nonglem, M lebgda a wʋmb ningã a sẽn wʋmdã, la a nifr ning a sẽn getã, la a nug ning a sẽn yõkdã, la a naoor ning a sẽn kẽnd ne wã. A sã n kos Maam, M na kõ-a, la a sã n kos Maam gũudum, M na maan-a gũudum, la Mam ka maand maas-maas ne yell Mam sẽn na n maan-a wala M sẽn maagd lɩslaam yõor yãkr ye, a kisa kũumã, tɩ Mam kisg a wẽngã maanego».