Encyclopedia of Prophetic Hadiths

«Wẽenegã bolgda teoog raaga, la a yãkd a yõodã barka».

«Yãmb yãame, lak kʋɩlg sã n be yãmb yembr fãa zak noore, t'a sood a pʋgẽ, raar fãa noor a nu, fo yetame tɩ rẽgd na n paa a yĩngẽ wã baa kɩdg bɩɩ?» La b yeel yã: baa fʋɩ ka na n pa a rẽgdẽ wã ye. La a yeel yã: «ad rẽnda yaa wala Pʋʋs-rãmb a nu wã, Wẽnd yẽesda tʋʋm-tuuti wã ne rẽnda».

«Ned ning sẽn yõka koom, n maneg a koomã yõgbo, rẽ poorẽ t'a wa arzũmã Pʋʋsgo, n kelge la a sĩndi, b yaafd-a lame bũmb ning sẽn be yẽ la arzũmã sʋka la b paas rasem a tãabo, la ned ning sẽn sɩɩsa kugã ad a reemame».

«Ned ka be sẽn na n ning maam sallem, rẽndame tɩ Wẽnd lebs mam yõorã, tɩ m lebs a soabã pʋʋsgã».

«Bas-y maam tɩ mam sã n bas yãmba, ad sẽn reng-b yãmb taoorã halkame, b sogsgã la b sẽn yõsd ne b nabiyaam-rãmbã yĩnga, rẽnd mam sã n gɩdg yãmb n yi yelle, bɩ zãag-a la m sã n sagl yãmb ne yelle, bɩ y maan-a y pãng tõog tεka».

«Raar sõmblem, wĩndgã sẽn puk a zugu, yaa arzũm raare, a pʋgẽ la b naan a Ādema, a pʋgẽ la b kẽes-a arzãna, a pʋgẽ la b yiis-a arzãnẽ wã, la dũni pa yikdi rẽnda arzũm raare».

«Lɩslaangã rog-n-mikã yaa nu, yaa bõng kõom, la pend põmbo, la no-kõbd wõrsgo, la nɑ-yẽes wõrsgo, la bãgd võobo».

«Raar ka be yembsã sẽn na n vẽeg beoogo, rẽndame tɩ malεgs a yiib sigi, tɩ yembr yetẽ: m Soab A Wẽnde! Kõ sẽn yãkda n nafdẽ ledsgo. T'a yembrã yetẽ: m Soab A Wẽnde! Kõ sẽn gãdã (beed soaba) sãangã».