Encyclopedia of Prophetic Hadiths

«Ned ning sẽn vẽega beoogo n tar laafɩ a yĩnsẽ, la bas-m-yam a mengẽ, n tar a raarã rɩɩbo, yaa wala b koola dũni wã fãa n kõ yẽnda».

«Nɑmsg kɑ be, nams taab me ka be».

«Ka be tõnd pʋgẽ, ned sẽn maana liu-n-bogre, maa b maana a yĩnga, maa a bʋga bagre, maa b bʋga bagr a yĩnga, maa a maan tɩɩm, maa b maana tɩɩm a yĩnga, la ned ning sẽn wa bag-bʋdga n kõ sɩd ne a sẽn yet-a, a soab kɩfla ne bũmb ninga b sẽn sik n kõ a Mohammadã, (Wẽnd pʋʋsg la A tɩlgr be a yĩnga)».

«Ned ning sẽn rɩ rɩɩbo, n yeele: Alhamdu lillaahi Allaḏii aṭ-ʿamanii haaḏaa, wa razaƙaniihi min ġayri hawlin minnii walaa ƙuwwatin= (Pẽgr be ne Naab ning sẽn rɩlga maam wãndã, la A lok-a maam, tɩ ka tũ ne sɩlem, la pãnga sẽn yi mam nengẽ), b yaafda a zũnuub sẽn reng taoore».

«Sɩd-kõtbã sẽn yɩɩd lɩɩmaoong pidbu, yaa sẽn yɩɩd ne zʋg-sõngo, la yãmb sõmblem sẽn yɩɩda, yaa ned ning sõmblem sẽn yɩɩda a pagbẽ wã».

«Zoe Wẽnd fo sẽn be zĩig ning fãa, la f pʋglg wẽnga ne sẽn sõmbe, t'a yẽesd-a lame, la f vɩɩm ne nebã ne zʋg-sõngo».

"Ned ning sẽn wa n tʋg n wõns a meng ne neba, yẽ me lebga bãmba".

«Ad yaoogo, a yaa rẽenem sigb zĩig sẽn yaa laahr zagsã, tɩ ned sã n põs a pʋgẽ, sẽn watã yol-yol n yɩɩde, la a sã n ka põs a pʋgẽ, sẽn watã keelem n yɩɩde».