Encyclopedia of Prophetic Hadiths

"m Soabã, ned ning sẽn wa n lʋɩ mam poorẽ rãmbã yell taoore, n weoog-ba bɩ F weoog a zugu, la ned ning sẽn wa n lʋɩ mam poorẽ rãmbã yell taoore, n zoe b nimbaanegã, bɩ F zoe a nimbaanega".

«Raar ka be yembsã sẽn na n vẽeg beoogo, rẽndame tɩ malεgs a yiib sigi, tɩ yembr yetẽ: m Soab A Wẽnde! Kõ sẽn yãkda n nafdẽ ledsgo. T'a yembrã yetẽ: m Soab A Wẽnde! Kõ sẽn gãdã (beed soaba) sãangã».

«Bũmb fãa tũuda ne Wẽnd pʋlenga, halɩ n tʋg n tãag kongre, la yam, maa yam sɩlem la kongre».

«Ra kẽ-y neb nins sẽn wẽg b mensã zags ye, sã n ka mikame tɩ y yaa kũnkumbda, tɩ yaa yεεsg tɩ ra wa paam yãmba bũmb ning sẽn paam bãmbã ye». Rẽ poorẽ pĩng y bõn-zombdɩ wã tɩ b yãge, halɩ n loog n bas-ba a poorẽ wã.

Mam yeelame : Wẽnd Tẽn-tʋʋma bãkã ko-tees yaa ne bõe? Tɩ Nabiyyamã yeele: «m wẽen ne a Mohammad yõorã sẽn be Ning nugẽ wã, ad bãkã ko-teesã waooglemã yɩɩda saaga ãdse la a bõn-witi, tɩ b woglemã yaa wala yʋng lik sẽn ka tar sawat keelem, arzãnã ko-teesã ned sẽn yũ b pʋgẽ, a kõn n leb tall ko-yũud lae ye, sambond a yiib n kiigd arzãnẽ wã, ned ning sẽn yũ fãa a kõn n tol n tall ko-yũud ye, a yalmã zarem yaa wala sẽn be Amaan n tʋg tãag ɭɩla, a koomã peelem yɩɩda bĩisim t’a noomã yɩɩd sɩɩdo».

«Yãmb sã n na n maan we-kεεnga, bɩ y ra tees Alkiblã, ra gũd-y-yã-a y zãn-kuidgã ye, tees-y wĩndg sẽn pukdẽ maa a sẽn luɩtẽ», a Abʋʋ Ayyʋʋb yeelame: tɩ tõnd kẽng saam n tɩ mik ko-solsɩds sẽn me n tees Alkiblã, tɩ tõnd kɩlledẽ la d kot Wẽnd yaafa, (A Naam zẽkame).

Tɩ rap sẽn yi Nabiyaamã (Wẽnd pʋʋsg la A tɩlgr be a yĩnga) Ṣahaabsẽ wã n yã kordgã yʋng b gõeemẽ wã, rasem a yopoe yaoogã pʋgẽ, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele:«M yãame tɩ yãmb zãmsdã zemsa taab rasem yopoe baasdgẽ wã, rẽnd ned ning sẽn na n bao-a bɩ a bao-a rasem a yopoe baasdgẽ wã».

«Ned ning sẽn yelga Harɩɩr fuug dũni kaanẽ, a ka na n yeelg-a yaoolem raarã ye»