Encyclopedia of Prophetic Hadiths

«Ad alkaool ning sẽn be tõnd ne b sʋka, yaa Pʋʋsgã, rẽnd ned ning sẽn bas-a, a kɩflame».

Nabiyaamã pʋʋsa ne tõndo raar a yembr yibeoogo (Wẽnd pʋʋsg la A tɩlgr be a yĩnga) n yeele: «A zagl beeme bɩɩ?» La b yeele: ayoo, la a yeel yã: «A zagl beeme bɩɩ?» La b yeele: ayoo, la a yeele: «ad Pʋʋs bãmb b yiibã n yɩɩd zɩsg ne munaafɩgsã, la b sã n rag n miẽ bũmb ning sẽn be b yiibã pʋgẽ wã, b rag n na n wa-b lame baa tɩ na n yɩ ne vũnungu b rũmã zutu, la ad rẽenem rulgã a wõnda malεgsã rulsi, la y sã n rag n miẽ a yɩɩdlemã b rag n na reng taaba a pʋgẽ, la ad raoa Pʋʋsg n naag ne raoa (a to) n yɩɩd yɩlgemd ne a sẽn na n pʋʋs a yembre, la a Pʋʋsgã n lagem ne raoap a yiib n yɩɩd yɩlgem ne a sẽn na n pʋʋs n lagem ne raoa (a yembre), la b sẽn yaa wʋsg fãa, yẽnda n noom Wẽnd n yɩɩda (A Naam zẽk yã)».

Wẽnd Tẽn-tʋʋmã (Wẽnd pʋʋsg la A tɩlgr be a yĩnga) kãaba rao sẽn na n yeelg pag yerem, la pag sẽn na n yeelg rap yerem.

«Bas bũmb ning sẽn maand foom sika la f maan sẽn ka maand foom sika tɩ ad sɩdã a yõgenda sũuri la ad zĩri-beed yaa sika».

Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) saglsã wʋsgã fãa kũumã sẽn wa n wa-a wã wakatã, rag n yɩɩme: «M sagend-y lame ne Pʋʋsgo, la y nusã sẽn so wã, m sagend-y-la ne Pʋʋsgã, la y nusã sẽn so wã». Halɩ tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) wa maand t'a be a sũurẽ wã n vũudẽ, t'a zelemdã ka tõe n yiis-a ye.

«Ned ka be sẽn na n tʋm zũnuuba, rẽ poorẽ n yik n yɩlge, rẽ poorẽ n pʋʋse, rẽ poorẽ t'a kos Wẽnd yaafa, rẽndame tɩ Wẽnd yaaf-a», rẽ poorẽ t'a karem Aayar-kãngã {Lɑ neb nins tɩ b sã n tʋm wẽngɑ mɑɑ b wẽgɑ b mense, b tẽegdɑ Wẽnd yelle n kos b zũnuubã yɑɑfɑ} [Aalʋ ʿɭmraane: 135].

Nabiyaamã (Wẽnd pʋʋsg la A tɩlgr be a yĩngɑ) rag n ka yɩ n basd kos-kãensã, a sẽn wat n ta zaabre, la a sẽn wat n yik yibeoogo:«Allɑhummɑ ɩnnii ɑs'ɑlukɑ Al-ɑɑfɩyɑtɑ fɩd-Dunyɑɑ wɑl-Aɑẖɩrɑtɩ, Allɑhummɑ ɩnnii ɑs'ɑlukɑ Al'ɑfwɑ wɑl- Aɑfɩyɑtɑ fɩɩ diinii wɑ Dunyɑɑyɑ wɑ Ahlɩɩ wɑ Mɑɑlɩɩ, Allɑhummɑ ʋstʋr Awrɑtɩɩ wɑ ɑɑmin Rɑw'ɑɑtɩɩ, Allɑhummɑ ɩhfɑẓnii min bɑyni yɑdɑyyɑ wɑ min ẖɑlfɩɩ wɑ an yɑmiinii wɑ an šɩmɑɑlɩɩ wɑ min fɑwkɩɩ, wɑ ɑʿʋʋḏʋ bɩ Aẓmɑtɩkɑ an ʋgtɑɑlɑ min tɑhtɩɩ. (M Soɑb ɑ Wẽnde mɑm kot-F-lɑ Lɑɑfɩ Dũni lɑ Lɑɑhre, M Soɑb ɑ Wẽnde m kot-F-lɑ Yɑɑfɑ lɑ Lɑɑfɩ m Dĩinɑ pʋgẽ lɑ m Dũni wã lɑ m zɑkã rãmbɑ lɑ m ɑrzεkɑ, m Soɑb ɑ Wẽnde lill m yãnã lɑ F gãneg m pεlgã, m Soɑb ɑ Wẽnde gũ-mɑ m neng tɑoore lɑ m poor wεεngẽ lɑ m rɩtg wεεngẽ lɑ m goɑbg wεεngẽ lɑ m yĩngr wεεngẽ, lɑ m kotɑ gũudum ne Fo Zɩslemã tɩ b rɑ wɑ zãmb n kʋ-mɑ m tẽngrã wεεngẽ ye».

Tɩ raoa n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n gom ne-a yεl sãnda pʋgẽ, t'a yeele: "Wẽnd sã n sake tɩ fo sake", tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeel-a: «fo rɩka maam ne Wẽnd n maan tɩ yaa yembre? Yeele: Wẽnd A Yembr sã n sɑke».