Encyclopedia of Prophetic Hadiths

«Ned ning sẽn yeela: (Sʋbhaana-llaah wa bihamdihii, yɩlgr be ne Wẽnd, la pẽgr be ne-A) raar pʋgẽ, noor koabga, b lubda a zũnuubã baa t'a sã n yaa wala mogr puudu».

«Pag ka togd sore, rasem a yiib kẽna, rẽndame t'a sɩdã be ne-a, maa a mahram (rog-pẽta), la no-loeer me ka be rasem a yiibã pʋgẽ ye: no-lokr la kibs raare. Pʋʋsg ka be fagir Pʋʋsg poorẽ halɩ tɩ wĩntoogã wa puki, Pʋʋsg me ka be Laasar poorẽ halɩ tɩ wĩndgã wa tʋg n lʋɩ, la ka bobd sor n kẽng miisa, rẽnda miisa a tãabẽ wã: Lohorem miisrã la Aƙsaa miisrã la mam miis-kãngã».

«Wẽnd pa reegd yãmb yem kãm fãa pʋʋsgo, t'a sã n rẽgme, halɩ t'a wa yõk koom».

«Ka sõmb ne paga sẽn yaa lɩslaama, t'a tog sore, yʋng kẽnde, rẽndame tɩ rao n be ne-a, sẽn yaa a zʋʋ mahram (a sẽn ka tõe n fur a soaba)».

«Wẽenegã bolgda teoog raaga, la a yãkd a yõodã barka».

Yii Nabiyaamã nengẽ (Wẽnd pʋʋsg la A tɩlgr be a yĩnga) tɩ ad a gɩdga pʋlenga, la a yeele: «Ad a ka wat ne sẽn yaa sõmã ye, la ad b yiisda pʋlengã beed soab nengẽ».

«Yãmb yãame, lak kʋɩlg sã n be yãmb yembr fãa zak noore, t'a sood a pʋgẽ, raar fãa noor a nu, fo yetame tɩ rẽgd na n paa a yĩngẽ wã baa kɩdg bɩɩ?» La b yeel yã: baa fʋɩ ka na n pa a rẽgdẽ wã ye. La a yeel yã: «ad rẽnda yaa wala Pʋʋs-rãmb a nu wã, Wẽnd yẽesda tʋʋm-tuuti wã ne rẽnda».

«Bas-y maam tɩ mam sã n bas yãmba, ad sẽn reng-b yãmb taoorã halkame, b sogsgã la b sẽn yõsd ne b nabiyaam-rãmbã yĩnga, rẽnd mam sã n gɩdg yãmb n yi yelle, bɩ zãag-a la m sã n sagl yãmb ne yelle, bɩ y maan-a y pãng tõog tεka».