Encyclopedia of Prophetic Hadiths

«Ned ning sẽn wa n tʋg n moka bãngr sẽn yaa ãds bãngre, ad a moka bãngr sẽn yi tɩɩmã bãngrẽ, yẽ me paasa tɩɩmã a sẽn paas ãdsã karengã yĩnga».

Nabiyaamã (Wẽnd pʋʋsg la A tɩlgr be a yĩngɑ) rag n ka yɩ n basd kos-kãensã, a sẽn wat n ta zaabre, la a sẽn wat n yik yibeoogo:«Allɑhummɑ ɩnnii ɑs'ɑlukɑ Al-ɑɑfɩyɑtɑ fɩd-Dunyɑɑ wɑl-Aɑẖɩrɑtɩ, Allɑhummɑ ɩnnii ɑs'ɑlukɑ Al'ɑfwɑ wɑl- Aɑfɩyɑtɑ fɩɩ diinii wɑ Dunyɑɑyɑ wɑ Ahlɩɩ wɑ Mɑɑlɩɩ, Allɑhummɑ ʋstʋr Awrɑtɩɩ wɑ ɑɑmin Rɑw'ɑɑtɩɩ, Allɑhummɑ ɩhfɑẓnii min bɑyni yɑdɑyyɑ wɑ min ẖɑlfɩɩ wɑ an yɑmiinii wɑ an šɩmɑɑlɩɩ wɑ min fɑwkɩɩ, wɑ ɑʿʋʋḏʋ bɩ Aẓmɑtɩkɑ an ʋgtɑɑlɑ min tɑhtɩɩ. (M Soɑb ɑ Wẽnde mɑm kot-F-lɑ Lɑɑfɩ Dũni lɑ Lɑɑhre, M Soɑb ɑ Wẽnde m kot-F-lɑ Yɑɑfɑ lɑ Lɑɑfɩ m Dĩinɑ pʋgẽ lɑ m Dũni wã lɑ m zɑkã rãmbɑ lɑ m ɑrzεkɑ, m Soɑb ɑ Wẽnde lill m yãnã lɑ F gãneg m pεlgã, m Soɑb ɑ Wẽnde gũ-mɑ m neng tɑoore lɑ m poor wεεngẽ lɑ m rɩtg wεεngẽ lɑ m goɑbg wεεngẽ lɑ m yĩngr wεεngẽ, lɑ m kotɑ gũudum ne Fo Zɩslemã tɩ b rɑ wɑ zãmb n kʋ-mɑ m tẽngrã wεεngẽ ye».

«Bũmb ning wʋsg sẽn suuda, a kɩdgã yaa haraam».

Tɩ raoa n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n gom ne-a yεl sãnda pʋgẽ, t'a yeele: "Wẽnd sã n sake tɩ fo sake", tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeel-a: «fo rɩka maam ne Wẽnd n maan tɩ yaa yembre? Yeele: Wẽnd A Yembr sã n sɑke».

Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) yeelame b sẽn na n lob Akaba ( Sʋtãɑnã lobr hegiidẽ wã) raar yibeoogo, t'a yaa sẽn be a yʋgemdã zugu, a yeelame « nog kug-bãaneg n kõ-ma" tɩ mam nog kug-bãaneg a yopoe n kõ-a, b zemsa wala nug-biis gãd n lobe, t'a tẽgd-b a nugẽ wã la a yetẽ: "lob-y ne bãmbã taaba" rẽ poorẽ t'a yeele: " yãmb a neba, m kengda yãmba ne maan-n-zʋʋg dĩinã pʋga, ad bũmb ning sẽn da halk sẽn reng-b yãmb taoorã yaa maan-n-zʋʋg dĩinã pʋgẽ».

«Maam ne dũni yaa bõe, ad maam dũni wã pʋgẽ ka yɩ rẽnda wala kẽnkẽnd sẽn zĩnd tɩɩg maasemẽ, n le wa loog n bas-a».

«Adem biig ka pids yolg tɩ yaa wẽnga, n yɩɩd pʋg ye, seka Adem biiga, rɩ-bers sẽn na tẽeg a poorã, la sã n mikame tɩ yaa tɩlae t'a rɩ, bɩ a pʋɩ tãabo, a yembrã rɩɩb yĩngã, la yembrã yũubã yĩnga, la yembrã yaa a vʋʋsgã yĩnga».

«M Soab A Wẽnde, m kot-F-la sõmã wã gilli, dũni kaanẽ la laahre, m sẽn bãng la m sẽn ka bãnge, la m kot-F-la gũudum n yi wẽngã gilli, a dũni la laahre, mam sẽn bãng la m sẽn ka bãnge, m Soab A Wẽnde, m kot-F-la sõma Fo Yambã la F Nabiyaamã sẽn kose, la m kot-F gũudum Fo Yambã la F Nabiyaamã sẽn kos gũudum n yi-a, m Soab A Wẽnde, m kot-F-la arzãnã la bũmb ning sẽn na n pẽneg arzãnã sẽn yaa gomde, maa tʋʋmde, la m kot-F gũudum n yi Bugmã la bũmb ning sẽn pẽnegd maam ne Bugmã, sẽn yaa gomde, maa tʋʋmde, la m kot-F tɩ bʋʋd fãa F sẽn bʋ mam zug bɩ yɩ sõma ne-ma».