Encyclopedia of Prophetic Hadiths

Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) yeelame b sẽn na n lob Akaba ( Sʋtãɑnã lobr hegiidẽ wã) raar yibeoogo, t'a yaa sẽn be a yʋgemdã zugu, a yeelame « nog kug-bãaneg n kõ-ma" tɩ mam nog kug-bãaneg a yopoe n kõ-a, b zemsa wala nug-biis gãd n lobe, t'a tẽgd-b a nugẽ wã la a yetẽ: "lob-y ne bãmbã taaba" rẽ poorẽ t'a yeele: " yãmb a neba, m kengda yãmba ne maan-n-zʋʋg dĩinã pʋga, ad bũmb ning sẽn da halk sẽn reng-b yãmb taoorã yaa maan-n-zʋʋg dĩinã pʋgẽ».

M yeelame, Wẽnd Tẽn-tʋʋmã: ãnd la m sõmb n maneg n yɩɩde? T'a yeele: «F ma wã, rẽ poorẽ f ma wã, rẽ poorẽ f ma wã, rẽ poorẽ f baabã wã, rẽ poorẽ sẽn pẽ-a n yɩɩda, la sẽn pẽ-a n yɩɩda».

«Ned fãa bee a nong-n-taag na-kẽndr zugu, bɩ yãmb yembr fãa tags n ges ned ning a sẽn na n rɩk n maan a zaoa».

«Adem biig ka pids yolg tɩ yaa wẽnga, n yɩɩd pʋg ye, seka Adem biiga, rɩ-bers sẽn na tẽeg a poorã, la sã n mikame tɩ yaa tɩlae t'a rɩ, bɩ a pʋɩ tãabo, a yembrã rɩɩb yĩngã, la yembrã yũubã yĩnga, la yembrã yaa a vʋʋsgã yĩnga».

«M Soab A Wẽnde, m kot-F-la sõmã wã gilli, dũni kaanẽ la laahre, m sẽn bãng la m sẽn ka bãnge, la m kot-F-la gũudum n yi wẽngã gilli, a dũni la laahre, mam sẽn bãng la m sẽn ka bãnge, m Soab A Wẽnde, m kot-F-la sõma Fo Yambã la F Nabiyaamã sẽn kose, la m kot-F gũudum Fo Yambã la F Nabiyaamã sẽn kos gũudum n yi-a, m Soab A Wẽnde, m kot-F-la arzãnã la bũmb ning sẽn na n pẽneg arzãnã sẽn yaa gomde, maa tʋʋmde, la m kot-F gũudum n yi Bugmã la bũmb ning sẽn pẽnegd maam ne Bugmã, sẽn yaa gomde, maa tʋʋmde, la m kot-F tɩ bʋʋd fãa F sẽn bʋ mam zug bɩ yɩ sõma ne-ma».

«Ad mam sẽn yεεsd yãmb zugẽ n tʋg n yɩɩda, yaa lagm-n-ta-bila». Tɩ b yeele: yaa bõe la lagem-n-ta-bila Wẽnd Tẽn-tʋʋmã? T'a yeele: «yaa maan-tɩ-b-yã, Wẽnd yeta dũni yikr raarã, (A Naam yɩ wagell n zẽke), b sã n wa rol nebã b tʋʋmã: kẽng-y neb nins nengẽ yãmb sẽn da maan tɩ b yãt dũni wã, n tʋg n gese rẽ yĩnga yãmb na n pɑɑmɑ rolb b nengẽ bɩɩ?».

«Ad ned paam yõ-tẽgre, b sẽn tẽeg maam a nengẽ t'a ka pʋʋs maam ye, ad paam yõ-tẽgre, Ramadaan sẽn kẽ-a soaba n tʋg n sε tɩ b ka yaaf-a ye, paam yõ-tẽgre ned ning kʋʋlem sẽn ta a roagdb a yiibu, tɩ b ka yɩ sabab n kẽes-a arãnã».

«B zẽka kaal moogo n bɑs neb a tãabo, gõeta halɩ t'a wa tʋg n neke, la bi-bilfu hal t'a tʋg n ta zãmsdo, la gãeenga hɑlɩ t'a wa tʋg paam yam»