Encyclopedia of Prophetic Hadiths

«M Soab A Wẽnde, m kot-F-la gũudum n yi samd wilbu, la bε wilbu, la bεεb laada».

M yeelame: Wẽnd Tẽn-tʋʋmã, wilg maam bũmb tɩ m kos Wẽnd ne-a (A nɑɑm yɩ wɑgelle n zẽke). Wẽnd Tẽn-tʋʋm yeele: «Kos Wẽnd laafɩ» tɩ mam zĩnd rasem saare, rẽ poorẽ tɩ mam wa n yeele: Wẽnd Tẽn-tʋʋmã, wilg maam bũmb tɩ m kos Wẽnd ne-a. Tɩ Nabiyaamã yeel maam:«ʿAbbaase, Wẽnd Tẽn-tʋʋmã saambɩba, kos Wẽnd laafɩ dũni la laagre».

«Ned ning sẽn wa n tar pagb a yiibu, t'a kɩll n kẽng a yembrẽ wã, a wata dũni yikr raarã t'a bogrã yaa sẽn kɩlle».

«Lɩslaam fu-sẽk (kurgu=fuugu) yaa a kar-koeemsã pʋsʋka, la taal ka be ne bũmb ning sẽn be kar-koεεngã la na-kugã sʋk ye, la bũmb ning sẽn sig na-kugã tẽngrã yẽ yaa Bugmẽ, la ned ning sẽn vuuga a fu-sẽka waoog-m-menga, Wẽnd ka gεt-a ye».

"Ad kosgã yẽnda la tũudmã", rẽ poorẽ t'a kareme: "{la yãmb Soaba yeelame: "kos-y-Ma tɩ M na reeg y yĩnga, ad neb nins sẽn waoogd b mens n yit Mam tũudmã, b na n kẽe Gεhannem tɩ b yaa yaalse} [Gaafɩrʋ: 60]".

"Ned ning sẽn namsa nebã, Wẽnd namsd-a lame, ned ning sẽn kenga nebã, Wẽnd kengda a zugu".

Wẽnd Tẽn-tʋʋma (Wẽnd pʋʋsg la A tɩlgr be a yĩnga) wilgɑ tõnd tʋlsem doɑɑg kɑrengo (ẖʋtbatʋ alhaaǧa): Pẽgr be ne Wẽnde, d kot-A lɑ sõngre lɑ d kot-A yɑɑfgo, lɑ d kot-A gũudum n yi d yõyã wẽngɑ, Wẽnd sẽn kãnd-ɑ bũmb pɑ tõe n menes-ɑ ye, lɑ A sẽn menes-a pεεgd pɑ be ne-ɑ ye, lɑ m mɑɑn kɑset tɩ soɑb sẽn nɑ n tũ n tɩlg kɑ be rẽndɑ Wẽnde, lɑ m mɑɑn kɑset t'ɑ Mʋhɑmmɑd yɑɑ A yɑmbɑ lɑ A Tẽn-tʋʋmɑ, {Yãmb ɑ nebã! Zoe-y y Soɑb ning sẽn nɑɑnɑ yãmb n yi yõor ɑ yembrã, lɑ A nɑɑn ɑ pɑgã n yi yõorẽ wã, lɑ A sẽeg sẽn tũ ne b yiibã rɑop wʋsgo lɑ pɑgbɑ, lɑ y zoe Wẽnde Naab ning yãmb sẽn yõkd tɑɑb sεεg ne A yʋʋrã lɑ y zoe rogmã, ɑd Wẽnd yɩɩme n yɑɑ gũusdɑ ne yãmbɑ}، [Annisɑ'ʋ: 1]. { Yãmb ɑ neb nins sẽn kõ sɩd ne Wẽnde! Zoe-y Wẽnde A zoees tεkẽ lɑ y rɑ wɑ ki rẽndɑme tɩ yãmb yaɑ sɑk n tũ rãmbɑ} [Aɑlʋ ʿɭmrɑɑn: 102], {Yãmb ɑ neb nins sẽn kõ sɩd ne Wẽnde! Zoe-y Wẽnd lɑ y yeel koεεg sẽn yɑɑ tɩrgɑ (70) t'A nɑ mɑneg yãmb tʋʋmã lɑ A yɑɑf yãmb zũnuub-rãmbã lɑ sẽn tũudɑ Wẽnd lɑ A Tẽn-tʋʋmã, ɑd ɑ soɑb pɑɑmɑ pʋɩɩr sẽn yɑɑ zɩsgo} [Al-Ahzɑɑb: 70-71].

«Dũni wã ka yikd halɩ tɩ zãmaanã wa tʋg n pẽneg taaba, rẽnd yʋʋmd na n wa lebga wala kiuugu, tɩ kiuug lebg wala arzũma, tɩ arzũm lebg wala raare, tɩ raar lebg wala wakato (lεεre), tɩ wakat lebg wala tama-tɩɩg vãoog yõogre».