Encyclopedia of Prophetic Hadiths

Raoa n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n yeele: "Assalaamu ʿalaykum ", (tɩlgr be ne yãmbɑ), tɩ Nabiyaamã lebsa a pʋʋsgã, rẽ poorẽ t'a zĩndi, tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeele: «piiga», rẽ poorẽ tɩ ned a yembr wa n yeele: "Assalaamu ʿalaykum wa rahmatʋllaah", (tɩlgr lɑ Wẽnd yosg be ne yãmbɑ). tɩ Nabiyaamã reeg a pʋʋsgã, t'a zĩndi tɩ Nabiyaamã yeele: «pis-yi», rẽ poorẽ tɩ ned a to wa n yeele: "Assalaamu ʿalaykum wa rahmatʋllaah wa barakaatuhuu", (tɩlgr lɑ Wẽnd yolsg la A bark be ne yãmbɑ), tɩ Nabiyaamã reeg a pʋʋsgã t'a zĩndi, tɩ Nabiyaamã yeele: «Pis-tã».

Tɩ ad Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) a yãa ned sẽn pʋʋs a yembre, safã (rulgã) poorẽ, t'a sagl-a t'a lebg n yɩlm a Pʋʋsgã.

«Bũmb ning wʋsg sẽn suuda, a kɩdgã yaa haraam».

M yeelame, Wẽnd Tẽn-tʋʋmã: ãnd la m sõmb n maneg n yɩɩde? T'a yeele: «F ma wã, rẽ poorẽ f ma wã, rẽ poorẽ f ma wã, rẽ poorẽ f baabã wã, rẽ poorẽ sẽn pẽ-a n yɩɩda, la sẽn pẽ-a n yɩɩda».

«Ned fãa bee a nong-n-taag na-kẽndr zugu, bɩ yãmb yembr fãa tags n ges ned ning a sẽn na n rɩk n maan a zaoa».

«B na n yeela Alkʋrãan soab laahr raare : karem la f rʋ, la f karem wala f sẽn da yɩ n tũnigd dũni kaanẽ wã, ad fo dargε wã tεkɑ yaa Aaya baasdg fo sẽn na n kɑrem-ɑ zĩigẽ».

M yeelame: Wẽnd Tẽn-tʋʋma, tõnd yembr fãa pag hakε sẽn zao-a yaa bõe? T'a yeele: «Yaa f rɩlg-a tɩ f sã n rɩ, la f yeelg-a tɩ f sã n yeelge, la f ra pãb nengẽ ye, la f ra yet t'a yaa rao-wẽng ye, la f ra wãag n bas-a rẽnda gãagẽ wã bala».

«A rag n yɩɩme t'a sã n vẽeg beoogo a yeteme: M Soab A Wẽnde, d vẽega beoog ne Fo yʋʋrã, la d ta zaabr ne Fo yʋʋrã, la ne Fo yʋʋrã la d vɩ la ne Fo yʋʋrã la d kiida, la d lebgr zĩig yaa Fo nengẽ» la a sã n ta zaabre, a yetame: «D taa zaabr ne Fo yʋʋrã la d vẽega beoog ne Fo yʋʋrã, la ne Fo yʋʋrã la d vɩ la ne Fo yʋʋrã la d kiida, la d lebeng zĩig yaa Fo nengẽ». La vugri a yeelame: «Lebgr zĩig yaa Fo nengẽ».