Skip to content
721 Hadiths

Encyclopedia of Prophetic Hadiths

Filter results

20 of 721 cards

Clear filters
«M na n bee bãkẽ wã, n get ned ning sẽn na n wa yũ yãmb pʋgẽ, la b na n gɩdga neb tɩ b ra ta maam ye, tɩ mam yeele : « m Soab a Wẽnde, ad bãmbã yaa mam nebã, b yaa mam poorẽ rãmbã». Tɩ b yeel maam: «rẽ yĩnga fo bãnga bũmb ninga bãmbã sẽn tʋme fo loogr poorẽ» ? M wẽen ne Wẽnde, ad b ka bak n tard n lebd poorẽ ye».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالبدعة، الحياة الآخرة، الكفرموضوعات الحديثالكفر وأنواعه، البدعة، الإيمان باليوم الآخر، متابعة الرسول ﷺ
Nabiyaamã (Wẽnd pʋʋsg la A tɩlgr be a yĩngɑ) pɩʋʋga yaad a yiibu, n yeele: «Ad b yiibã b namd-b lame, la ad b ka namsd-ba yel bedr poorẽ ye, b yiibã yembrã, yẽnda rag ka yɩ n gũusd a rʋʋdmã tɩ ra mat a mengã ye, la sã n yaa yembrã, yẽ rag n kẽnda ne tẽng-kãn-wẽendo nebã ne taab sʋka», rẽ poorẽ Nabiyaamã rɩka ra-maasre, n wedg-a yiibu, n rɩk yembr fãa n sel yaoog zugu, tɩ b yeele: Wẽnd Tẽn-tʋʋma bõe tɩ fo maan woto? T'a yeele: «tõe tɩ b boog nangã b yĩnga, tɩ b sã n na n ka kʋɩ»".
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالأخلاق الذميمة، أهوال القبور، الاستنجاء وقضاء الحاجة، الحياة البرزخيةموضوعات الحديثالنميمة، الإيمان باليوم الآخر، عدم التنزه من البول
Mam yeelame : Wẽnd Tẽn-tʋʋma bãkã ko-tees yaa ne bõe? Tɩ Nabiyyamã yeele: «m wẽen ne a Mohammad yõorã sẽn be Ning nugẽ wã, ad bãkã ko-teesã waooglemã yɩɩda saaga ãdse la a bõn-witi, tɩ b woglemã yaa wala yʋng lik sẽn ka tar sawat keelem, arzãnã ko-teesã ned sẽn yũ b pʋgẽ, a kõn n leb tall ko-yũud lae ye, sambond a yiib n kiigd arzãnẽ wã, ned ning sẽn yũ fãa a kõn n tol n tall ko-yũud ye, a yalmã zarem yaa wala sẽn be Amaan n tʋg tãag ɭɩla, a koomã peelem yɩɩda bĩisim t’a noomã yɩɩd sɩɩdo».
Naṣʋn Ṣahɩɩhʋn (Gom-sikdem sẽn manege) A Muslim n reeg-a
التصنيف الشرعيالخصائص النبوية، الحياة الآخرةموضوعات الحديثالإيمان باليوم الآخر
«Ad Wẽnd ka wẽgd muunim baa yel-sõmd a yembr ye, A kõt-a-la dũni wã neemã sẽn tũ ne yel-sõmdã la A leb n rol-a rol sõngo laahr raare, la sã n yaa kɩfre, b rɩlgd-a-la dũni wã yẽ sẽn maan tʋʋm sõmbsã Wẽnd yĩngã, la a sã n wa tʋg n ta laahr raare, a ka na n tall baa yel-sõmd tɩ b na n rol-a ye».
Naṣʋn Ṣahɩɩhʋn (Gom-sikdem sẽn manege) A Muslim n reeg-a
التصنيف الشرعيتوحيد الأسماء والصفات، الحياة الآخرة، الإيمان، الكفرموضوعات الحديثسعة فضل الله عز وجل، الإيمان باليوم الآخرمحاور التعريف بالإسلامعدل الإسلام، الحساب، النجاة بالدخول في الإسلام
«Yaa sɩda, ad sã n wa beẽ, neb n na n zĩndi tɩ mam hadiis (gomd) wa tʋg n ta a nengẽ, t’a yaa sẽn kɩll a zaoog zugu, n yetẽ : « ad tõnd ne yãmb sʋka yaa Wẽnd Gafã bal n be d sʋka, bũmb ning tõnd sẽn mik Wẽnd Gafã pʋgẽ tɩ yaa halaalã, d na n maaname tɩ yaa halaale, la d sẽn mik a pʋgẽ tɩ yaa haraam d na n maaname tɩ yẽ yaa haraam, la hadiis ka pak tõnd ye, la b bãng tɩ bũmb ning Wẽnd Tẽn-tʋʋmã (Wẽnd pʋʋsg la A tɩlg be a yĩnga) sẽn harm-a, a yaa wala Wẽnd sẽn haram bala».
Naṣʋn Ṣahɩɩhʋn (Gom-sikdem sẽn manege) A Abʋʋ Daawʋʋd la a At-tirmizii la a ɭbn Maaǧa n reeg-a
التصنيف الشرعيمصادر التشريع، أهمية السنة ومكانتها، النبوة والرسالة، أشراط الساعةموضوعات الحديثمتابعة الرسول ﷺمحاور التعريف بالإسلامشبهات حول السنة
«Ad sẽn be dũni wã yikr tagmas-rãmbẽ, b na n wa zẽka (yẽesa) bãngre, tɩ zɩɩlem wʋsge, tɩ yoobã wʋsge, tɩ rãamã yũub wʋsge, tɩ raopã sõor lebg kɩdga, tɩ pagbã wʋsge, halɩ tɩ pagb pis-nu na n wa yaa raoa a yembr n yãs ne b yelle».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيفضل العلم، أشراط الساعةموضوعات الحديثالحث على طلب العلم، الزنا، شرب الخمر، أشراط الساعة
Wẽnd Tẽn-tʋʋma, -Wẽnd Tẽn-tʋʋma, Wẽnd pʋʋsg la A tɩlgr be a yĩnga-, yẽsa tõndo, yẽnda me la sɩd soaba b sẽn kõt a soab goɑm sɩdã, a yeelɑme: «ad yãmb yembr fãa, b tigimda a naanegã, a ma wã pʋgẽ rasem pis-naas la yʋnd pis-naase, t'a yaa zɩ-pelle, rẽ poorẽ a yɩta nem gilgu woto buudo, rẽ poorẽ t'a yɩ nem gilgu woto buud yεsa, rẽ poorẽ tɩ b tʋms malεk a nengẽ, n sagl malεkã ne goam a naase: t'a gʋls a rɩtlã, la a vɩɩmã tεka, la a tʋʋmã, la a yaa zu-beed ned maa zu-no neda, rẽ poorẽ tɩ b fʋʋs yõorã a pʋgẽ, la yãmb yembr fãa tõe n wa maan arzãn koamb tʋʋma, halɩ tɩ yẽ ne arzãnã sʋka, bũmb ka be beenẽ rẽnda kãntɩɩg bala, la pʋleng rag n renga taoore, tɩ yẽnda na n yɩɩ Bugum biiga, t’a maan Bugmã koam tʋʋmã n tʋg n kẽ Bugma, la yãmb yembr fãa tõe n wa maana Bugum koamb tʋʋma, halɩ tɩ yẽ ne Bugmã sʋka, bũmb ka be beenẽ rẽnda kãntɩɩg bala, la pʋleng rag n renga taoore, tɩ yẽnda na n yɩɩ arzãn biiga, t’a maan arzãnã koam tʋʋmã n tʋg n kẽ arzãnã».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالإيمان باليوم الآخر، الإيمان بالقضاء والقدر، الملائكة، الإسلامموضوعات الحديثالإيمان بالملائكة، الإيمان بالقدر خيره وشره، الخوف، الرجاء، العُجْب
«B na n waa ne kũum t’a wõnd pesg sẽn tẽgse, tɩ boaand boole : «yaa yãmb a arzãn koamba!» Tɩ bãmb sɩndg n getẽ, t’a yeele, rẽ yĩnga yãmb mii yãwã bɩɩ? Tɩ b yeele, n-yee, yãwã la kũum, tɩ b fãa gill yã-a. Rẽ poorẽ t’a lebg n boole: « yaa yãmb a Bugum koamba!» Tɩ bãmb me sɩndge n zẽk n yetẽ, t’a yeele, la yãmb mii yãwã bɩɩ? Tɩ b yeele, n-yee, yãwã la kũum, b fãa gillã me yã-a lame, tɩ b koadg-a, rẽ poorẽ tɩ b yeele: arzãn koambã, yãmb na n duumame tɩ kũum ka leb n be ye, yãmb a Bugum koamb me y na n duumame tɩ kũum ka be ye, rẽ poorẽ tɩ Nabiyaamã kareme {La bugs-b ne nĩmsã raarã, yellã sẽn wat n bʋ wã; tɩ bãmb yaool n be yam yaal-yaal pʋgẽ n ka kõt sɩd ye.} [Maryam: 39], bãmbã la dũni yam yaal-yaal neba {n ka kõt sɩd ye} [Maryam: 39]».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيصفات الجنة والنار، تفسير الآيات، الحياة الآخرةموضوعات الحديثالقرآن وعلومه، الإيمان باليوم الآخرمحاور التعريف بالإسلامالجنة، النار، خطورة الإعراض عن الحق