Encyclopedia of Prophetic Hadiths

Nabiyaamã (Wẽnd pʋʋsg la A tɩlgr be a yĩngɑ) pɩʋʋga yaad a yiibu, n yeele: «Ad b yiibã b namd-b lame, la ad b ka namsd-ba yel bedr poorẽ ye, b yiibã yembrã, yẽnda rag ka yɩ n gũusd a rʋʋdmã tɩ ra mat a mengã ye, la sã n yaa yembrã, yẽ rag n kẽnda ne tẽng-kãn-wẽendo nebã ne taab sʋka», rẽ poorẽ Nabiyaamã rɩka ra-maasre, n wedg-a yiibu, n rɩk yembr fãa n sel yaoog zugu, tɩ b yeele: Wẽnd Tẽn-tʋʋma bõe tɩ fo maan woto? T'a yeele: «tõe tɩ b boog nangã b yĩnga, tɩ b sã n na n ka kʋɩ»".

«Ned ning sẽn yeela: (Sʋbhaana-llaah wa bihamdihii, yɩlgr be ne Wẽnd, la pẽgr be ne-A) raar pʋgẽ, noor koabga, b lubda a zũnuubã baa t'a sã n yaa wala mogr puudu».

«Ka sõmb ne paga sẽn yaa lɩslaama, t'a tog sore, yʋng kẽnde, rẽndame tɩ rao n be ne-a, sẽn yaa a zʋʋ mahram (a sẽn ka tõe n fur a soaba)».

«Wẽenegã bolgda teoog raaga, la a yãkd a yõodã barka».

«Yãmb a nebã! Sẽeg-y Sallem, la y rɩlg rɩɩbo, la y tõk rogem, la y pʋʋs yʋngo tɩ nebã gõe, tɩ y nɑ kẽ arzãnã ne laafɩ».

«Rẽ yĩnga m ka na n kõ-y kibare y tʋʋmã sẽn yɩɩd sõmblem, la a leb n yɩɩd yɩlgemde y Naabã nengẽ, la a leb n yɩɩd zẽkr ne yãmb dargε-rãmba, la sõmlem sẽn leb n yɩɩd y sẽn na n yãk sãnem la wanzur n nafe, t'a sõmblem leb n yɩɩd yãmb sẽn na n yek y bεεbã n ke b yubli wã tɩ b ke y yubli wã? Tɩ b yeele: N-yee, t'a yeele: «yaa Wẽnd yʋʋrã tẽegre, (A Naam zẽk yã)».

Rao n wɑ Nabiyaamã nengẽ (Wẽnd pʋʋsg la A tɩlgr be a yĩnga) n yeele: fo yãa raoa sẽn baood keoor la yʋʋre, bõe la a tara? Tɩ Wẽnd Tẽn-tʋʋmã yeele (Wẽnd pʋʋsg la A tɩlgr be a yĩnga): «A ka tar baa fʋɩ» T'a lebg n yeel noor a tãabo. Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: «A ka tar baa fʋɩ». Rẽ poorẽ t'a yeele: «Ad Wẽnd ka sakd tʋʋmde, rẽndame tɩ yaa sẽn yɩ Yẽ yĩng bala, n baood A Nengã».

«Yãmb ned kɑm fãɑ sã n yã zãmsd tɩ noom-a, bɩ a bãng tɩ yii Wẽnd nengẽ, bɩ a pẽg Wẽnde, la a yẽs zãmsdã, la a sã n yã sẽn ka woto, sẽn ka noom-a bɩ a bãng tɩ yii a sʋɩɩtãan nengẽ, bɩ a kos gũudum n yi zãmsdã wẽngã la a ra togs zãmsdã ned baa a yembr ye, tɩ rẽnda ka namsd-a ye».