Encyclopedia of Prophetic Hadiths

«Ned n dɑ be n pengd nebã, lɑ ɑ rɑ yetɑ ɑ tʋʋm biigã: fo sã n kẽng keelem soɑb nengẽ bɩ f bɑs-ɑ, tɩ tõe tɩ Wẽnd yɑɑf n bɑs-do, t'ɑ wɑ mɑɑn kɑɑlem tɩ Wẽnd yɑɑf-ɑ».

«Rao ka sõmb n ges a ra-taag yãnde, pag me ra tʋg n get a pʋg-to yãnde, la rao me ra tʋg n naag rao n pil fu-yend ye, pag me ra tʋg n lagem a pʋg-to n pil fu-yend ye».

Ad Nabiyaamã (Wẽnd pʋʋsg lɑ A tɩlgr be ɑ yĩngɑ) a yii tõnd nengẽ raar a yembre, tɩ tõnd yeele: Wẽnd Tẽn-tʋʋmã, ad tõnd bãnga d sẽn ningd foom sallem to-to ninga, la d na n pʋʋs-f-la wãn-wãnɑ? T'a yeele: «yeel-y yã: Allaahumma Salli ʿAlaa Mʋhammadɩn wa ʿAlaa aalɩ Mʋhammadɩn, kamaa ṣallayta ʿAlaa Aali ɭbraahɩɩma ɩnnaka hamiidʋn maǧiidʋn, Allaahumma baarɩk Alaa Mʋhammadɩn wa ʿAlaa Aalɩ Mʋhammadɩn kamaa baarakta ʿalaa aalɩ ɭbraahɩɩma innaka hamiidʋn maǧiidʋn. = M Soab a Wẽnde! Pʋʋs a Mʋhammad la a Mʋhammad zakɑ rãmba, wala Fo sẽn pʋʋs a ɭbraahɩɩm zak rãmbã, ad Foom la Pẽgda, n yaa Zɩsgo. M Soab a Wẽnde! Bark a Mʋhammad la a Mʋhammad zakɑ-rãmba, wala Fo sẽn bark a ɭbraahɩɩm zak-rãmbã, ad Foom la Pẽgda, n yaa Zɩsgo».

«Yãmb mii talg bɩɩ?» La b yeel yã: Tõnd pʋgẽ, talg yaa ned sẽn ka tar wakɩre la a ka tar laogo. La a (Nabiyaama) yeel yã: «ad talga mam poorẽ rãmbẽ wã yaa ned ning sẽn wat dũni yikr raarã ne no-loeere la Pʋʋsgo la Zaka, ɑ wɑtɑme lɑ mikɑme t'a tʋʋ yãwã soaba burkĩndi, n rõd yãwã soaba, n rɩ yãwã soab ligdi, tɩ b zĩndg-a tɩ yãwã soab mɑɑn dol n deeg a yel-sõmbdã, tɩ yãwã soab me yãk a yel-sõmdẽ wã. T'a yel-sõmã wã sã n wa sε taoor t'a ka yao sẽn be a zugã zãngɑ, b yãkda bãmbã zũnuub-rãmbã n fẽeg yẽnda, rẽ poorẽ tɩ b rɩk-a n fẽeg Bugmẽ wã».

«Ad Wẽnd nonga yamba, sẽn yaa Wẽnd zoεta, sẽn yaa sek-m-meng soaba, sẽn yaa gãneg-m-meng soaba».

«Ad Wẽnd maaname tɩ yaa tɩlae tɩ b maneg n tʋg bũmb fãa gilli، rẽnd yãmb sã n na n kʋ, bɩ y maneg y kʋʋbã, y sã n na n kodge, bɩ y maneg y kodgrã, la ned fãa saas a sʋʋga la ɑ pems a rũn-koaatga».

Wẽnd Tẽn-tʋʋma (Wẽnd pʋʋsg la A tɩlgr be a yĩnga) ra yɩɩme n kẽnd Mak sorã, n pɩʋʋg tãnga, tɩ b boond-a tɩ Gʋmdaan, t'a yeele: «kẽng-y-yã, t'a Gʋmdaan tãng la woto,Ad welgdbã põsame», tɩ b yeele: «yaa ãnda rãmb la welgdbã Wẽnd Tẽn-tʋʋma?» La a yeelyã «Ad yaa sẽn tẽegd-b Wẽnd Yʋʋrã wʋsgã sẽn yɑɑ rap la pagba».

Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeela a saambɩbã: «yeel tɩ soab sẽn na n tũ n tɩlg ka be rẽnda Wẽnde, tɩ m na maan kaset n fãag-fo gom-kãngã sabab yĩnga, dũni yikr raarã», tɩ saambɩba yeele: sã n ka Ƙʋrays-rãmbã sẽn na n wa zang maam yĩnga, n yetẽ tɩ yaa kũumã yεεsg la rabeem n kɩt tɩ m yeel gom-kãngã, m rag n na maag f sũuri ne gomdã yeelgo, wakat-kãngã tɩ Wẽnd na n sik Nabiyaamã zugu {Ad fo ka kãndgd fo sẽn noang-a soab ye, yaa Wẽnd n kãndagd A sẽn tʋlle} [Al-ƙasas: 56].