عربي - Arabic English Qafár af - Afar Afrikaans - Afrikanns Akan Shqip - Albanian አማርኛ - Amharic Հայերեն - Armenian অসমীয়া - Assamese Azərbaycanca - Azerbaijani Bamanankan - Bambara Bassa Bemba বাংলা - Bengali Bosanski - Bosnian Български - Bulgarian မြန်မာဘာသာ - Burmese Bisaya - Cebuano Cham Нохчий - Chechen chiCheŵa - Chewa 中文 - Chinese Адыгэбзэ - Circassian Hrvatski - Croatian Česky - Czech Dagbani Dansk - Danish فارسی دری - Dari Dendi ދިވެހި ބަސް - Dhivehi Nederlands - Dutch إستوني - Estonian Suomi - Finnish Fon Français - French Fulfulde - Fula ქართული - Georgian Deutsch - German Ελληνικά - Greek ગુજરાતી - Gujrati Kreyòl ayisyen - Haitian Creole Hausa हिन्दी - Hindi Magyar - Hungarian Igbo Indonesia - Indonesian Italiano - Italian 日本語 - Japanese Jóola - Jola ಕನ್ನಡ - Kannada Қазақша - Kazakh ភាសាខ្មែរ - Khmer Kikuyu Ikinyarwanda - Kinyarwanda Ikirundi - Kirundi 한국어 - Korean كوردی سۆرانی - kurdish كوردي kurmancî - Kurmanji Kyrgyz ລາວ - Lao latviešu - Latvian Lingala lietuvių - Lithuanian Luganda Македонски - Macedonian Maguindanaon Malagasy - Malagasy Bahasa Melayu - Malay മലയാളം - Malayalam Mandinka मराठी - Marathi Mõõré - Moore नेपाली - Nepali أنكو - NKo Norwegian ଓଡ଼ିଆ - Odia oromoo - Oromo پښتو - Pashto فارسی - Persian Polski - Polish Portuguese ਪੰਜਾਬੀ - Punjabi Română - Romanian Русский - Russian Српски - Serbian Shona සිංහල - Sinhala Slovenščina - Slovenian Soomaaliga - Somali Soninke Sesotho - Sotho Español - Spanish Kiswahili - Swahili Svenska - Swedish Tagalog Тоҷикӣ - Tajik தமிழ் - Tamil తెలుగు - Telugu ไทย - Thai ትግረኛ - Tigrinya Türkçe - Turkish Türkmen - Turkmen Ukrainian اردو - Urdu ئۇيغۇرچە - Uyghur Ўзбек - Uzbek Việt Nam - Vietnamese Wolof Yao Yorùbá - Yoruba Zarma زولو - Zulu
721 Hadiths
Encyclopedia of Prophetic Hadiths
التصنيف الشرعي
Grading
Narrated in
Narrator
Tɩ roap n wa a Sahl ɭbn Sa'ad Assaa'ɩdy nengẽ, n maand sik ne mimbarã (zao rʋʋdga), yaa ne bõe tɩɩg la b maan-a, tɩ b sok-a rẽnda, t'a yeele: m wẽen ne Wẽnd tɩ mam mii bũmb ninga b sẽn naan ne-a wã, mam yẽnda rẽenem raarã, Wẽnd Tẽn-ntʋʋma, (Wẽnd pʋʋsg la A tɩlgr be a yĩnga) sẽn zĩnd a zugu. Wẽnd Tẽn-tʋʋma, (Wẽnd pʋʋsg la A tɩlgr be a yĩnga) tʋmame tɩ kẽng paga zagl nengẽ -yɑɑ Mɑdĩin rãmbã pɑgɑ, a Sahl pʋdɑ ɑ yʋʋrã- tɩ b yeel-ɑ: «Sagl f tʋʋm biigã sẽn yaa ra-kaadã (mininze) t'a maan raad n kõ- ma, tɩ m zĩndid a zugu, tɩ m sã n nɑ n gom ne nebã, tɩ paga kɩt t'ɑ mɑɑn-ɑ, t'a sɩd nɑ n maan-a ne ɑ Gɑɑbɑ ( Weoogẽ) tɩɩsã, n tall-a n wa, tɩ pɑgã tʋm tɩ b kẽng ne-a Wẽnd Tẽn-tʋʋma nengẽ (Wẽnd pʋʋsg la A tɩlgr be a yĩnga), tɩ Nabiyaam yeel tɩ b ning-a zĩ-kãngã. Rẽ loogr poorẽ, mɑm yãnda Wẽnd Tẽn-ntʋʋma, (Wẽnd pʋʋsg la A tɩlgr be a yĩnga) t'a pʋʋs ɑ zugu n yet tɩ Allaahʋ Akbarʋ t'ɑ be ɑ zugu, la a maan rukuu t'a be ɑ zugu, rẽ poorẽ t'a sig n tar n leb poorẽ, n maan suguudã mimbara tẽgrẽ, rẽ poorẽ n le leb be, lɑ a sẽn wa n sε wãn a teesa nebã n yeele: «yãmb ɑ nebã, ad mam maana woto, sẽn na yɩlẽ tɩ y tũnug , la y zãms mam Pʋʋsgã».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيصفة الصلاة، أحكام الإمام والمأموم، أحكام المساجدموضوعات الحديثأحكام المساجد غير الحرمين، أحكام المسجد النبوي، صفة الصلاة
Yii a Hʋmraan sẽn yaa a ʿƲsmaan ɭbn ʿAffaan neemã-lalldã, a yeelame tɩ yẽ yãa a ʿƲsmaan ɭbn ʿAffaan t'a kɩt tɩ b wa ne Pʋʋs laaga, t'a kɩll n kiig a nus a yiibã n pek-b noor a tãabo, rẽ poorẽ t'a rɩk a rɩtgã n tʋm koomã pʋgẽ, n yãk n wuk a noorã la a fẽes a yõyã, la a fẽes n yiisi, rẽ poorẽ t'a pek a nengã noor a tãabo la a nus a yiibã n tɩ tãag kãntɩɩsẽ wã, noor a tãabo, n yaool n saag a zugã, rẽ poorẽ t'a pek nao a yiibã fãa gill noor a tãabo, n yaool n yeele: mam yãa Nabiyaamã (Wẽnd pʋʋsg la A tɩlgr be a yĩnga) t'a maand wala mam sẽn yõgd koomã to-to wã, la a yeele: «Ned ning sẽn yõga mam koomã yõgb buudu, rẽ poorẽ, n pʋʋs rakaar a yiibu, n ka tags dũni yεl a pʋgẽ, Wẽnd yaafda a zũnuub sẽn reng taoore».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيفضل الوضوء، صفة الوضوءموضوعات الحديثأحكام الوضوء، صلاة التطوع
«Laandãan boaal sã n yeele; "Allaah akbarʋ, Allaahʋ akbarʋ". Tɩ yãmb ned fãa yeel: "Allaah akbarʋ, Allaahʋ akbarʋ". Rẽ poorẽ tɩ lanndãan boaalã yeele: Ašhadʋ an laa'ɩlaaha ɩllallaah, (m maanda kaseto, tɩ soab hakɩɩk pa be rẽnda Wẽnde). T'a yeele: Ašhadʋ an laa'ɩlaaha ɩllallaah, (m maanda kaseto, tɩ soab hakɩɩk pa be rẽnda Wẽnde). Rẽ poorẽ t'a yeele: "Ashadʋ Anna Mʋhammadan rasʋlʋllaah, (m maand kaset t'a Mʋhammad yaa Wẽnd Tẽn-tʋʋma). T'a yeele: "Ashadʋ Anna Mʋhammadan rasʋlʋllaah, (m maand kaset t'a Mʋhammad yaa Wẽnd Tẽn-tʋʋma). Rẽ poorẽ t'a yeele: "Hayya ʿAlaṣ-ṣalaat", t'ɑ yeele: "laa hawla walaa ƙʋwwata ɩlaa billaah". Rẽ poorẽ t'a yeele: "Hayya alal falaah", t'a yeele: "laa hawla walaa ƙʋwwata ɩlaa billaah". Rẽ poorẽ t'a yeele:"Allaah akbarʋ, Allaahʋ akbarʋ", t’a yeele: "Allaah akbarʋ, Allaahʋ akbarʋ". Rẽ poorẽ t’a yeele: laa'ɩlaaha ɩllallaah,», t’a yeele : laa'ɩlaaha ɩllallaah». Ne a sũurã fãa. A kẽeda arzãnɑ».
Naṣʋn Ṣahɩɩhʋn (Gom-sikdem sẽn manege) A Muslim n reeg-a
التصنيف الشرعيفضل الذكر، الأذان والإقامةموضوعات الحديثالذِّكْر، أحكام الأذان والإقامة
Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a goma ne neba, Mak pakrã raare, n yeele: «yãmb ɑ neba! Ad Wẽnd sεεsa zɩɩlem sasa yεlã n bas yãmbã, la ɑ wug-m-menga ne yaab-rãmbã, rẽnd nebã yaa neb a yiibu: manegdɑ sẽn yaa Wẽn-zoεta n yɑɑ tɩrg Wẽnd nengẽ, la nin-wẽnga sẽn yaa zu-be-neda n yaa yaalg Wẽnd nengẽ. La nebã yaa a Adam koamba, la Wẽnd naana a Adam ne tom. Wẽnd yeelame, A Naam zẽkame:{ yãmb ɑ nebã ɑd Tõnd nɑɑnɑ yãmb n yi rɑo lɑ pɑgẽ, lɑ D mɑɑn yãmb tɩ yɑɑ zãmɑɑn fãɑ ne ɑ neb, lɑ buu-rãmbɑ bʋl yĩng tɩ y bãng tɑɑbɑ, ɑd yãmb wɑoor sẽn yɩɩdɑ Wẽnd nengẽ yɑɑ sẽn yɩɩdɑ ne Wẽn-zoεεg yãmb pʋgẽ, ɑd Wẽnd yɑɑ Mitɑ n yɑɑ Minim-tẽng-n-biigɑ} [Al-Hugrɑɑt: 13]».
Naṣʋn Ṣahɩɩhʋn (Gom-sikdem sẽn manege) A At-tirmiiziy la a ɭbn Hɩbbaan n reeg-a
التصنيف الشرعيالمجتمع المسلم، فضائل أعمال القلوب، الأخلاق الذميمة، خصائص الإسلام وفضله ومحاسنه، حقوق الإنسان في الإسلام، تفسير الآياتموضوعات الحديثالكبائر والمحرمات، التواضع، القرآن وعلومه، التقوى، الكبرمحاور التعريف بالإسلاممحاسن الأخلاق، عدل الإسلام
Wẽnd Tẽn-tʋʋma (Wẽnd pʋʋsg la A tɩlgr be a yĩnga) wilgɑ tõnd
tʋlsem doɑɑg kɑrengo (ẖʋtbatʋ alhaaǧa): Pẽgr be ne Wẽnde, d kot-A lɑ sõngre lɑ d kot-A yɑɑfgo, lɑ d kot-A gũudum n yi d yõyã wẽngɑ, Wẽnd sẽn kãnd-ɑ bũmb pɑ tõe n menes-ɑ ye, lɑ A sẽn menes-a pεεgd pɑ be ne-ɑ ye, lɑ m mɑɑn kɑset tɩ soɑb sẽn nɑ n tũ n tɩlg kɑ be rẽndɑ Wẽnde, lɑ m mɑɑn kɑset t'ɑ Mʋhɑmmɑd yɑɑ A yɑmbɑ lɑ A Tẽn-tʋʋmɑ, {Yãmb ɑ nebã! Zoe-y y Soɑb ning sẽn nɑɑnɑ yãmb n yi yõor ɑ yembrã, lɑ A nɑɑn ɑ pɑgã n yi yõorẽ wã, lɑ A sẽeg sẽn tũ ne b yiibã rɑop wʋsgo lɑ pɑgbɑ, lɑ y zoe Wẽnde Naab ning yãmb sẽn yõkd tɑɑb sεεg ne A yʋʋrã lɑ y zoe rogmã, ɑd Wẽnd yɩɩme n yɑɑ gũusdɑ ne yãmbɑ}، [Annisɑ'ʋ: 1]. { Yãmb ɑ neb nins sẽn kõ sɩd ne Wẽnde! Zoe-y Wẽnde A zoees tεkẽ lɑ y rɑ wɑ ki rẽndɑme tɩ yãmb yaɑ sɑk n tũ rãmbɑ} [Aɑlʋ ʿɭmrɑɑn: 102], {Yãmb ɑ neb nins sẽn kõ sɩd ne Wẽnde! Zoe-y Wẽnd lɑ y yeel koεεg sẽn yɑɑ tɩrgɑ (70) t'A nɑ mɑneg yãmb tʋʋmã lɑ A yɑɑf yãmb zũnuub-rãmbã lɑ sẽn tũudɑ Wẽnd lɑ A Tẽn-tʋʋmã, ɑd ɑ soɑb pɑɑmɑ pʋɩɩr sẽn yɑɑ zɩsgo} [Al-Ahzɑɑb: 70-71].
Naṣʋn Ṣahɩɩhʋn (Gom-sikdem sẽn manege) A Abʋʋ Daawʋʋd la a At-tirmizii la a An-nasaa'ɩy la ɭbn Maaǧa la a Ahmad n reeg-a.
التصنيف الشرعيالأدعية المأثورة، أحكام خطبة وصلاة الجمعة، أحكام وشروط النكاحموضوعات الحديثالذِّكْر، أحكام الأسرة، التقوى، صلاة الجمعة
«Beoogo, m na n kõo tãp-kao-kãngã raoa, sẽn nong Wẽnd la A Tẽn-tʋʋmã, tɩ Wẽnd me la A Tẽn-tʋʋmã nong-a, tɩ Wẽnd pake sẽn tu a nugu», a yeelame: tɩ nebã gãand yʋngã n sõsda: yaa ãnda la b na n kõ tãp-kaoorã, la nebã sẽn wa n vẽeg beoogã, b sãdame n kẽng Wẽnd Tẽn-tʋʋma nengẽ (Wẽnd pʋʋsg la A tɩlgr be a yĩnga), tɩ ned fãa rat tɩ b kõ-a, tɩ Nabiyaamã yeele: «a ʿAli ɭbn Abɩɩ Ṭaalib bεε?» Tɩ b yeel-a: yaa Wẽnd Tẽn-tʋʋma, ad a nin a yiibã zabdame. T'a yeele: «tʋm-y tɩ b bool-a». Tɩ b tall-a n wa ne, tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) tʋbs a nin a yiibẽ wã n kos Wẽnd a yĩnga, t'a maage, tɩ yaa wala zabdem ra ka be ne-a ye, t'a kõ-a tãp-kaoorã, t'a ʿAli yeele: Wẽnd Tẽn-tʋʋma: m na n zaba ne-b halɩ tɩ b yɩ wala tõnd bɩɩ? T'a yeele: «maag f meng n kẽnge, halɩ n tʋg n sig b samandẽ wã, rẽ poorẽ bɩ f bool-b n tʋg lɩslaangẽ, la f togs-ba bũmb ning sẽn yaa tɩlae n zao b zugu sẽn yaa Wẽnd hakε wã tɩ m wẽen ne Wẽnde, ad Wẽnd sã n kãndg rao a yembr fo yĩnga, rẽ sõmblem ne foom n yɩɩd ne dũni yʋgem miidu (neemã yɩlma)».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالصحابة وفضلهم، الطب والتداوي والرقية الشرعية، فضل الدعوة إلى الله وأحكامها، غزواته وسراياه صلى الله عليه وسلم، أحكام ومسائل الجهاد وآدابه، دلائل النبوةموضوعات الحديثالدعوة إلى الله، الصحابة رضي الله عنهممحاور التعريف بالإسلاملا يقبل الله غير دين الإسلام، عدل الإسلام
Raar a yembre tõnd sẽn wa n zĩ Nabiyaamã nengẽ, (Wẽnd pʋʋsg la A tɩlgr be a yĩnga), miisrã pʋgẽ, la ned sẽn kẽ ne a yʋgemde, n gãneg a yʋgemdã miisrã pʋga, rẽ poorẽr t’a loe-a, n yaool n yeel bãmbã: yaa ãna la a Mohammad yãmb sʋka, tɩ Nabiyaamã, (Wẽnd pʋʋsg la A tɩlgr be a yĩnga) yaa sẽn kɩll bãmb sʋka, tɩ tõnd yeele: “ Yaa rao-kãngã sẽn yaa pεεlgã, sẽn kɩllã” la raoa yeele: “ a Abdʋl Mutalib biigã?” Tɩ Nabiyaamã, (Wẽnd pʋʋsg la A tɩlgr be a yĩnga), yeele: “m sak-f lame” tɩ raoa yeel Nabiyaamã, (Wẽnd pʋʋsg la A tɩlgr be a yĩnga), : “m na n soka foom la m na n kenga m meng n sok-fo, bɩ f ra sãam f sũur ne maam ye, tɩ Nabiyaamã yeel-a: “sok bũmb ning f sẽn rate” la a yeele: “ m kota foom f Soabã yĩnga, la sẽn reng-b foom Soabã yĩnga, yaa Wẽnd n tʋms foom nebã fãa gill nengẽ?” Tɩ Nabiyaamã yeele: “m Soab a Wẽnde, n-yee” la a yeele: “ m yõkd-f-la sεεg ne Wẽnde, yaa Wẽnd n sagl foom tɩ tõnd pʋʋs Wakat a nu wã, raar pʋgẽ la wĩndga?” T’a yeele: “ m Soab a Wẽnde, n-yee” t’a yeele: “ m yõkd-f-la sεεg ne Wẽnde, yaa Wẽnd n sagl foom tɩ tõnd loe noor kiu-kãngã yʋʋmdã pʋgẽ?” T’a yeele: “ m Soab a Wẽnde, n-yee”, t’a yeele: “ m yõkd-f-la sεεg ne Wẽnd, yaa Wẽnd n sagl foom tɩ d reeg sarã wã tõnd rakãagbã nengẽ, n pʋɩ-a talsã?” Tɩ Nabiyaamã, (Wẽnd pʋʋsg la A tɩlgr be a yĩnga) yeele: “m Soab a Wẽnde, n-yee” tɩ raoa yeele: “ m kõo sɩd ne bũmb ning fo sẽn wa ne wã, la ma me yaa tẽn-tʋmda, n na n taas neb nins sẽn be mam poorẽ sẽn yaa mam nebã la ad yaa maam la a Damaam, ɭbn Sa’alaba, n yaa Banii Sa’ad ɭbn Bakr neda.
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالدعوة إلى الله، وجوب الصلاة وفضلها وحكم تاركها، وجوب الزكاة وحكم تاركها، وجوب الصيام وحكم تاركه، الإيمان بالله عز وجل، الإيمان بنبينا محمد صلى الله عليه وسلم، الإسلامموضوعات الحديثالزكاة ومكانتها، الصوم الواجب، الدعوة إلى الله، التواضع، حقوق النبي ﷺ، مكانة الصلاة وفضلهامحاور التعريف بالإسلامالتعريف بالنبي محمد صلى الله عليه وسلم، أركان الإسلام