Encyclopedia of Prophetic Hadiths

«Yɩlgrã a yaa lɩɩmaang pʋsʋka, la Alhamdʋ lillah, a pita tʋʋmã geelg laoko, la sʋbhaanallaah la Alhamdʋ lillaah, b yiibã pitame, maa a pita bũmb ning sẽn be saasã la tẽngã sʋka, la ad Pʋʋsgã yaa vẽenem, la sãra (doaag) maanego a yaa daliil sẽn wilgd lɩɩmaangã, la ad sugr yaa vẽenem, la Alkʋrãanã a yaa gom lubdga, sẽn na n sõng foom, maa sẽn na n nams foom, ad nebã fãa gilli, b sãta beoogo, n koosd a mengã, be beenẽ sẽn basd a yõor burkĩndi n yi Bugmã, be b pʋgẽ ned sẽn na n halk a yõorã n kẽes-a Bugmã pʋgẽ».

«Y sã n yã kiuugã bɩ y loe noorã, la y sã n leb n yã-a bɩ y lok noore, la sawat sã n lud yãmbã bɩ y sõd-a».

«B sã n rag n kõta nebã ne b yeelgã, neb n rag n na n bao (ne wẽgdo) neb a taab arzεk la b zɩɩm, la ad daliil zaoo ned ning sẽn yetɑ wã, tɩ wẽeneg be ne ned ning sẽn kɩɩsã wã».

«Ramadaanã sã n wa, b pakda arzãnã ragnoyã, la b pag Bugmã ragnoyã, la b sẽb sʋɩɩtãambã».

«Ned ning sẽn wẽena wẽenego, tɩ yẽnda yaa wẽngda a wẽenegã pʋgẽ, n rat n na n pasg lɩslaam arzεka, a segda Wẽnd t'A yaa sẽn gẽ ne-a». A yeelame: t'a Al-Ašʿas yeele: Ad rẽnda yɩɩ mam poorẽ la gomd-kãngã yeel yã, la ad goam n rag n be maam la Yuhuud sʋka, t'a kɩɩse, tɩ mam tall-a n kẽng Nɑbiyɑɑmã nengẽ (Wẽnd pʋʋsg lɑ A tɩlgr be ɑ yĩngɑ), tɩ Wẽnd Tẽn-tʋʋmã yeel maam: «Fo tara kaset bɩɩ?» Tɩ mam yeele: ayoo. A yeelame: t'a yeel Yahuudã: «Wẽene». A yeelame: mam yeele: Wẽnd Tẽn-tʋʋmã: sã n yaa woto a na n wẽename la a loog ne mam arεkã, tɩ Wẽnd siki, (A Naam zẽk yã): {Ad sẽn tekd-b Wẽnd pʋlengã lɑ b koosd-b ne ligd bilfu} n tʋg n tãag Aayarã baasgo.

«Nebã ka bakd n be sõma pʋgẽ, tɩ b sã n yãg ne no-kaoorã».

«Yaa hakε n zao lɩslaam fãa gilli t'a so rasem a yopoe pʋgẽ fãa raar a yembre, n pek a zugã la a yĩngã».

Maam n rag n yɩ n yũnugd nebã a Abɩɩ Talha zakẽ wã, la b rãamã wakat-kãngã yaa tamar sẽn lagem taaba, tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) tʋms boaand t'a moondẽ: Ad rãamã lebga haraam, a yeelame: t'a Abuu Talha yeel maam: yi n laεεg-a. Tɩ mam yi n laεεg-a. T'a waal Madiin soy wã, tɩ nebã sãnda yeele: ad b ra kʋʋ neb tɩ rãamã be b pʋsẽ wã. Tɩ Wẽnd siki:{Taal ka be ne sẽn kõ-b sɩdã la b tʋm tʋʋm sõmsã, b sẽn rɩ bũmb ning tɩ loogã ye} [Al-Maa'ɩda (Rɩɩbã sʋʋra): 93] Aayarã.