Encyclopedia of Prophetic Hadiths

Wẽnd Nabiyaamã kõ-d kibare na-nambs sã n yik tõnd zugu n sok tõnd b hakε wã la b gɩdg tõnd b hakε, la bõe la f sagend tõndo? T'a ball n bas-a, rẽ poorẽ t'a sok-a, t'a ball n bas-a, rẽ poorẽ t'a sok-a noor a yiib la noor a tãabo, t'a Al-Aš'ʿaṯ̌ʋ ɭbn Ƙays tak-a, la a yeele: «Kelg-y la y tũ, ad roga bãmb zugu b sẽn dogl-ba, la roga yãmb me zugu b sẽn rogl yãmbã».

«Ned ning sẽn wa yãmb nengẽ tɩ yãmb zemsa taab ne naab a yembre, n rat n na n welg yãmb zamã wã, bɩ y kʋ-a».

"m Soabã, ned ning sẽn wa n lʋɩ mam poorẽ rãmbã yell taoore, n weoog-ba bɩ F weoog a zugu, la ned ning sẽn wa n lʋɩ mam poorẽ rãmbã yell taoore, n zoe b nimbaanegã, bɩ F zoe a nimbaanega".

«Ad fɩtna-rãmb n na n zĩndi, rẽ poorẽ fitna-rãmb n na n zĩndi, ned ning sẽn zĩ Tẽnga a pʋgẽ, yẽ sõmlem n yɩɩd sẽn kẽnda a pʋgẽ, la ned ning sẽn kẽnda a pʋgẽ, yẽ soaba sõmblem n yɩɩd sẽn yãgda a pʋgẽ, la yaa sɩda, fɩtnã wã sã n wa yɩ, ned ning sẽn tara yʋgma bɩ a pʋg a yʋgmã wã, la ned ning sẽn tara rũmsi bɩ a pʋg a rũmsã, la ned ning sẽn tara pʋʋgo bɩ a kẽng a pʋʋgẽ wã». A yeelame: tɩ raoa yeele: Wẽnd Tẽn-tʋʋmã, la ned ning sẽn ka tara yʋgma, la a ka tar rũmsi, la a ka tar pʋʋgo, a maanda wãnã? La a yeele: «A rɩk a sʋʋgã n mud a noorã ne kugri, rẽ poorẽ bɩ a põsga menga, t'a sã n tõe n põse, m Soab A Wẽnde, rẽ yĩnga m taasame bɩɩ? M Soab A Wẽnde, m taasame? M Soab A Wẽnde, m ka taase?». A yeelame: tɩ raoa yeele: Wẽnd Tẽn-tʋʋmã, kõ-m kibare, sã n mikame tɩ b modga maam n tʋg n kẽes zabd-n-taasã a yiibã yembr rulg (saf) pʋgẽ, maa sul a yiibã a yembr pʋgẽ, tɩ ned kε maam ne a sʋʋga, maa peem wa paam maam n kʋ-ma? La a yeel yã: «Ad yẽ na n tʋka fo zũnuubã la a meng zũnuuba, la a yɩ Bugum neda».

«Nɑnɑmbs n na n wa zĩndi, tɩ yãmb pẽgd b tʋʋmã sãnda la y kisg b tʋʋmã sãnda, la ned ning sẽn maana neerã a soab fãag a menga, la ned ning sẽn gɩdgɑ b tʋʋm wẽnsã a soab tɩlgame, la yellã yaa ned ning sẽn yara, n na n kell n pʋge» , tɩ b yeele: d kõn n zab ne-ba? La a yeele: «ayoo, b sã n ket n pʋʋsdame bɩ y ra zab ne-b ye».

«Yãmb yem kãm fãa gilli yaa gũuda, la yem kãm fãa gill me, b na n sok-a-la a rũmsã yelle, limaam yaa gũuda, b na n sok-a-la a bõn-gũudɩ wã yelle, rao me a yaa gũuda a zakã rãmbẽ, b na n sok-a lame a bõn-gũudɩ wã yelle. Pag me yaa gũuda a sɩdã zakẽ, b na n sok-a lame a bõn-gũudɩ wã yelle. Sõgnɑ yẽ me yaa gũuda a zu-soabã arzεkẽ, b na n sok-a lame a bõn-gũudɩ wã yelle. Yãmb yembr fãa yaa gũuda, b nɑ n sok-y lame y bõn-gũudɩ wã yelle» .

Tõnd balma Wẽnd Tẽn-tʋʋmã (Wẽnd pʋʋsg la A tɩlgr be a yĩnga) tɩ d na n wʋmame la d tũ, keelem la yol-yol sasa, d yĩn-wɩsgr la d sẽn ka nong sasa, la d na n leb n yɩɩsa yẽnda d mensã, la d ra maan yellã rãmb tak-n-taar ye, la d leb n togs sɩda d sẽn be zĩig ning fãa, la d ra yεεs sãbsd sãbsg Wẽnd yellã pʋgẽ ye.

«Dĩinɑ yɑɑ mɑɑn pʋ-peelem» tɩ tõnd yeele: ne ãndɑ? T'ɑ yeele: «ne Wẽnd lɑ A Gɑfã lɑ A Tẽn-tʋʋmã lɑ lɩslɑɑmbã tɑoor rãmbɑ lɑ b zãngã».