Encyclopedia of Prophetic Hadiths

"Ad raood ka yõk-n-lub ye, la ad pãng soaba yaa ned ning sẽn tõe n yõk a menga a gẽeg sasa".

«Ra maan-y taab sũ-kiir ye, la belg-y taab tɩ b ra n kẽ ye (belg ned t'ɑ rɑ bũmb wɑlɑ f sẽn nɑ n tɑ n dɑ toogo n nɑ yɩl n bleg sẽn rɑt n rɑ wã t'ɑ rɑ n kẽ), la y ra gẽ taab ye, la y ra maan raba-wẽns ne taab ye, yãmb sãnda ra wa koos taab koosg zug ye ( wɑ ne sẽn bɑrsd tɩ fo tʋg n pɑɑs ligdã n reeg n dɑ), yɩ-y Wẽnd yembse, n yaa ma-biisi, lɩslaam ne a to yɑɑ ma-biisi, a ka wẽgd-a, a ka basd a sõngre, a ka paoogd-a , Wẽnd zoεεgã yaa zĩ-kãngã» La a teesd a yãoogã noor a tãabo.«Wẽng ta tεk ne lɩslaam t'a wa tʋg n paoogd a ma-bi-taaga, lɩslaam gillã yaa haraam ne a lɩslaam taaga, a zɩɩmã yaa haraam, a arzεkã yaa haraam, a burkĩnd yaa haraam».

"Ned ning sẽn kõta sɩd ne Wẽnde la Yaoolem raarã bɩ a yeel sẽn be neere maa a sĩndi, la ned ning sẽn kõta sɩd ne Wẽnde la yaoolem raarã bɩ a waoog ɑ yaka, la ned ning sẽn kõta sɩd ne Wẽnde la yaoolem raarã bɩ a waoog ɑ sãana".

Tɩ raoa n yeel Nabiyaamã (Wẽnd pʋʋsg la A tɩlgr be a yĩnga) sagl-ma, t'a yeele: «Ra gẽ ye» t'a yɩlem noor wʋsgo, tɩ Nabiyaamã yeele: «Ra gẽ ye».

«Sɩd-kõtbã sẽn yɩɩd lɩɩmaoong pidbu, yaa sẽn yɩɩd ne zʋg-sõngo, la yãmb sõmblem sẽn yɩɩda, yaa ned ning sõmblem sẽn yɩɩda a pagbẽ wã».

B soka Wẽnd Tẽn-tʋʋm, (Wẽnd pʋʋsg la A tɩlgr be a yĩnga) bũmb ning sẽn waoog n kẽesd nebã arzãn n yɩɩda, t'a yeele: "Yaa Wẽnd zoεεga la zʋg sõngo" la b leb n sok-a yεl nins sẽn yaa wʋsg n kẽesd nebã Bugmẽ wã, t'a yeele: " yaa noorã la taoorã".

«Yamb ka maand yamb sʋtr dũni-kãngã pʋgẽ, rẽndame tɩ Wẽnd maan-a sʋtr dũni yikr raarã».

«Ned n dɑ be n pengd nebã, lɑ ɑ rɑ yetɑ ɑ tʋʋm biigã: fo sã n kẽng keelem soɑb nengẽ bɩ f bɑs-ɑ, tɩ tõe tɩ Wẽnd yɑɑf n bɑs-do, t'ɑ wɑ mɑɑn kɑɑlem tɩ Wẽnd yɑɑf-ɑ».