Encyclopedia of Prophetic Hadiths

M soka Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) manegr la zũnuub tʋʋm sẽn yaa bũmb ninga, t'a yeele: «Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye».

«Lɩslaama yaa ned ning lɩslaambã sẽn tɩlg n yi a zelemde la a nugu, la muhaagɩrʋ (ned ning sẽn yik ne a dĩin n zoetẽ), yẽ la ned ning sẽn bas bũmb ning Wẽnd sẽn gɩdgã».

B soka Wẽnd Tẽn-tʋʋm, (Wẽnd pʋʋsg la A tɩlgr be a yĩnga) bũmb ning sẽn waoog n kẽesd nebã arzãn n yɩɩda, t'a yeele: "Yaa Wẽnd zoεεga la zʋg sõngo" la b leb n sok-a yεl nins sẽn yaa wʋsg n kẽesd nebã Bugmẽ wã, t'a yeele: " yaa noorã la taoorã".

«Yãmb yembr fãa ka kõt sɩda (ne Wẽnde) hal t'a wa tʋg n nong ne a ma-biiga bũmb ning a sẽn nong ne a mengã».

«Yamb ka maand yamb sʋtr dũni-kãngã pʋgẽ, rẽndame tɩ Wẽnd maan-a sʋtr dũni yikr raarã».

«Ned n dɑ be n pengd nebã, lɑ ɑ rɑ yetɑ ɑ tʋʋm biigã: fo sã n kẽng keelem soɑb nengẽ bɩ f bɑs-ɑ, tɩ tõe tɩ Wẽnd yɑɑf n bɑs-do, t'ɑ wɑ mɑɑn kɑɑlem tɩ Wẽnd yɑɑf-ɑ».

«Ad Wẽnd nonga yamba, sẽn yaa Wẽnd zoεta, sẽn yaa sek-m-meng soaba, sẽn yaa gãneg-m-meng soaba».

«Ad Wẽnd maaname tɩ yaa tɩlae tɩ b maneg n tʋg bũmb fãa gilli، rẽnd yãmb sã n na n kʋ, bɩ y maneg y kʋʋbã, y sã n na n kodge, bɩ y maneg y kodgrã, la ned fãa saas a sʋʋga la ɑ pems a rũn-koaatga».