Encyclopedia of Prophetic Hadiths

«Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye».

«M bugsda yãmb tɩ y bas zũnuub yaalsã, tɩ ad zũnuub yaalsã bilgri, yaa wala neb sẽn na n sig ko-soogẽ, tɩ yãwã wa ne raoogo, tɩ yãwã wa ne raoogo, halɩ tɩ b bɩɩs b burã, la ad zũnuub yaalsã b sã n na n yõk a soabã rẽ sabab b halkdame».

Mam yeelame, Wẽnd Tẽn-tʋʋma, d maanda a wãn n põse? T'a yeelae: « Yõk f zelemdã, pa f zakẽ wã la f kũm f zũnuubã».

«Ned ka be sẽn na n tʋm zũnuuba, rẽ poorẽ n yik n yɩlge, rẽ poorẽ n pʋʋse, rẽ poorẽ t'a kos Wẽnd yaafa, rẽndame tɩ Wẽnd yaaf-a», rẽ poorẽ t'a karem Aayar-kãngã {Lɑ neb nins tɩ b sã n tʋm wẽngɑ mɑɑ b wẽgɑ b mense, b tẽegdɑ Wẽnd yelle n kos b zũnuubã yɑɑfɑ} [Aalʋ ʿɭmraane: 135].

«Adem biig ka pids yolg tɩ yaa wẽnga, n yɩɩd pʋg ye, seka Adem biiga, rɩ-bers sẽn na tẽeg a poorã, la sã n mikame tɩ yaa tɩlae t'a rɩ, bɩ a pʋɩ tãabo, a yembrã rɩɩb yĩngã, la yembrã yũubã yĩnga, la yembrã yaa a vʋʋsgã yĩnga».

M yeelame: yaa Wẽnd Tẽn-tʋʋmã, wilgd maam gomde, lɩslaangã pʋga, m sẽn kõn n le sok-a ned baa a yembr sã n ka foom, t'a yeele: «yeele: m kõo sɩd ne Wẽnde, rẽ poorẽ, tẽeg tɩrga».

B soka Wẽnd Tẽn-tʋʋm, (Wẽnd pʋʋsg la A tɩlgr be a yĩnga) bũmb ning sẽn waoog n kẽesd nebã arzãn n yɩɩda, t'a yeele: "Yaa Wẽnd zoεεga la zʋg sõngo" la b leb n sok-a yεl nins sẽn yaa wʋsg n kẽesd nebã Bugmẽ wã, t'a yeele: " yaa noorã la taoorã".

« Wẽnd rɩka bilgri ne sor sẽn tẽeg tɩrga, la sorã kɩrems a yiibã lals a yiib n be beenẽ, la ragnoy n be lalsẽ wã, sẽn pagse, la ragnoy wã fu-rot n be beene, sẽn lagm n tak n ludi, la sorã noorẽ boaand n be n yetẽ: yãmb ɑ nebã, tũ-y sorã y fãa gilli, la y ra gõdg ye, tɩ boaand a to be sorã yĩngr, t'ɑ sã n rat n na n pak ragnoor ragno-kãensã pʋga la ɑ sẽn yete: gũus f menga, la f ra pak-a ye, ad fo sã n pak-a, f na n kẽ a pʋgẽ, La sorã la lɩslaoongã, la lalsa a yiibã: yɑɑ Wẽnd todsã, la ragnoy nins sẽn pagsã: yaa Wẽnd sẽn gɩdg yεl ninsã, la ad boaand ning sẽn be sorã zugã, yẽ yaa Wẽnd Gafã, la boaand ning sẽn boonda sorã yĩngrã, yẽ yaa Wẽnd zoεεga la A waazo wã sẽn be lɩslaam fãa sũurẽ wã ».