Skip to content
721 Hadiths

Encyclopedia of Prophetic Hadiths

Filter results

63 of 721 cards

Clear filters
«Ad Wẽnde (A Naam yɩ wagell n zẽke) na n yeela arzãn koambã: arzãn koamba? D sak yã, m sɑk F yĩngɑ, tɩ Wẽnd yeele: rẽ yĩnga yãmb maana yardo? Tɩ b yeele: bõe n tar tõnd tɩ d ka na n yare, tɩ sɩd la hakɩɩka F yaool n kõo tõndo F sẽn ka kõ ned Fo bõn-naandsẽ wã? Tɩ Wẽnd yeele: la M na n kõo yãmb sõmblerm sẽn yɩɩd woto, la b na n yeele: la yaa bõe n yɩɩd sõmblem ne woto? Tɩ Wẽnd yeele: Mam na n kõo yãmb M yardã, rẽnd Mam kõn n tall gẽe yãmb zugu yẽ loogr poorẽ bada».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيصفات الجنة والنار، توحيد الأسماء والصفات
«Yεl a naase n be beenẽ, b sẽn wa n be ned ning nengẽ a yɩtame n yaa munaafɩk vẽenega, la ned ning b yembr sẽn wɑ n be ɑ nengẽ , yẽ soab tara sɩf ɑ yembr sẽn yaa munaafɩglem, halɩ t'a wa tʋg n bas-a: -bãmb lɑ woto-: b sã n maan-a bas-m-yam a zãmbdame, a sã n yẽsdẽ a yagdame, a sã n rɩk alkaoole a zãmbdame, a sã n zabe a wẽngdame».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيذم المعاصي، النفاق
Tɩ raoa n sok Nabiyaamã (Wẽnd pʋʋsg la A tɩlgr be a yĩnga) dũni wã yikr yelle, n yeele: dũni yikr yaa rabʋre? T'a yeele: «La yaa bõe la fo seglg dũni yikr yĩngã?» La a yeel yã: baa fʋɩ, sã n ka mam sẽn nong Wẽnd la A Tẽn-tʋʋmã (Wẽnd pʋʋsg la A tɩlgr be a yĩnga). Tɩ Nabiyaamã yeele: «Ad fo bee ne neb nins fo sẽn nongã». A Anas yeelame: Tõnd ka kɩdem ne bũmbu, wala tõnd sẽn kɩdem ne Nabiyaamã (Wẽnd pʋʋsg la A tɩlgr be a yĩnga) koεεgã a sẽn yeele: «Ad fo bee ne neb nins fo sẽn nongã». A Anas yeelame, rẽnd mam nonga Nabiyaamã (Wẽnd pʋʋsg la A tɩlgr be a yĩnga), la a Abuu Bakr la a ʿƲmar, la m tẽedame tɩ m na lagem-ba, mam sẽn nong-ba yĩnga, baa tɩ mam sã n ka maan b tʋʋmã buudu.
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيأعمال القلوب، الإيمان باليوم الآخر
«Ad rẽenem zãma sẽn kẽed arzãnã, b yalε wã yaa wala kiuug rasem piig la a naase, rẽ poorẽ neb nins sẽn pʋgd bãmbã b peelemã yɩɩda ãd-pɩndga saasẽ wã, b ka rʋʋte, b ka maan wa-kεεnga, b ka tʋbsde, b ka fẽesd b yõy ye, b zutã sãasdsã yaa sãnem, yũ-nood b sẽn fuusd yaa misk, b wisd laasã yaa wisd noodo, b pagb yaa Huuru ʿAyn, b bee rao a yembr tãa naaneg zugu, b saamb a Aadam yalε wã, yaa kãntɩɩs pis-yoob saasẽ wã».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيصفات الجنة والنار، الحياة الآخرة
« Lɩslaamb a yiib sã n yek taab ne b sʋʋsã, nin-kʋʋdã la kiidã fãa bee Bugmẽ«, tɩ mam yeele: Wẽnd Tẽn-tʋʋmã, yãwã yẽ la nin-kʋʋdã, tõnd mii yẽndã yellã, la kiidã yaa bõe yĩng t'a kẽed Bugmẽ? La a yeele: «ad yẽ me rag n yɩɩme n tar yã-beedo, n na n kʋ a tũud-d-ntaagã».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالجنايات، أعمال القلوب، ذم المعاصيموضوعات الحديثقتل النفس
«Ad sẽn reng-b yãmb taoore, raoa n da zĩnd n tall sãmpogre, t'a ka tõog n maan sugr ye, la a rɩk sʋʋg n pãrg a nugã, la zɩɩmã ka yalse halɩ t'a wa tʋg n ki, Wẽnd yeelame, (A Naam zẽk yã) Mam yambã yãgame n na n wa Mam nengẽ a toore, tɩ Mam maan arzãnã t'a yaa haraam ne-a».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيذم المعاصي
«Ad sɩd-kõt tara arzãnã pʋgẽ zãnd sẽn yaa sãnem sẽn yaa gõko, sẽn tar pʋga, a woglemã yaa Miil pis-yoobe (kilo kobg la zaka), sɩd-kõt tara zak rãmb beenẽ, tɩ b gilgd a nengẽ, tɩ b ka ne taab ye».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيصفات الجنة والنار
«Yãmb yembr fãa ka kõt sɩda, halɩ tɩ mam wa tʋg n yɩ a noanga n yɩɩd a roagdã, la a koambã, la nebã fãa gilli».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيأعمال القلوب، الإيمان بنبينا محمد صلى الله عليه وسلم، الإيمانموضوعات الحديثحقوق النبي ﷺ، المحبة