Encyclopedia of Prophetic Hadiths

«Lɩslaama yaa ned ning lɩslaambã sẽn tɩlg n yi a zelemde la a nugu, la muhaagɩrʋ (ned ning sẽn yik ne a dĩin n zoetẽ), yẽ la ned ning sẽn bas bũmb ning Wẽnd sẽn gɩdgã».

Mam da bee ne Nabiyaamã (Wẽnd pʋʋsg la A tɩlgr be a yĩngɑ) so-toɑkẽ, tɩ mam sulg n na n foog a na-wʋʋd a yiibã, t'a yeele: « Bas-ba tɩ mam wid-b lame tɩ b yaa yɩlma» tɩ Nabiyaamã saag b yiibã.

«Alkʋrãan soab bilgri, yaa wala yʋgmã sẽn zã soab bilgri, a sã n get-ba, a yõkd-b lame, la a sã n zaag-b n base, b loogdame».

«Yãmb ned fãa sã n na n rɩ, bɩ a rɩ ne a rɩtgo, a sã n na n yũ, bɩ a yũ ne a rɩtgo, bɑlɑ a sʋɩtãan rɩta ne a gobre, la a yũud ne a gobre».

«Ned ning fãa sẽn yeel a ma-biig a to: kɩfrã, ad b yiibã yembr n sɩd tall gomdã, sã n mikame tɩ nedã yaa wala a sẽn yeelã, sã n ka woto, a na n lebg n waa yẽ zugu».

«Lɩslaam fu-sẽk (kurgu=fuugu) yaa a kar-koeemsã pʋsʋka, la taal ka be ne bũmb ning sẽn be kar-koεεngã la na-kugã sʋk ye, la bũmb ning sẽn sig na-kugã tẽngrã yẽ yaa Bugmẽ, la ned ning sẽn vuuga a fu-sẽka waoog-m-menga, Wẽnd ka gεt-a ye».

Wẽnd Tẽn-tʋʋmã (Wẽnd pʋʋsg la A tɩlgr be a yĩnga) sagla tõnd ne yεl a yopoe, la a gɩdg tõnd tɩ d bas yεl a yopoe: a sagla tõnd tɩ d kaag bãadã, la d tũ kũ-rãmba, la d loek tĩsda, la d maneg wẽenego, maa sẽn na n wẽen ne bũmb ningã, la d sõng b sẽn wẽg a soaba, la d sak boaanda, la d sẽeg sallem pʋʋsgo, la a gɩdg tõnd tɩ d ra wa ning sãnem nug-biis ye, la d ra yũ wanzur ko-tεεg pʋgẽ ye, la d ra zomb harɩɩr gãdg zug ye, la harɩɩr fu-gẽtse, la ɭstabraƙ (harɩɩr fu-tagdo), la dɩɩbaag (harɩɩr fu-neeba).

Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) rag n yɩɩme t'a sã n kẽng bãad nengẽ, a kotame n kõ-a n yeele:« Azhib al-ba'sa, rabbi an-naasi, wa ašfɩ, anta aš-šaafɩɩ, laa šɩfaa'a illaa šɩfaa'aka, šɩifaa'an laa yʋgaadirʋ saƙaman= Loog ne bãagã, Fo sẽn yaa nebã Soabã, la F sigsi, tɩ ad Foom la Tɩpda, tɩpg ka be rẽnda fo tɩpgã, bɩ F tɩp-a tɩpg sẽn ka loogd n bas bãaga».