Encyclopedia of Prophetic Hadiths

Tɩ ned n rɩ Wẽnd Tẽn-tʋʋmã nengẽ (Wẽnd pʋʋsg lɑ A tɩlgr be ɑ yĩngɑ) ne a goabgã, tɩ Nabiyaamã yeel-a: «rɩ ne f rɩtgã», t'a yeele: m ka tõe ye, t'a yeele: «f kõn n tol n leb n tõog ye», bũmb ka gɩdg-a rẽnda waoog-m-menga, la a Salamat ɭbn Al-akwa’ yeele: t'a ka tõog n zẽk sag-võrã n kẽng a noorẽ wã ye.

Tɩ Nabiyaamã, (Wẽnd pʋʋsg la A tɩlgr be a yĩnga) yɩɩme t’a sã n kɩll a gãagẽ wã, n na n gãand yʋng fãa, a tigimda a nus a yiibã, rẽ poorẽ t’a fʋʋs b yiibã pʋgẽ, n karem b yiibã pʋgẽ {Ƙul huwallaah Ahadʋn} la {Ƙʋl A’ʋʋzʋ birabbil Falaƙɩ} la {Ƙʋl A’ʋʋzʋ biraabinnaas}, rẽ poorẽ t’a saag ne b yiibã, a yĩngã, a sẽn tõe tεka, a sɩngda saagrã a zugẽ wã la a nengã la yĩngã sẽn kellã, a maanda rẽnda noor a tãabo.

Tɩ raoa n sok Nabiyaamã (Wẽnd pʋʋsg lɑ A tɩlgr be ɑ yĩngɑ) lɩslaangã yell bʋdo sõmblem n yɩɩde? T'a yeele: «rɩlg rɩɩbo la f ning sallem fo sẽn bãng a soab la fo sẽn ka bãng a soaba».

«Ad Wẽnd yarda yamba, a sẽn na n rɩ n pẽg Wẽnde rɩɩbã yĩnga, maa a yũ bõn-yũudga n pẽg Wẽnd a yĩnga».

«Bũmb ka be t'a zɩslem yɩɩd muumin peesgã laok pʋgẽ dũni wã yikr raare, n yɩɩd zʋg sõng ye, ad Wẽnd kisa zʋg wẽng soab sẽn yaa gom-be-neda».

«Lɩslaamb a yiib ka be n yek taab n yõk taab nusi, rẽndame tɩ b yaafa b yiibã zũnuuba, taoor tɩ b na n ka welg taaba».

«Wẽnd na põees ned ning neng sẽn wʋm bũmb tõnd nengẽ, n taas-a wala a sẽn wʋm-a wã, bala sõor waoog b sẽn taas ned bũmb tɩ yẽnda sẽn fasema yɩɩda wʋmdã».

«Yeelg-y y fu pεεlã, tɩ ad yaa yãmb futã sẽn yɩɩd sõmblem, la y mum y kũ-rãmbã ne-ba».