«Yãg-y ne kũum, sã n mikame t'a yaa sõma rẽnd yaa sõma zĩigẽ la yãmb rabd ne-a, la a sã n pa rẽ, rẽnd yaa wẽng la yãmb sẽn basd y yubliẽ wã».

A ɭbn Hagar yeelame (Wẽnd na yols-a): B bʋʋ nonglem tɩ b yãge, la a ra wa yɩ yãg-kεgeng ye, tɩ sãang wa zĩnd beenẽ ne kũumã, maa yɩ toog ne a zãadba la a yãagdbã.

B zaa yãgbã tɩ kũumã sã n ka yɩ lingri, tɩ b yεεsd tɩ tõe n yɩɩ sobgre, wakat-kãngã, ka sõmb tɩ b mum-a halɩ tɩ b tall bãng-n-wãak t'a kiime, maa a yaoolgã bilfã, sã b yaa manegr n be beenẽ tɩ b rata, wala gũ pʋʋsdbã wʋsgre, maa rog-pẽtb waoongo, la b ka yεεsd t'a na n sãame.

B sẽn pirsd tɩ b yãg ne kũ-rãmbã, yaa kũumã manegre, sã n mikame tɩ yaa zu-noogo, sã n ka rẽ yaa kũ zaadbã manegre, sã n mikame tɩ yaa zu-be-neda.