Енциклопедија на пророчките хадиси

„Јас сум првак на луѓето на Судниот ден. Знаете ли зошто? Аллах ќе ги собере сите – и првите и последните – на едно рамно место. Повикот ќе го чујат сите, а погледот ќе ги опфати сите. Сонцето ќе се приближи, и луѓето ќе бидат погодени од толкава мака и тешкотија што нема да можат да ја издржат, ниту ќе имаат сила да ја поднесат. Ќе речат: ,Зарем не гледате до каде сме стигнати? Зар нема некој што ќе се застапи за нас пред нашиот Господар?‘ Ќе се повикуваат меѓусебно: ,Одете кај Адем!‘ Ќе отидат кај Адем, алејхи селам, и ќе речат: ,Ти си таткото на човештвото. Аллах те создаде со Својата рака, ти вдахна душа, им нареди на мелеците да ти се поклонат – застапи се за нас пред твојот Господар. Зарем не гледаш во каква состојба сме?!‘ Тој ќе одговори: ,Господарот денес се разгневил со гнев каков што никогаш претходно не го покажал, ниту ќе го покаже после тоа. Ми забрани да се доближам до дрвото, а сепак не послушав. Себеси! Себеси! Себеси! Одете кај друг – одете кај Нух!‘ Ќе отидат кај Нух, алејхи селам, и ќе речат: ,О, Нух! Ти си првиот пратеник испратен до луѓето, а Аллах те нарече благодарен роб. Застапи се за нас пред твојот Господар.‘ Тој ќе одговори: ,Господарот денес е разгневен со гнев каков што никогаш не покажал, ниту ќе покаже после тоа. Имав дова и ја упатив против мојот народ. Себеси! Себеси! Себеси! Одете кај Ибрахим!’ Ќе дојдат кај Ибрахим, алејхи селам, и ќе речат: ,О, Ибрахим! Ти си Аллаховиот веровесник и Неговиот миленик меѓу луѓето – застапи се за нас пред твојот Господар!‘ Ќе им рече: ,Господарот денес е разгневен како никогаш досега, ниту пак ќе биде поразгневен после тоа. Јас изреков три лаги. Себеси! Себеси! Себеси! Одете кај Муса!‘ Ќе одат кај Муса, алејхи селам, и ќе речат: ,О, Муса! Ти си Аллахов пратеник – Тој те одликуваше со Своето пратеништво и говор. Застапи се за нас пред твојот Господар!‘ Тој ќе рече: ,Господарот денес е разгневен со гнев што никогаш не го покажал, ниту ќе го покаже после тоа. Убив човек кој не ми беше наредено да го убијам. Себеси! Себеси! Себеси! Одете кај Иса, синот на Мерјем!‘ Ќе отидат кај Иса, алејхи селам, и ќе речат: ,О, Иса! Ти си Аллахов пратеник, создаден со Зборот Негов кој на Мерјем ѝ го достави, и живот ти даде. Зборуваше со луѓето додека беше дете во лулка – застапи се за нас пред твојот Господар!‘ А тој ќе рече: ,Господарот денес е разгневен како никогаш досега, ниту пак ќе биде поразгневен после тоа.‘ – и нема да спомне никаков грев – ,Себеси! Себеси! Себеси! Одете кај Мухамед!‘ Ќе дојдат кај мене и ќе речат: ,О, Мухамед! Ти си Аллахов пратеник и последниот од веровесниците. Аллах ти ги прости и претходните и идните гревови. Застапи се за нас пред твојот Господар!‘ Тогаш јас ќе тргнам, ќе дојдам под Аршот и ќе паднам на сеџда пред мојот Господар. Аллах ќе ми отвори пофалби и пофални изрази што никому пред мене не му ги дал. Потоа ќе ми се рече: ,О, Мухамед, подигни ја главата! Барај – ќе ти биде дадено! Застапи се – ќе биде прифатено!‘ Ќе ја подигнам главата и ќе речам: ,Господару мој, мојот умет! Господару мој, мојот умет! Господару мој, мојот умет!‘ Ќе ми се каже: ,О, Мухамед, воведи ги во Џенетот – низ десната врата – оние од твојот умет врз кои нема пресметка. А тие ќе бидат заедно со другите луѓе и во останатите врати на Џенетот.‘ А потоа тој, салаллаху алејхи ве селем, рече: ,Се колнам во Оној во чијашто рака е мојата душа, растојанието меѓу двете крила на една од џенетските порти е колку од Мека до Химјер – или колку од Мека до Бусра.‘“

„Кој ќе му нанесе неправда на својот брат – било поврзана со неговата чест или со нешто друго – нека побара халал од него уште денес, пред да дојде Денот кога нема да користи ни динарот ни дирхемот. Ако има добри дела, ќе му се земе од нив според големината на неправдата што ја направил. А ако нема добри дела, ќе се земе од лошите дела на неговиот брат и ќе му се натоварат нему.“

„Ние сме последниот умет, но првите што ќе бидат повикани на пресметка. Ќе се рече: ,Каде е неписмениот умет и неговиот пратеник?’ Така, ние сме последни по време, а први на Судниот ден.“

„Го слушнав Божјиот пратеник, салаллаху алејхи ве селем, како вели: ,Дали сакате да ве известам за жителите на Џенетот? Тоа е секој слаб и понизен човек, кој ако се заколне во Аллах, Тој ќе ја исполни неговата заклетва. И дали сакате да ве известам за жителите на Џехенемот? Тоа е секој груб, самобендисан и горделив човек‘.‘“

„На Судниот ден Сонцето ќе биде приближено до створенијата, ќе им се доближи на растојание од една милја.“ Сулејм бин Амир рекол: „Се колнам во Аллах, не знам дали мислел на милја како растојание на земјата или на милја како стапче за кохл (шминка за очи).“ Потоа Пратеникот, салаллаху алејхи ве селем, продолжи: „Луѓето ќе бидат потопени во потта според своите дела, на некои ќе им биде до глуждовите, на некои до колената, на некои до половината, а некои ќе бидат сосема потопени – така што потта ќе им биде до устата.“ И Аллаховиот пратеник, салаллаху алејхи ве селем, со раката посочи кон устата.

„Најнискиот степен што некој од вас ќе го има во Џенетот е да му се каже: ,Посакај!‘ – па тој ќе посакува и ќе посакува. Потоа ќе му се каже: ,Дали заврши со желбите?‘ – ќе одговори: ,Да.‘ Па ќе му биде речено: ,Ќе го добиеш сето што го посака – и уште толку покрај тоа.‘“

„Бевме кај Веровесникот, алејхи селам, и тој погледна во Месечината, а беше ноќ со полна месечина, па рече: ,Навистина ќе го видите вашиот Господ како што ја гледате оваа Месечина и нема да ви претставува мака да Го видите, па ако можете да не ја пропуштите молитвата пред изгрејсонце (сабах) и пред зајдисонце (икиндија), направете го тоа,‘ потоа го цитирал ајетот: ,...и величај Го Господарот свој и заблагодарувај Му се пред Сонцето да излезе и пред да зајде.‘“ (Каф: 39)

„На секој сопственик на злато или сребро што не ги плаќа своите давачки, на Судниот ден, ќе му се исковаат огнени чаршафи, кои ќе се загреат во огнот џехенемски, и со нив ќе му бидат жигосани бочните страни, челото и грбот. Кога и да се изладат, ќе бидат загреани, тогаш еден ден ќе трае педесет илјади години, сè додека не се заврши судењето помеѓу Аллаховите робови, и секој ќе го гледа својот пат, или кон Џенетот или кон Џехенемот.“