Енциклопедија на пророчките хадиси

„Дали да ви кажам кој од вас е најдобар, а кој најлош?“ Тие молчеа. Тој тоа го повторил трипати. На крајот еден човек рече: „Да, о Аллахов пратенику, кажи ни кој е најдобриот и кој е најлошиот меѓу нас.“ Пратеникот, салаллаху алејхи ве селем, рече: „Најдобриот меѓу вас е оној од кого се очекува добро и во чија близина луѓето се сигурни од неговото зло. А најлош е оној од кого не се очекува добро и од чија злоба луѓето не се безбедни.“

во времето на Пратеникот, салаллаху алејхи ве селем, имаше еден човек по име Абдулах, кого луѓето го викаа „Химар.“ Тој знаеше да го насмее Пратеникот, салаллаху алејхи ве селем. Веровесникот, салаллаху алејхи ве селем, веќе го казнил со камшикување заради пиење вино. Еден ден повторно го доведоа кај него, па тој нареди да биде камшикуван. Тогаш еден човек од присутните рече: „Аллах да го проколне, колку многу пати го доведуваат за ова!“ Но, Пратеникот, салаллаху алејхи ве селем, рече: „Не проколнувајте го! Се колнам во Аллах, јас знам дека тој Го сака Аллах и Неговиот пратеник.“

„Нема луѓе кои ќе станат од седенка на која не го спомнувале Аллах, освен како да станале од трпеза на која имало леш од магаре, а потоа ќе зажалат за тоа.“

„Аллах нека го осветли лицето на оној што ќе чуе нешто од нас, па тоа го пренесе онака како што го слушнал. Можеби оној кому му го пренел – подобро ќе го разбере од оној што го чул.“

„Носете бела облека – бидејќи таа е од најдобрите што ги имате – и во неа обвиткувајте ги вашите починати.“

„Го прашав Божјиот пратеник, салаллаху алејхи ве селем, за добродетелството и гревот, па тој рече: ,Добродетелство е убавото однесување, а грев е она што ти тежи во срцето и не сакаш да го дознаат луѓето.‘“

„Секое добро дело е милостина."

„Ако вистински се потпрете врз Аллах, Тој би ве снабдил како што ги снабдува птиците, наутро одлетуваат гладни а навечер долетуваат сити.“