„Кога Аллах ќе ги собере првите и последните на Судниот ден, секој измамник ќе добие знаме што ќе се подигне над него, и ќе се каже: ,Ова е измамата на тој и тој, синот на тој и тој.’“

Предавството е строго забрането и спаѓа меѓу големите гревови, бидејќи за него е најавена жестока казна.

Во оваа закана спаѓа секој што ќе ја изневери довербата што му е дадена – било да му е доверен нечиј живот (крв), чест, тајна или имот – па ја предаде и не постапи чесно.

Имамот Куртуби вели: „Ова се однесува на Арапите, кај кои постоел обичај да се подигнува знаме – бело за верност, а црно за предавство – со цел да се посрами и разобличи предавникот. Хадисот укажува дека слично ќе се случи и на Судниот ден – предавникот ќе биде јавно обележан и посрамен пред собраниот свет.“