Encyclopedia of Prophetic Hadiths

Ali bin Abi Talib (R.A) nandefa tany amin'ny Mpaminany (S.A.W) avy any Yemen ny sombin-bolamena vita amin'ny hoditra nopotehina izay tsy nangonina tamin'ny taniny. Nozarainy tamin'ny olona efatra izany, Dia i Uyaynah bin Badr, Aqra' bin Habis, ary Zayd Al-Khail, ary ny fahefatra : na i Alqamah na i Amer Ibn At-tofail, avy eo dia nisy lehilahy iray avy amin'ny namany niteny hoe : Mendrika an'izany izahay noho ireo olona ireo, niteny izy : Notaterina tamin’ny Mpaminany (S.A.W) izany, ka hoy izy : “Tsy atokisanareo ve aho, nefa izaho azo itokisana amin'izay hafatra avy any an-danitra, ary tonga eo amiko ny fanambarana avy any an-danitra maraina sy hariva.” Hoy izy : Avy eo dia nitsangana ny lehilahy iray manjelanjelatra ny takolany, ny handriny mijoalajoala, ny volombava matevina, ny lohany voaharatra, ary ny akanjony dia voahosotra. Hoy izy : “Ry Irak'Allah, matahora an'Allah ianao". Hoy i Mpaminany (S.A.W) : “Indrisy, tsy izaho ve no mendrika indrindra amin’ny olona eto an-tany mba hatahotra an’Allah? Hoy izy : Dia lasa ilay lehilahy, ary hoy i Khaled bin Al-Walid : Ry irak'Allah, tsy tokony hotapahiko ve ny lohany? Hoy i Mpaminany (S.A.W) : “Tsia, angamba mivavaka izy.” Hoy i Khaled : Firy ny olona izay mivavaka amin’ny vavany no miteny izay tsy ao am-pony, hoy ny irak’Allah (S.A.W) : "Tsy nodidiana aho hanindrona ny fon'ny olona na hanapaka ny kibon'izy ireo." Hoy izy : “Dia nijery azy teo am-pitsanganana izy ka niteny hoe : “Eny tokoa, avy amin’ity lavaka ity no hivoahan’ny olona izay mamaky ny Bokin’Allah amin’ny fomba vaovao, nefa tsy mihoatra ny tendany izany, hilevona aminy finoany tahaky ny hafainganam-pandehan'ny balapilesy makany amin'ny lasibatra". Heveriko fa niteny izy hoe : "Raha tratrako izy ireo dia ho vonoiko tahaka ny namonoana an'i Thamod".

Niteny ny Mpaminany (S.A.W) ary niteny iray hafa aho, hoy ny Mpaminany (S.A.W) : “izay maty tao anatin'ny fiantsoana tompo hafa ankoatra an' I Allah ho mitovy Aminy, dia hiditra amin'ny Afobe” Ary hoy aho hoe : Izay maty tsy miantso zavatra hafa ankoatra an’I Allah dia miditra ny Paradisa.

"Tena marina fa Allah dia tsy mijery ny tarehinareo sy ny harenanareo, saingy ny fonareo sy ny asanareo no jereny."

“Tsy misy na dia iray aza aminareo afa-tsy hoe hiresahan'i Allah mivantana, ary tsy misy mpandika teny, ka mijery ny ankavanany izy dia tsy hahitra afa-tsy natolony, ary mijery ny ankavia dia tsy hahita afa-tsy izay natolony, mijery eo anoloany dia tsy mahita afa-tsy ny Afo manatrika ny tavany, koa matahora ny Afo na dia antsasaky amin'ny atrendry aza.

Niteny taminay ilay Irak' Allah, ary izy no marina no sady azo itokisana : " Mandalo dingana maromaro ny fiforonan'iray Aminareo ao anaty kibon'ny Reniny : Mandritra ny Efapolo andro sy alina, dia mbola tsiron’aina, avy eo miova ho lasa vaingan-dra Efapolo Andro aorian’izany, ary lasa tahaka ny nofon-kena maditidity Efapolo Andro manaraka, ka misy Anjely irahina ka manome fofon’aina Azy, ary asaina manoratra zavatra efatra dia : Ny anjarany, sy fe-potoana izay iainany, ny asa izay hataony (tsara na ratsy), ary ho anisan’ny ory sa olon-tsambatra. Misy aminareo hanao asa fanaon’ny Olona hiditra ao am-Paradisa (araka ny fahitan’Olona azy), ka rehefa manakaiky ny fotoana hahafaty Azy dia avelany ny asa izay nataony Iny ka manao asan’Olona hiditra ao anaty Afobe Izy, ka maty ao anatin’izany dia lasa tafiditra any amin'ny (Afobe). Ary misy Aminareo ihany koa hanao asa fanaon’ny Olona hiditra ao anaty Afobe, ka rehefa manakaiky ny fotoana hahafaty Azy dia avelany izany dia manao asan’Olona hiditra ao amin'ny Paradisa Izy dia lasa tafiditra ao ".

“Izay mpamindra fo dia hamindra fo aminy Ilay Be indrafo, mamindrà fo amin’ny mponin’ny tany, dia hamindra fo aminao izay any an-danitra”.

Nitaingina biby i Mpaminany (S.W.A) niaraka tamin'i Mouaz Ibn Jabal tao aoriany, ka hoy izy : "O! Ry Moa'zh ibn Jabal" Namaly izy hoe : "Eny mihaino anao aho ry irak'i Allah!". Naveriny in-telo izany, avy eo dia niteny i Mpaminany (S.A.W) hoe : " Tsy misy olona mijoro ho vavolombelona marina avy ao am-pony fa tsy misy tompo afa-tsy Allah ary i Mouhammad no irak'Allah, afa-tsy ataon'i Allah fady azy ny Afobe". Hoy i Mouaz : "Holazaiko amin'ny olona ve izany mba hahafaly azy ireo?". Dia namaly i Mpaminany (S.A.W) : “Sao dia lasa miantehitra amin'izany izy ireo”. Dia nolazain'i Mouaz ihany izany talohan'ny nahafatesany mba tsy ho tsiny aminy.

Nisy andian'olona nanontany an'ny Mpaminany (S.A.W) momba ireny mpimasy ireny, dia namaly izy hoe : " Tsy misy inona hain'izy ireny". Niteny ireo olona : Ry Irak'Allah, fa izy ireo anie indraindray milaza zavatra marina, dia namaly i Mpaminany (S.A.W) : "ireny dia teny marina azon'ireo Djiny ka napetrakany amin'ny sofin'ny sakaizany ka afangarony lainga mihoatra ny zato".