Encyclopedia of Prophetic Hadiths

Lehibe tokoa izany zavatra anontanianao Ahy izany, saingy mora izany ho an'izay Olona nanamoran'i Tompo Allah azy. Manompoa an'i Tompo Allah ary aza manambatra Azy mihitsy amin'ny zavatra hafa, manangana ny vavaka Soalat, ary mamoaha ny Zakat, mifeheza amin'ny volana Ramadany, ary manaova ny Hadjy amin'ilay trano masina any La meque. Dia hoy Izy avy teo : Tsy atoroko Anao ve ireo varavaran'ny hatsarana ? Ny fifehezana dia fiarovana, ny Soadakah dia manototra ny fahotana ohatra ny rano mamono ny afo, ary toraka izany ihany koa ny Soalat ataon'ny Olona mandritry ny sasak'alina. Avy teo namaky (ireto andininy soratra masina ireto) Izy : {Miarina miala ny fandriana izy ireo…}, hatramin'ny : {…nataon'izy ireo} [32:16-17]. Dia hoy Izy avy teo : Tsy ambarako Anao ve ny lohan'ny zava-drehetra sy ny andriny ary ny tampony ambony indrindra? Dia nilaza Aho hoe : Eny, ry Irakan'i Tompo Allah!. Dia hoy Izy:Ny lohan'ny zava-drehetra dia ny finoana silamo, ary ny Soalat no andrin'izany, ary ny ady masina (Djihady) no tampony ambony indrindra. Dia hoy Izy avy teo : Tsy ambarako Anao ve ny fomba ahazoanao an'izany rehetra izany ? Dia nilaza Aho hoe : Eny, ry Irakan'i Tompo Allah !. Dia noraisiny ny lelany ka hoy Izy : Fehezo ity. Dia hoy Aho: Ry Irakan'i Tompo Allah! Ngaha mbola ho tsaraina amin'izay teneninay izahay ? Dia hoy Izy: Andray ! Izany lozanao! Inona moa no tena mahatonga ny Olona hatsipy amin'ny tarehin'izy ireo na amin'ny oron'izy ireo mankao amin'ny Afobe; raha tsy ireo vokatry ny lelan'izy ireo ?

“Tsy ho lazaiko aminareo va ny momba ny mponin’ny Paradisa? Ny olona malemy fanahy sy manetry tena, raha mianiana amin'IAllah izy dia hovalinay, tsy hambarako aminao ve ny momba ny olon'ny helo : Dia izay miavonavona sy manambony tena".

"Izay miteny hoe : Là ilàha illal-làhou, ary tsy mankato ny zavatra hafa ankoatran'i Allah dia fady ny maka ny harenany sy ny ràny fa ny fitsarana azy dia any amin'ny Tompo Allah.

Tonga teo amin’ny Vato Mainty izy ary nanoroka izany ary niteny hoe : Fantatro fa vato ianao, sady tsy manimba no tsy mahasoa, ary raha tsy nahita ny Mpaminany (S.A.W) nanoroka anao aho dia tsy nanoroka anao velively.

“Amin’ny andro farany, dia hanakaiky ny zavaboary ny masoandro mandra-pahatongan’ny halavirana iray maily (metatra) amin’izy ireo.” Hoy i Solaym bin Amir : “Mianiana amin'I Allah aho fa tsy fantatro izay atao hoe maily? Ny halaviran’ny tany, sa ny tehezan’ny maso, niteny Izy : “ny olona dia arakaraky ny asa soa vitany amin'ny hatsembohana, misy ny hoe eo amin'ny kitrokeliny, ary ny sasany eo amin'ny lohalika, ary ny sasany dia hatreo amin’ny valahany, ary ny sasany difitry ny hatsembohana.” Hoy izy : “Ny Mpaminany (S.A.W) dia nanondro teo amin'ny vavany".

Tena marina fa i Tompo Allah dia namela ny vahoakako, noho Izaho, amin'izay hadisoana tsy fananihana na hadino na koa ny amin'ireo zavatra nanerena azy ireo fa tsy antsitrapo.

“Ny toerana ambany indrindra ho azon’iray aminareo any amin’ny Paradisa dia rehefa misy miteny aminy hoe : "Inona ny fanirinao, dia naniry izy, ary naniry zava-tsoa, dia hanontaniana izy hoe : "Efa nanao faniriana ve ianao?" Hoy izy : Eny, ary holazaina aminy hoe : Ho azonao izay nirinao ary izay mitovy amin'izany miaraka aminy".

Nisy niteny sy nilaza hoe : O ry irak'Allah, iza tokoa no ho sambatra indrindra amin'ny fanelanelanana izay mbola hataonao amin'ny Andro farany Andro ny fitsanganana amin'ny maty ? dia Hoy ilay irak' Allah namaly ka nanao hoe : “ Nihevitra Aho, ry Abou Houraira, fa tsy hisy Olona hanontany Ahy mihintsy ny momba an'io Hadith io talohanao, ka noho ianao hitako mifikitra mafy amin'io Hadith io, ka Ny Olona tena sambatra indrindra amin’ny fanelanelanana izay hataoko amin’ny Andro ny fitsanganana amin’ny maty dia ireo izay milaza fa tsy misy Tompo marina mendrika ho tompoina afa-tsy i Tompo Allah, ao amin’ny fony na ao amin’ny fanahiny".