Encyclopedia of Prophetic Hadiths

“Tompo Allah dia hiteny amin’ny mponin’ny Paradisa hoe : Ry vahoakan'ny Paradisa ô!? Hoy izy ireo : Eny, mamaly ny antsonay ry Tomponay, dia hoy I Allah : "Moave afa-po ianareo? Hoy izy ireo : “Nahoana izahay no tsy afa-po rehefa nomenao izay tsy nomenao na iza na iza teo amin’ny zavaboarinao? dia hoy I Allah : Homeko zavatra tsara noho izany ianareo, hoy izy ireo : Tompo ô! Inona indray no zavatra mihoatra izany? Dia hoy Izy : Omeko anareo ny fifaliko, ary tsy ho tezitra aminareo Aho intsony intsony aorian’izany.

"I Al-Hasan sy Al-Hossein no lehiben'ny tanora ao amin'ny Paradisa."

Ali bin Abi Talib (R.A) nandefa tany amin'ny Mpaminany (S.A.W) avy any Yemen ny sombin-bolamena vita amin'ny hoditra nopotehina izay tsy nangonina tamin'ny taniny. Nozarainy tamin'ny olona efatra izany, Dia i Uyaynah bin Badr, Aqra' bin Habis, ary Zayd Al-Khail, ary ny fahefatra : na i Alqamah na i Amer Ibn At-tofail, avy eo dia nisy lehilahy iray avy amin'ny namany niteny hoe : Mendrika an'izany izahay noho ireo olona ireo, niteny izy : Notaterina tamin’ny Mpaminany (S.A.W) izany, ka hoy izy : “Tsy atokisanareo ve aho, nefa izaho azo itokisana amin'izay hafatra avy any an-danitra, ary tonga eo amiko ny fanambarana avy any an-danitra maraina sy hariva.” Hoy izy : Avy eo dia nitsangana ny lehilahy iray manjelanjelatra ny takolany, ny handriny mijoalajoala, ny volombava matevina, ny lohany voaharatra, ary ny akanjony dia voahosotra. Hoy izy : “Ry Irak'Allah, matahora an'Allah ianao". Hoy i Mpaminany (S.A.W) : “Indrisy, tsy izaho ve no mendrika indrindra amin’ny olona eto an-tany mba hatahotra an’Allah? Hoy izy : Dia lasa ilay lehilahy, ary hoy i Khaled bin Al-Walid : Ry irak'Allah, tsy tokony hotapahiko ve ny lohany? Hoy i Mpaminany (S.A.W) : “Tsia, angamba mivavaka izy.” Hoy i Khaled : Firy ny olona izay mivavaka amin’ny vavany no miteny izay tsy ao am-pony, hoy ny irak’Allah (S.A.W) : "Tsy nodidiana aho hanindrona ny fon'ny olona na hanapaka ny kibon'izy ireo." Hoy izy : “Dia nijery azy teo am-pitsanganana izy ka niteny hoe : “Eny tokoa, avy amin’ity lavaka ity no hivoahan’ny olona izay mamaky ny Bokin’Allah amin’ny fomba vaovao, nefa tsy mihoatra ny tendany izany, hilevona aminy finoany tahaky ny hafainganam-pandehan'ny balapilesy makany amin'ny lasibatra". Heveriko fa niteny izy hoe : "Raha tratrako izy ireo dia ho vonoiko tahaka ny namonoana an'i Thamod".

"Aseho amin'ny endrika ondry lahy mana-tandroko ny fahafatseana dia hiantso ny mpiantso ny amin'ny hoe : O Ry vahoakan'ny Paradisa, nitodika avokoa izy ireo ka nijery, dia hoy Izy hoe : fantatrareo va ity ? Namaly izy ireo hoe : Eny fantatray io dia ny fahafatesana, Satria ny rehetra dia efa nahita an'izany. Avy eo dia misy miantso hoe : Ry vahoakan'ny Afobe, nitodika avokoa izy ireo ka nijery, ary niteny hoe : fantatrareo va ity ?, Namaly izy ireo hoe : Eny fantatray io dia ny fahafatesana, ary ny rehetra dia efa nahita an'izany avokoa. Avy eo dia hovonoina Izy dia holazaina ny hoe : Ry vahoakan'ny Paradisa hitoetra ao mandrakizay Ianareo ary tsy hisy intsony ny fahafatesana, Ry vahoakan'ny Afobe hitoetra ao mandrakizay Ianareo ka tsy misy intsony ny fahafatesana. Avy eo Izy namaky ny andininy Soratra masina hoe : { Ampitandremo izy ireo amin'ny fotoan'ny fatiantoka rehefa tapaka ny raharaha rehetra nefa izy ireo dia varina } [Mariam 39], izy ireo dia varina teto an-tany { ary izy ireo dia tsy Mino } [Mariam 39]".

"Hanaraka ireo fanaon'ny vahoaka teo alohanareo ianareo, ohatry ny refin'ny fela-tànana, na sandry, eny na dia niditra tao anaty lavaky ny biby aza ireo dia mbola narahinareo". Niteny izahay hoe : O ry Irak'i Allah, ireo jiosy sy ny kristiana ve izany? dia namaly izy hoe : "Fa iza ndray?".

“Rehefa misy ny razana ka entin’ny lehilahy eo am-bozon’izy ireo izany, dia raha olona mpanao soa izy, dia hilaza hoe : Ento mandroso haingana aho, ary raha tsy olona tsara izy, dia hilaza hoe : O! Loza ho azy, ho entinareo ho aiza izy? Mandre ny feony ny zavatra rehetra afa-tsy ny olona, ​​ary raha mandre azy izy, dia ho torana.