Пайгамбар хадистеринин энциклопедиясы

Бир киши Аллахтын Элчиси, саллаллаху алейхи уа салламдан, мындай деп сурады: «Айтыңызчы, мен парз намаздарын окуп, Рамазан орозосун кармасам, адалды адал деп билип, арамды арам деп билсем жана бул нерселерге эч нерсе кошпосом, анда мен бейишке киреминби?» Анда Пайгамбарыбыз: «Ооба» - деди. Ал: «Аллахка ант болсун! Мен буга эч нерсе кошпойм» - деди.

"Чындыгында, адам менен ширк, каапырлыктын ортосунда намазды таштоо гана турат".

«Сатканда, сатып алганда жана өз акысын талап кылганда жоомарт адамды Аллах ырайымына алсын».

«Ким Аллахка ширк келтирбестен жолукса, анда ал бейишке кирет. Ал эми ким Ага ширк кылган абалда жолукса, анда тозокко кирет».

«Ар бир жакшылык – садака».

«Илимди аалымдарга мактануу үчүн жана наадандар менен талашуу үчүн ошондой эле жыйындарда өзүн көрсөтүү үчүн албагыла. Эгерде кимдир бирөө мындай кылса, анда ага тозок болсун жана тозок болсун».

"Мага менден мурдагы пайгамбарларга берилбеген беш нерсе берилди : бир айлык аралыктан душмандарымдын жүргүндөгү коркунуч аркылуу жеңиш берилди. Жер бетинин баары мага намаз окуганга жарактуу жана тазаланганга жарактуу болду. Үммөтүмдөн ким кайсы жерде болсо, ошол жерде намазын окуй берсин. Мага олжо адал болду. Мага чейин эч кимге олжо адал эмес эле. Мага шапаат кылуу артыкчылыгы берилди. Мага чейинки пайгамбарлар өзүнүн гана элине жиберилсе, мен жалпы адам баласына жиберилдим".

Пайгамбарыбыз (ага Аллахтын тынчтыгы жана мактоосу болсун) бизге бардык иштерде Куран сүрөөлөрүнүн бирин үйрөткөндөй эле Истихараны да үйрөтүп, мындай дечү: "Эгер силерден бириңер бир ишти баштоону кааласа парз болбогон эки рекет намаз окусун да, кийин мындай десин: «Оо, Аллах! Мен Сенин илимиңден (Сенден) кайыр жакшылык тилейм! Сенин кудурет-күчүңдөн жардам сурайм. Мен Сенин улук пазилетиңди (көп жакшылыктарыңды) сурайм! Мен өз тагдырымды өзүм жаратпайм. Аны Сен жаратасың. (Эртеңки күнүм эмне болорун) мен билбейм, Сен билесиң! Сен бардык кайыпты (пенделерге билинбеген кабарларды) эң жакшы билүүчүсүң! Оо, Аллах! Эгер бул иш менин диниме, дүйнөлүк жашоомо жана ишимдин акыбети үчүн жакшылык болсо – же ал: азыркы жана келечектеги ишим үчүн – жакшылык болсо, аны мага буюруп, жеңил-берекелүү кыл жана мага тагдыр кылып бер! Ал эми, бул иш менин диниме, дүйнөлүк жашоомо жана ишимдин акыбетине – же ал: азыркы жана келечектеги ишим үчүн – жамандык болсо, аны менден, мени андан буруп жибер жана мага жакшылыктын кайда экенин көргөзүп, мени ыраазы кыл!»" Анан: «Өз муктаждыгын (ишин) атайт», – деди.