Пайгамбар хадистеринин энциклопедиясы

"Кайсы бир киши күнөө кылып, кийин туруп тазаланып (даарат алып), анан намаз окуса, анан Аллахтан (күнөөсүнө) кечирим тилесе, Аллах аны кечирет ". Андан кийин бул аятты окуду: "(Ал такыбалар) кокус ыплас иш кылып алса, же (күнөө менен) өзүнө зулум кылса, дароо Аллахты эстеп, күнөөсүнө кечирим тилейт..." (Аалу Имран, 135-аят).

"«Мага Аллахка эч нерсени шерик кошпоого, уурулук кылбоого, зына кылбоого, балдарыңарды өлтүрбөөгө, бирөөнүн кылбаган ишин кылды деп жалган-жала жаппоого жана жакшы иште каршы чыкпоого убада бергиле. Силерден ким убадасын аткарса, анын сообу Аллахтан болот. Ал эми кимде-ким булардан бир нерсе жасап коюп, бул дүйнөдө жазаланса, ал ал үчүн кафарат болот. Ал эми ким булардан бир нерсе жасап коюп, анан Аллах аны жашырса, анын иши Аллахка тапшырылат: эгер кааласа аны кечирет, эгер кааласа аны жазалайт». Биз ага ушул нерселер үчүн убада бердик."

"Аллах Таала тыйган бул жаман, жийиркеничтүү иштен алыс болгула! Ким буга кабылса, Аллах жашыргандай жашырсын жана тообо кылууга шашылсын. Анткени, ким бизге күнөөсүн ачып берсе, ага Аллахтын китеби менен өкүм, жаза тургузабыз".

"Чынында, Аллах Таала күндүзү күнөө кылгандардын тобосун кабыл кылуу үчүн түнү колун созот. Түндө күнөө кылгандардын тобосун кабыл кылуу үчүн күндүзү колун созот. Анын мындай ырайымы күн батыштан чыкканча уланат.