Пайгамбар хадистеринин энциклопедиясы

"Силердин эч кимиңер каалоосу мен алып келген нерсени (динди) ээрчимейинче толук ыймандуу боло албайт".

"Кимде-ким кайсыл бир жерге келсе: "Аъузу би калима тиллаахит-тааммаати миң шарри маа холак" деп айтса, анда ал кайра жолун улап кеткенге чейин ага эч нерсе зыян бербейт".

«Аллах Таала түз жолго мисал келтирди. Ал түз жолдун эки тарабында ачык эшиктери менен дубалдар бар. Ал эми эшиктерге түшүрүлгөн пардалар бар. Түз жолдун эшигинин башында: «Эй адамдар, бардыгыңар бул жолго түшкүлө, оңго-солго кетпегиле», - деп айтып турган жарчы бар. Кимде-ким ал эшиктерди ачууну кааласа, түз жолдун үстүндө: «Шоруң кургур! Бул эшикти ачпа. Эгерде ача турган болсоң, анда ага кирип кетесиң» - деп турган дагы бир жарчы бар. Түз жол - бул Ислам дини. Эки дубал - бул Аллахтын койгон чектери. Ал эми ачык эшиктер - алар Аллахтын арам кылган иштери. Түз жолдун баш жагында турган жарчы - бул Аллахтын Китеби. Ал эми түз жолдун үстүндө турган жарчы - бул ар бир мусулмандын жүрөгүндөгү Аллахтын эскертүүсү».

"Аллах Аруу-Таза, таза нерселерди гана кабыл кылат. Аллах Таала ыймандууларды пайгамбарларды буйруган нерсеге буйруган. Ал минтип айткан: "Оо, элчилер! Таза, адал нерседен жегиле! Жакшы иш-амалдарды кылгыла! Чынында, эмне кылганыңарды Мен билүүчүмүн". (Муминун, 51-аят). Ошондой эле: "Оо, ыйман келтиргендер! Биз силерге берген ырыскылардын таза-адалынан жегиле...!" деген. Андан кийин пайгамбарыбыз (ага Аллахтын тынчтыгы жана мактоосу болсун) алыс сапарга чыгып, чачы саксайып жүдөгөн, үстү-башын чаң баскан адам колун өйдө көтөрүп: “Оо, Раббим! Оо, Раббим!” - деп дуба кылганын эскерип, анан мындай деди: “Анын жегени арам, ичкени арам, кийгени арам, арамдан азыктанат. Анан анын дубасы кантип кабыл болсун?!”

Аллахтын элчиси (ага Аллахтын тынчтыгы жана мактоосу болсун): "Йа муколлибал кулууби саббит колби алаа дииника" (Эй, жүрөктөрдү калчоочу Аллах, менин жүрөгүмдү динге бекем кыл)" - деп көп дуба кылчу. Мен: "О, Алахтын элчиси, биз сизге жана сиз алып келген динге ыйман келтирдик. Ошентсе да биз үчүн коркосузбу?" - деп сурадым. Ал: "Ооба, жүрөктөр Аллахтын манжаларынан эки манжасынын арасында турат. Кандай кааласа ошондой калчайт" - деди.

"Пайгамбарыбыз (ага Аллахтын тынчтыгы жана мактоосу болсун) эрте менен багымдат намазын окуган кезде анын жанынан чыгып кетти, бул убакта ал өзүнүн намаз окуган ордунда эле. Анан Пайгамбарыбыз шашке маалында кайтып келсе, ал ордунда олтурган эле. Ошондо Пайгамбарыбыз (ага Аллахтын тынчтыгы жана мактоосу болсун): "Мен таштап кеткен абалыңда олтурасыңбы?" - деп сурады. Ал: "Ооба", - деди. Пайгамбарыбыз (ага Аллахтын тынчтыгы жана мактоосу болсун): «Мен сенден кийин төрт сөздү үч жолу айттым, эгерде алар сенин бүгүн айткандарың менен таразага тартылса, алардан оор келмек: Аллахка Анын жараткандарынын санындай, Өзү ыраазы болгондой, Аршынын салмагындай жана сөздөрүнүн көлөмүндөй көп-көп мактоолор болсун. Биз Аллахты ар кандай кемчилдиктүү сыпаатардан аруулайбыз!» - деди."

"Ким түнү Бакара сүрөсүнүн акыркы эки аятын окуса, ага жетиштүү болот".

"Мага бейиш менен тозок көрсөтүлдү, жакшылык менен жамандык жагынан бүгүнкүдөй күндү эч качан көргөн эмесмин. Эгерде менин билгенимди билгениңерде, аз күлүп, көп ыйламаксыңар." Анас айтат: Аллахтын элчисинин (ага Аллахтын тынчтыгы жана мактоосу болсун) сахабалары үчүн мындан өткөн оор күн болгон эмес. Ал айтты: Алар баштарын жаап, бышактап ыйлап жатышты. Ал айтты: Ошондо Умар туруп мындай деди: Биз Раббибиз Аллах, динибиз Ислам жана пайгамбарыбыз Мухаммад - деп ыраазы болдук. Ал айтты: Анан баягы адам ордунан туруп: Менин атам ким? - деп сурады. Ал: "Сенин атаң баланча" - деди. Ошондо: «Оо, ыйман келтиргендер! (Силерге зарыл болбогон) Ар нерсени сурай бербегиле. Эгер сурооңорго жооп берилсе андан өзүңөргө кыйынчылык жаратып аласыңар». (Маида сүрөсү, 101-аят) - деген аят түштү.