Skip to content
816 Хадистер

Пайгамбар хадистеринин энциклопедиясы

Жыйынтыктарды чыпкалоо

816 карточканын 4

Чыпкаларды алып салуу

Хадистин даражасы

Риваят кылынган булак

"Саптарда тегиз тургула. Анткени, саптын тегиздиги - намаздын толуктугунан болуп эсептелет".
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيفضل صلاة الجماعة وأحكامها، أحكام الإمام والمأموم، أحكام المساجدموضوعات الحديثسنن الصلاة، صفة الصلاة، صلاة الجماعة
Биз Аллахтын Элчиси (ага Аллахтын тынчтыгы жана мактоосу болсун) менен бирге мечитте олтурганыбызда, бир чөлдүк араб (бедуин) келип, мечитке заара кыла баштады. Аллахтын Элчисинин (ага Аллахтын тынчтыгы жана мактоосу болсун) сахабалары: "Токто, токто!" - дешти. Ошондо Аллахтын Элчиси (ага Аллахтын тынчтыгы жана мактоосу болсун): «Анын заарасын үзбөгүлө (бөлбөгүлө), жөн койгула» — деди. Алар тиги заара кылып бүткүчө жөн коюшту. Андан соң Аллахтын Элчиси (ага Аллахтын тынчтыгы жана мактоосу болсун) аны чакырып: «Чындыгында, бул мечиттер мындай заара кылууга жана ыпластыкка ылайыктуу эмес. Алар Улуу жана Кудуреттүү Аллахты зикир кылуу, намаз окуу жана Куран окуу үчүн гана», — деди (же Аллахтын Элчиси ушуга окшош сөз айтты). (Анас) айтат: Анан Пайгамбар бир кишиге буйрук берди эле, ал бир чака суу алып келип, ал жерге төгүп (жууп) койду.
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيأحكام المساجد
Жума күнү Аллахтын элчиси (ага Аллахтын тынчтыгы жана мактоосу болсун) кутпа айтып жатканда, «Дар ал-Каза» жактагы эшиктен мечитке бир киши кирип: Аллахтын элчисинин (ага Аллахтын тынчтыгы жана мактоосу болсун) маңдайына туруп, «Эй, Аллахтын элчиси, (кургакчылыктан) мал-жандыктар кырылып, жолдор буулуп калды. Аллахка дуба кыл, бизге жамгыр берсин» - деп айтты. Аллахтын элчиси (ага Аллахтын тынчтыгы жана мактоосу болсун) эки колун көтөрүп: «О Аллахым, бизге жамгыр жаадыр! О Аллахым, бизге жамгыр жаадыр! О Аллахым, бизге жамгыр жаадыр!» - деди. Анас айтат: «Аллахка ант болсун, биз асманда булутту да, булуттун бир үзүмүн да көргөн жокпуз. Биз менен "Саль" (тоосунун) ортосунда эч кандай үй же имарат жок болчу. Анан тоонун артынан калкандай болгон булут чыкты. Ал асмандын ортосуна келип жайылып, анан жамгыр жаай баштады. Аллахка ант болсун, биз алты күн бою күндүн көзүн көргөн жокпуз. Кийинки жума Аллахтын лчиси (ага Аллахтын тынчтыгы жана мактоосу болсун) туруп кутпа айтып жатканда, бир киши ошол эле эшиктен кирип келди да, анын маңдайына туруп: «Эй, Аллахтын элчиси, (жамгырдын айынан) мал-жандык кырылып, жолдор жабылды. Аллахка дуба кыл, бизден жамгырды токтотсун» - деди. Аллахтын Элчиси (ага Аллахтын тынчтыгы жана мактоосу болсун) колун көтөрүп, мындай деди: «О Аллахым, биздин үстүбүзгө эмес, айланабызга (жаадыр). О Аллахым, дөңсөөлөргө, тоолорго, өрөөндөрдүн түбүнө жана дарак өскөн жерлерге (жаадыр)». Анас айтат: «Жамгыр тык токтоп, биз жаркыраган күнгө чыктык». Шарик айтат: «Мен Анас ибн Маликтен: «Ал баягы биринчи киши беле?» - деп сурасам, ал: «Билбейм» - деп жооп берди».
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيصلاة الاستسقاء
"Ким бир намазды унутса, аны эстегенде окусун. Ага андан башка каффарат (8) жок. Аллах таала айтты: "Мени эстөө үчүн намаз оку" [Таха: 14]".
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيوجوب الصلاة وفضلها وحكم تاركها، أخطاء المصلين، صلاة أهل الأعذارموضوعات الحديثتأخير الصلاة عن وقتها، مكانة الصلاة وفضلها، صلاة أهل الأعذار