ಪ್ರವಾದಿ ವಚನಗಳ (ಹದೀಸ್) ವಿಶ್ವಕೋಶ

"ಅಲ್ಲಾಹು ಯಾರಿಗೆ ಒಳಿತನ್ನು ಬಯಸುತ್ತಾನೋ ಅವನಿಗೆ ಧಾರ್ಮಿಕ ವಿಷಯಗಳಲ್ಲಿ ಪಾಂಡಿತ್ಯವನ್ನು ನೀಡುತ್ತಾನೆ. ನಾನು ಕೇವಲ ಹಂಚುವವನು ಮಾತ್ರ. ಕೊಡುವವನು ಅಲ್ಲಾಹು. ಈ ಸಮುದಾಯವು ಅಲ್ಲಾಹನ ನಿಯಮಗಳನ್ನು ಅನುಸರಿಸುತ್ತಲೇ ಇರುವುದು, ಅವರನ್ನು ವಿರೋಧಿಸುವವರು ಅವರಿಗೆ ಯಾವುದೇ ತೊಂದರೆ ಮಾಡಲಾರರು, ಅಲ್ಲಾಹನ ಆಜ್ಞೆ ಜಾರಿಗೆ ಬರುವ ತನಕ."

“ನಿಶ್ಚಯವಾಗಿಯೂ ಜ್ಞಾನ ಎತ್ತಲಾಗುವುದು, ಅಜ್ಞಾನ ಹೆಚ್ಚಾಗುವುದು, ವ್ಯಭಿಚಾರ ಹೆಚ್ಚಾಗುವುದು, ಮಧ್ಯಪಾನ ಹೆಚ್ಚಾಗುವುದು, ಪುರುಷರು ಕಡಿಮೆಯಾಗಿ ಮಹಿಳೆಯರು ಹೆಚ್ಚಾಗುವುದು, ಎಲ್ಲಿಯವರೆಗೆಂದರೆ ಐವತ್ತು ಮಹಿಳೆಯರನ್ನು ನೋಡಿಕೊಳ್ಳಲು ಒಬ್ಬ ಪುರುಷ ಮಾತ್ರವಿರುವುದು ಪ್ರಳಯದ ಚಿಹ್ನೆಗಳಾಗಿವೆ."

"ಅಲ್ಲಾಹು ನನ್ನನ್ನು ಕಳುಹಿಸಿರುವ ಮಾರ್ಗದರ್ಶನ ಮತ್ತು ಜ್ಞಾನದ ಉದಾಹರಣೆಯು, ಒಂದು ಭೂಮಿಯ ಮೇಲೆ ಬಿದ್ದ ಭಾರೀ ಮಳೆಯಂತಿದೆ. ಅದರಲ್ಲಿ ಒಂದು ಭಾಗವು ಫಲವತ್ತಾದ ಭೂಮಿಯಾಗಿತ್ತು, ಅದು ನೀರನ್ನು ಸ್ವೀಕರಿಸಿ, ಹುಲ್ಲು ಮತ್ತು ಹೇರಳವಾದ ಸಸ್ಯಗಳನ್ನು ಬೆಳೆಸಿತು. ಮತ್ತು ಅದರಲ್ಲಿ ಇನ್ನೊಂದು ಭಾಗವು ಬಂಜರು ಭೂಮಿಯಾಗಿತ್ತು, ಅದು ನೀರನ್ನು ಹಿಡಿದಿಟ್ಟುಕೊಂಡಿತು. ಆಗ ಅಲ್ಲಾಹು ಅದರ ಮೂಲಕ ಜನರಿಗೆ ಪ್ರಯೋಜನ ನೀಡಿದನು; ಅವರು ಅದರಿಂದ ಕುಡಿದರು, (ತಮ್ಮ ಪ್ರಾಣಿಗಳಿಗೆ) ಕುಡಿಸಿದರು ಮತ್ತು (ತಮ್ಮ ಹೊಲಗಳಿಗೆ) ನೀರು ಹಾಯಿಸಿದರು. ಮತ್ತು ಅದು (ಮಳೆ) ಇನ್ನೊಂದು ಭಾಗಕ್ಕೂ ಬಿದ್ದಿತು, ಅದು ಕೇವಲ ಬಯಲು ನೆಲವಾಗಿತ್ತು. ಅದು ನೀರನ್ನೂ ಹಿಡಿದಿಟ್ಟುಕೊಳ್ಳುವುದಿಲ್ಲ, ಸಸ್ಯವನ್ನೂ ಬೆಳೆಸುವುದಿಲ್ಲ. ಇದು, ಯಾರು ಅಲ್ಲಾಹನ ಧರ್ಮದಲ್ಲಿ ಜ್ಞಾನ (ಫಿಕ್ಹ್) ವನ್ನು ಪಡೆದು, ಅಲ್ಲಾಹು ನನ್ನನ್ನು ಕಳುಹಿಸಿರುವ ವಿಷಯದಿಂದ ಪ್ರಯೋಜನ ಪಡೆದು, ತಾನೂ ಕಲಿತು ಇತರರಿಗೂ ಕಲಿಸಿದನೋ ಅವನ ಉದಾಹರಣೆಯಾಗಿದೆ, ಮತ್ತು ಯಾರು ಅದನ್ನು ತಲೆ ಎತ್ತಿ ನೋಡಲಿಲ್ಲವೋ, ಮತ್ತು ನಾನು ಯಾವುದರೊಂದಿಗೆ ಕಳುಹಿಸಲ್ಪಟ್ಟೆನೋ ಆ ಅಲ್ಲಾಹನ ಮಾರ್ಗದರ್ಶನವನ್ನು ಸ್ವೀಕರಿಸಲಿಲ್ಲವೋ ಅವನ ಉದಾಹರಣೆಯಾಗಿದೆ."