ಪ್ರವಾದಿ ವಚನಗಳ (ಹದೀಸ್) ವಿಶ್ವಕೋಶ

ಪ್ರವಾದಿಯವರು (ಅವರ ಮೇಲೆ ಅಲ್ಲಾಹುವಿನ ಕೃಪೆ ಮತ್ತು ಶಾಂತಿಯಿರಲಿ) ಸುಬ್ಹ್ (ಫಜ್ರ್) ನಮಾಝ್ ಮಾಡಿದ ನಂತರ ಮುಂಜಾನೆ ಬೇಗನೆ ಆಕೆಯ ಬಳಿಯಿಂದ ಹೊರಟು ಹೋದರು. ಆಗ ಆಕೆ ತನ್ನ ನಮಾಝ್ ಮಾಡುವ ಸ್ಥಳದಲ್ಲಿ (ಮುಸಲ್ಲಾದಲ್ಲಿ) ಇದ್ದರು. ನಂತರ, ಪೂರ್ವಾಹ್ನದ ಹೊತ್ತು (ದುಹಾ ಸಮಯ) ಕಳೆದ ಮೇಲೆ ಪ್ರವಾದಿಯವರು (ಅವರ ಮೇಲೆ ಅಲ್ಲಾಹುವಿನ ಕೃಪೆ ಮತ್ತು ಶಾಂತಿಯಿರಲಿ) ಹಿಂತಿರುಗಿದರು. ಆಕೆ ಆಗಲೂ (ಅದೇ ಸ್ಥಳದಲ್ಲಿ) ಕುಳಿತಿದ್ದರು. ಆಗ ಪ್ರವಾದಿಯವರು (ಅವರ ಮೇಲೆ ಅಲ್ಲಾಹುವಿನ ಕೃಪೆ ಮತ್ತು ಶಾಂತಿಯಿರಲಿ) ಕೇಳಿದರು: "ನಾನು ನಿನ್ನನ್ನು ಬಿಟ್ಟು ಹೋದಾಗಿನಿಂದ ನೀನು ಇದೇ ಸ್ಥಿತಿಯಲ್ಲಿಯೇ ಇರುವೆಯಾ?". ಆಕೆ ಹೇಳಿದರು: "ಹೌದು". ಆಗ ಪ್ರವಾದಿಯವರು (ಅವರ ಮೇಲೆ ಅಲ್ಲಾಹುವಿನ ಕೃಪೆ ಮತ್ತು ಶಾಂತಿಯಿರಲಿ) ಹೇಳಿದರು: "ನಾನು ನಿನ್ನನ್ನು ಬಿಟ್ಟುಹೋದ ನಂತರ ನಾಲ್ಕು ವಚನಗಳನ್ನು ಮೂರು ಬಾರಿ ಹೇಳಿದ್ದೇನೆ. ನೀನು ಬೆಳಗ್ಗಿನಿಂದ ಹೇಳಿದ್ದೆಲ್ಲವನ್ನೂ ಅದರೊಂದಿಗೆ ತೂಗಿ ನೋಡಿದರೆ, ಖಂಡಿತವಾಗಿಯೂ ಅವು (ನಾನು ಹೇಳಿದ ವಚನಗಳು) ಹೆಚ್ಚು ತೂಗುತ್ತಿದ್ದವು: 'ಸುಬ್‌ಹಾನಲ್ಲಾಹಿ ವಬಿ ಹಮ್‌ದಿಹಿ, ಅದದ ಖಲ್ಕಿಹಿ, ವ ರಿದಾ ನಫ್ಸಿಹಿ, ವ ಝಿನತ ಅರ್ಶಿಹಿ, ವ ಮಿದಾದ ಕಲಿಮಾತಿಹಿ' ". (ಅರ್ಥ: ಅಲ್ಲಾಹು ಪರಿಶುದ್ಧನು ಮತ್ತು ಅವನಿಗೆ ಸರ್ವ ಸ್ತುತಿಗಳು, ಅವನ ಸೃಷ್ಟಿಗಳ ಸಂಖ್ಯೆಯಷ್ಟು, ಅವನ ಆತ್ಮದ ತೃಪ್ತಿಯಷ್ಟು, ಅವನ 'ಅರ್ಶ್' (ಸಿಂಹಾಸನ) ನ ತೂಕದಷ್ಟು, ಮತ್ತು ಅವನ ವಚನಗಳ (ಬರೆಯಲು ಬೇಕಾದ) ಶಾಯಿಯಷ್ಟು.)