ನಿಮ್ಮಲ್ಲೊಬ್ಬನು ಮಲಗಿರುವಾಗ ಶೈತಾನನು ಅವನ ಕತ್ತಿನ ಹಿಂಭಾಗದಲ್ಲಿ ಮೂರು ಗಂಟುಗಳನ್ನು ಹಾಕಿ, ಅವುಗಳಲ್ಲಿ ಪ್ರತಿಯೊಂದು ಗಂಟಿಗೂ ಗುದ್ದುತ್ತಾ, "ರಾತ್ರಿ ಇನ್ನೂ ದೀರ್ಘವಾಗಿದೆ; ಮಲಗು" ಎನ್ನುತ್ತಿರುವನು

ಶೈತಾನನು ಎಲ್ಲಾ ಸಮಯಗಳಲ್ಲೂ ಮತ್ತು ಎಲ್ಲಾ ದಾರಿಗಳಲ್ಲೂ ಮನುಷ್ಯನು ಅಲ್ಲಾಹನ ಅನುಸರಣೆ ಮಾಡದಂತೆ ತಡೆಯಲು ಪ್ರಯತ್ನಿಸುತ್ತಲೇ ಇರುತ್ತಾನೆ. ಅಲ್ಲಾಹನಿಂದ ಸಹಾಯ ಬೇಡುವುದು ಮತ್ತು ಶೈತಾನನಿಂದ ಪಾರಾಗುವ ಮಾರ್ಗೋಪಾಯಗಳನ್ನು ಸ್ವೀಕರಿಸುವುದರ ಹೊರತು ಶೈತಾನನಿಂದ ತಪ್ಪಿಸಿಕೊಳ್ಳಲು ಮನುಷ್ಯನಿಗೆ ಸಾಧ್ಯವೇ ಇಲ್ಲ.

ಅಲ್ಲಾಹನ ಸ್ಮರಣೆ ಮತ್ತು ಆರಾಧನೆಯು ಮನಸ್ಸಿಗೆ ಉಲ್ಲಾಸ ಮತ್ತು ಹೃದಯಕ್ಕೆ ವೈಶಾಲ್ಯತೆಯನ್ನು ನೀಡುತ್ತದೆ. ಅದು ಸೋಮಾರಿತನ ಮತ್ತು ಆಲಸ್ಯವನ್ನು ಹೋಗಲಾಡಿಸುತ್ತದೆ ಮತ್ತು ದುಃಖ ಹಾಗೂ ಕೋಪವನ್ನು ನಿವಾರಿಸುತ್ತದೆ. ಏಕೆಂದರೆ, ಇದು ಶೈತಾನನನ್ನು ದೂರವಿಡುತ್ತದೆ. ಇವೆಲ್ಲವೂ ಶೈತಾನನ ಗುಣುಗುಟ್ಟುವಿಕೆಯಿಂದ ಉಂಟಾಗುವ ದುರ್ವಿಚಾರಗಳಾಗಿವೆ.

ಅಲ್ಲಾಹನ ಅನುಸರಣೆ ಮಾಡುವ ಭಾಗ್ಯವನ್ನು ಅಲ್ಲಾಹು ನೀಡಿದಾಗ ಸತ್ಯವಿಶ್ವಾಸಿಯು ಸಂತೋಷಪಡುತ್ತಾನೆ. ಶ್ರೇಷ್ಠತೆ ಮತ್ತು ಪರಿಪೂರ್ಣತೆಯ ಮಟ್ಟವನ್ನು ತಲುಪಲು ವಿಫಲವಾದಾಗ ದುಃಖ ಪಡುತ್ತಾನೆ.

ನಿರ್ಲಕ್ಷಿಸುವುದು ಮತ್ತು ಅನುಸರಣೆ ಮಾಡುವ ಆಸಕ್ತಿಯಿಲ್ಲದಿರುವುದು ಶೈತಾನನ ಕಾರಣದಿಂದ ಮತ್ತು ಅವನು ಕೆಡುಕುಗಳನ್ನು ಅಂದಗೊಳಿಸಿ ತೋರಿಸಿಕೊಡುವ ಕಾರಣದಿಂದಾಗಿದೆ.

ಈ ಮೂರು ವಿಷಯಗಳು: ಅಲ್ಲಾಹನ ಸ್ಮರಣೆ, ವುದೂ ಮತ್ತು ನಮಾಝ್ ಶೈತಾನನನ್ನು ದೂರವಿಡುತ್ತದೆ.

ಶೈತಾನನು ವಿಶೇಷವಾಗಿ ತಲೆಯ ಹಿಂಭಾಗದಲ್ಲಿ ಗಂಟು ಹಾಕುವುದು ಏಕೆಂದರೆ, ಅದು ಶಕ್ತಿಯ ಕೇಂದ್ರ ಮತ್ತು ನಿಯಂತ್ರಣದ ಸ್ಥಳವಾಗಿದೆ.ಆ ಸ್ಥಳದಲ್ಲಿ ಬಿಗಿಯಾಗಿ ಕಟ್ಟಿದರೆ, ಮನುಷ್ಯನ ಆತ್ಮದ ಮೇಲೆ ನಿಯಂತ್ರಣ ಸಾಧಿಸಲು ಮತ್ತು ಅವನನ್ನು ನಿದ್ರೆಗೆ ದೂಡಲು ಸಾಧ್ಯವಾಗುತ್ತದೆ.

ಇಬ್ನ್ ಹಜರ್ ಅಸ್ಕಲಾನಿ ಹೇಳಿದರು: "ರಾತ್ರಿ ಇನ್ನೂ ದೀರ್ಘವಾಗಿದೆ" ಎಂಬ ಮಾತಿನ ಪ್ರಕಾರ ಇದು ವಿಶೇಷವಾಗಿ ರಾತ್ರಿಯ ನಿದ್ರೆಗೆ ಸೀಮಿತವಾಗಿದೆಯೆಂದು ತಿಳಿದುಬರುತ್ತದೆ.