Encyclopedia of Prophetic Hadiths

ئانكو: ((ئێك ژ هه‌وه‌ باوه‌رییێ نائینیت، هه‌تا ئه‌وا وی بۆ خۆ دڤێت؛ بۆ برایێ خۆ ژی بڤێت)).

((ب ڕاستی خودێ ژ عه‌بدی ڕازی دبیت ده‌مێ تشته‌كی دخۆت و سوپاسییا خودێ دكه‌ت ل سه‌ر وی تشتی یان تشته‌كی ڤه‌دخۆت و سوپاسییا خودێ دكه‌ت ل سه‌ر وی تشتی)).

((كاروباران ب ساناهی بێخن و ب زه‌حمه‌ت نه‌ئێخن، مزگینییێ بده‌ن و خه‌لكی نه‌ڕه‌ڤینن)).

پترییا دوعایێن پێغه‌مبه‌ری (صه‌لات و سه‌لامێن خودێ ل سه‌ر بن) ئه‌ڤه‌ بوون: ((خودایێ مه‌؛ تو د دونیایێدا چاكییێ بده‌ مه‌ و د ئاخره‌تێ ژیدا چاكییێ بده‌ مه‌ و مه‌ ژ سزایێ ئاگرێ جه‌هنه‌مێ بپارێزه‌)).

ئه‌م ل ده‌ڤ عومه‌ری بووین، ئینا گۆت: ((ئه‌م یێن هاتینه‌ پاشڤه‌برن كو بارێ خۆ گران بكه‌ین)).

پێغه‌مبه‌ری (صه‌لات و سه‌لامێن خودێ ل سه‌ر بن) بێهنخۆشی ڕه‌د نه‌دكر.

((عه‌دوا (ڤه‌گوهاستنا نه‌خۆشییێ ژ ئێكی بۆ ئێكی ب خۆرستی ئانكو ئه‌و ب خۆ كارتێكرنێ بكه‌ت) نينه‌ (به‌لكی ئه‌و ب حه‌زا خودێیه‌)، طيه‌ره‌ (فالگرتن ب بالنده‌یان و تشتێن دی) نينه‌ و كه‌یفا من ب گه‌شبینییێ (فه‌ئلێ) دهێت)) گۆتن: فه‌ئل چییه‌؟ گۆت: ((په‌یڤا خۆش و جوانه‌)).

زه‌لامه‌ك هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆت: ئه‌ی پێغه‌مبه‌رێ خودێ؛ نینه‌ گونه‌هه‌كا مه‌زن و گونه‌هه‌كا بچویك هه‌بیت، من هه‌می یێن كرین و ئه‌نجامداین، گۆت: ((ئه‌رێ ما تو شاهده‌ ناده‌ی كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و كو موحه‌ممه‌د عه‌بدێ خودێ و پێغه‌مبه‌رێ وییه‌ (أَشْهَدُ أَنْ لَا إِلَهَ إِلَّا اللهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ)؟))، سێ جاران ئه‌ڤه‌ گۆت. وی زه‌لامی گۆت: به‌لێ، گۆت: ((ئه‌ڤ (شاهده‌دانه‌) دهێته‌ سه‌ر ڤان (گونه‌هان و ژێدبه‌ن و ناهێلن)).