Encyclopedia of Prophetic Hadiths

«ڕێزێن خۆ (د نڤێژێدا) ڕاست بكه‌ن، چونكی ڕاستكرنا ڕێزان ژ ته‌مامبوونا نڤێژێیه‌».

((مسوگه‌ر خودێ زۆڕدارییێ ل باوه‌رداری ناكه‌ت ل به‌رامبه‌ر وی كارێ باش یێ وی كری، ل دونیایێ به‌رامبه‌ر وێ خێرێ دێ تشتی ده‌تێ و ل ئاخره‌تێ ژی دێ وی ژ به‌ر وێ خێرێ خه‌لات كه‌ت، به‌لێ هندیكه‌ مرۆڤێ كافره‌؛ ل به‌رامبه‌ری وان كارێن باش و خێرێ یێن وی ل دونیایێ بۆ خودێ ئه‌نجامداین؛ دێ ل دونیایێ خه‌لات كه‌ت و تشتی ده‌تێ هه‌تا ده‌مێ دهێته‌ ڤه‌گوهاستن بۆ ئاخره‌تێ؛ ل وێرێ وی چ خێر نابن ژ به‌ر بهێته‌ خه‌لاتكرن)).

پێغه‌مبه‌ر (صه‌لات و سه‌لامێن خودێ ل سه‌ر بن) ده‌مێ چووبا تاره‌تێ دگۆت: ((خودایێ من؛ ئه‌ز خۆ ب ته‌ دپارێزم ژ شه‌یتانێن نێر و مێ)).

((مسوگه‌ر ئێك ژ نیشانێن قیامه‌تێ ئه‌ڤه‌یه‌ زانین نه‌مینیت و نه‌زانین زێده‌ بیت، زینا زێده‌ بیت، ڤه‌خوارنا عه‌ره‌قێ زێده‌ بیت، زه‌لام كێم بن و ئافره‌ت ببنه‌ گه‌له‌ك، هه‌تا وی ڕاده‌ی هه‌ر پێنجی ئافره‌ت دێ زه‌لامەك ب كارێن وان ڕابیت و سه‌رپه‌رشتییا كارێن وان كه‌ت)).

پێغه‌مبه‌ر (صه‌لات و سه‌لامێن خودێ ل سه‌ر بن) ل سه‌ر ده‌واری بوو و موعاز ل پشت وی یێ سویار بوو، ئینا گۆت: ((ئه‌ی موعازێ كوڕێ جه‌به‌لی))، گۆت: ئه‌ز یێ ل بن فه‌رمانا ته‌ ئه‌ی پێغه‌مبه‌رێ خودێ و به‌رده‌وام دێ د به‌رسڤا ته‌دا هێم و من داخوازا به‌خته‌وه‌رییێ یا كری ب به‌رسڤدانا ته‌، گۆت: ((ئه‌ی موعاز))، گۆت: ئه‌ز یێ ل بن فه‌رمانا ته‌ ئه‌ی پێغه‌مبه‌رێ خودێ و به‌رده‌وام دێ د به‌رسڤا ته‌دا هێم و من داخوازا به‌خته‌وه‌رییێ یا كری ب به‌رسڤدانا ته‌، سێ جاران ئه‌ڤه‌ گۆت، پاشی پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((هه‌ر كه‌سێ ب دروستی و ژ دل شاهده‌ بده‌ت كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و كو موحه‌ممه‌د پێغه‌مبه‌رێ خودێیه‌؛ خودێ دێ وی ل سه‌ر ئاگری حه‌رام كه‌ت))، گۆت: ئه‌ی پێغه‌مبه‌رێ خودێ؛ ئه‌رێ ما ئه‌ز ڤی ده‌نگوباسی نه‌گه‌هینمه‌ خه‌لكی و دا پێ كه‌یفخۆش بن و ببیته‌ مزگینییه‌ك بۆ وان؟ گۆت: ((ئه‌گه‌ر ته‌ گۆتێ؛ دێ خۆ هێلنه‌ ب هیڤییا هندێڤه‌)). ده‌مێ مرنا موعازی نێزیك بووی؛ ئه‌ڤ تشته‌ گۆت، بۆ هندێ دا گونه‌هكار نه‌بیت.

((ئێك ژ هه‌وه‌ باوه‌رییێ نائینیت هه‌تا ئه‌ز ل ده‌ڤ وی خۆشتڤیتر نه‌بم ژ دایبابێن وی و زارۆكێن وی و خه‌لكی هه‌مییێ)).

((هه‌ر كه‌سێ نڤێژه‌ك ژبیركر؛ بلا ل ده‌مێ هاته‌ بیرا وی ئێكسه‌ر بكه‌ت و ژ بلی ڤێ چه‌ندێ چ كه‌فاره‌ت بۆ وێ نینه‌‌: {وَأَقِمِ الصَّلاةَ لِذِكْرِي}، ئانكو: ((و نڤێژێ بكه‌ دا كو من ب وێ نڤێژێ بینییه‌ بیرا خۆ)).

ئانكو: ((ئێك ژ هه‌وه‌ باوه‌رییێ نائینیت، هه‌تا ئه‌وا وی بۆ خۆ دڤێت؛ بۆ برایێ خۆ ژی بڤێت)).