Encyclopedia of Prophetic Hadiths

((ئه‌گه‌ر هوین ب دروستی خۆ ب هێلنه‌ ب هیڤییا خودێڤه‌؛ ئه‌و دێ ڕزقێ هه‌وه‌ ده‌ت كا چاوا ڕزقێ بالنده‌یی دده‌ت، سپێدێ برسی و ب زكێ خالی ده‌ردكه‌ڤیت و ئێڤاری ب زكێ تێر دزڤڕیت)).

((ئه‌و كه‌سێ ب ئاشكه‌رایی قورئانێ دخوینیت، وه‌كی وی كه‌سییه‌ یێ ب ئاشكه‌رایی خێر و صه‌ده‌قه‌یان دكه‌ت، و ئه‌و كه‌سێ ب نهێنیڤه‌ قورئانێ دخوینیت، وه‌كی وی كه‌سییه‌ یێ ب نهێنیڤه‌ خێر و صه‌ده‌قه‌یان دكه‌ت)).

د شه‌ڤه‌كا باراناوی و گه‌له‌ك تاڕیدا ئه‌م ده‌ركه‌فتین دا ل پێغه‌مبه‌رێ خودێ (صه‌لات و سه‌لامێن خودێ ل سه‌ر بن) بگەڕیێین دا نڤێژێ بۆ مه‌ بكه‌ت، پاشی من ئه‌و دیت، ئینا گۆت: ((بێژه‌))، من ژی چ نه‌گۆت، دیسا گۆت: ((بێژه‌))، من هه‌ر چ نه‌گۆت، دیسا گۆت: ((بێژه‌))، من گۆتێ: ئه‌ی پێغه‌مبه‌رێ خودێ؛ ما ئه‌ز چ بێژم؟ گۆت: (( ده‌مێ ل ته دبیته‌ ئێڤار و ده‌مێ ل ته‌ دبیته‌ سپێده‌ تو {قل هو الله أحد} و هه‌ردوو سووڕه‌تێن خۆپاراستنێ (الفلق و الناس) سێ جاران بخوینه‌؛ ئه‌ڤ سووڕه‌ته‌ تێرا ته‌ هه‌نه‌ ژ هه‌ر تشته‌كی)).

((ئه‌ز هاتمه‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) دا كو ببمه‌ موسلمان، ڤێجا فه‌رمان ل من كر كو ئه‌ز سه‌رێ خۆ ب ئاڤ و سیدرێ بشۆم)).

«هه‌ر كەسێ پشتی هەر نڤێژەکا فەڕز ئایەتول کورسییێ بخوینیت، چ تشت نابنه‌ ڕێگر ل بەر چوونا وی بۆ به‌حەشتێ ب تنێ مرن نەبیت».

زه‌لامه‌ك هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆت: ئه‌ی پێغه‌مبه‌رێ خودێ؛ ئێك ژ مه‌ هه‌ست ب تشته‌كی دكه‌ت د دل و ده‌روونێ خۆدا - تشته‌ك دهێته‌ سه‌ر دل و ده‌روونێ وی -، ئه‌گه‌ر ئه‌و خۆلی بیت ل ده‌ڤ خۆ خۆشتڤیتره‌ ژ هندێ وی تشتی ب ده‌ڤێ خۆ بێژیت، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((اللهُ أكبرُ، اللهُ أكبرُ (ئانكو خودێ مه‌زنترینه‌)، سوپاسی بۆ وی خودایی بن یێ پیلانا وی (شه‌یتانی) بۆ وه‌سواسێ زڤڕاندی)).

((نه‌بێژن: ئه‌وا خودێ بڤێت و فلان كه‌سی بڤێت، به‌لكی بێژن: ئه‌وا خودێ بڤێت، پاشی فلان كه‌سی بڤێت)).

«ب ڕاستی ئه‌گه‌ر خه‌لكی زۆردار دیت و ڕێگری لێ نه‌كر؛ نێزیكه‌ خودێ سزایه‌كی ژ ده‌ڤ خۆ‌ ب سه‌ر واندا بینیته‌ خوار و هه‌مییان ڤه‌گریت».