Encyclopedia of Prophetic Hadiths

((چار سالۆخه‌ت هه‌نه‌، هه‌ر كه‌سێ ئه‌و چار سالۆخه‌ت ل ده‌ڤ هه‌بن؛ ئه‌ڤه‌ ئه‌و كه‌سه‌كێ مونافق و دووڕویه‌، و ئه‌گه‌ر سالۆخه‌ته‌ك ژ وان ل ده‌ڤ وی هه‌بیت؛ ئه‌ڤه‌ سالۆخه‌ته‌ك ژ سالۆخه‌تێن نیفاق و دووڕویاتییێ یێ ل ده‌ڤ وی هه‌تا دهێلیت: ئه‌گه‌ر ئاخڤت؛ دێ دره‌وێ كه‌ت، ئه‌گه‌ر سۆز دا؛ دێ بنپێ كه‌ت و بجھ نائینیت، ئه‌گه‌ر هه‌ڤڕكی كر؛ دێ زێده‌گاڤییێ تێدا كه‌ت و ئه‌گه‌ر په‌یمانه‌ك دا؛ دێ خیانه‌تێ لێ كه‌ت)).

((گه‌هاندنا په‌یوه‌ندییێن مرۆڤاینییێ ب به‌رامبه‌رییێ نینه‌ (ئانكو تو هنگی بچی ده‌مێ ئه‌و دهێت و ئێك ب ئێك بیت)، به‌لكی ئه‌و كه‌سێ په‌یوه‌ندییێن مرۆڤاینییێ دگه‌هینیت ئه‌وه‌ یێ ئه‌گه‌ر كه‌سه‌كی سه‌را وی نه‌دا و ئه‌ڤ په‌یوه‌ندییه‌ بڕی؛ ئه‌و سه‌را وی بده‌ت و نه‌بڕیت)).

((چار خه‌سله‌ت و سالۆخه‌ت یێن هه‌ین، هه‌ر كه‌سێ ل ده‌ڤ هه‌بن، ئه‌و منافق و دووڕویه‌كێ خۆڕییه‌، و هه‌ر كه‌سێ سالۆخه‌ته‌ك ژ وان چاران ل ده‌ڤ هه‌بیت، ئه‌ڤه‌ سالۆخه‌ته‌ك ژ سالۆخه‌تێن نیفاق و دووڕویاتییێ یێ ل ده‌ڤ وی هه‌ی هه‌تا دهێلیت: ئه‌گه‌ر ئاخڤت؛ دێ دره‌وێ كه‌ت، ئه‌گه‌ر كه‌سه‌كی باوه‌رییا خۆ پێ ئینا؛ دێ خیانه‌تێ كه‌ت، ئه‌گه‌ر سۆز و په‌یمانه‌ك دا؛ دێ لێڤه‌بیت و ئه‌گه‌ر گه‌نگه‌شه‌ك كر دێ ژ حه‌قییێ دویر كه‌ڤیت و دێ سنووران به‌زینیت)).

پێغه‌مبه‌ر (صه‌لات و سه‌لامێن خودێ ل سه‌ر بن) كه‌سه‌كێ ئه‌زمانڕه‌ش و خه‌به‌ربێژ نه‌بوو، وی دگۆت: ((ب ڕاستی ژ باشترینێ هه‌وه‌ ئه‌و كه‌سه‌ یێ ڕه‌وشتێ وی ژ یێ هه‌می كه‌سان جوانتر بیت)).

زه‌لامه‌كی پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) كر: كیژ كریارا ئیسلامێ باشتره‌؟ گۆت: ((تو خوارنێ بده‌ی و سلاڤ كه‌یه‌ وی كه‌سێ تو دنیاسی و یێ تو نەنیاسی)).

((موسلمان ئه‌وه‌ یێ موسلمانێن دی ژ ئه‌زمان و ده‌ستێ وی د پاراستی و سلامه‌ت بن، و مشه‌ختی ئه‌وه‌ یێ ژ وان تشتان دویر بكه‌ڤیت یێن خودێ پاشڤه‌برن ژێ كری)).

((هه‌ر كه‌سێ كه‌سه‌كێ خودان په‌یمانه‌كی (موعاهه‌ده‌كی) بكوژیت، بێهنا به‌حەشتێ ناچیتێ، و ب ڕاستی بێهنا به‌حه‌شتێ ژ دویراتییا چل سالان دهێته‌ بێهنكرن)).

((ژ من ڤه‌گێڕن و به‌لاڤ بكه‌ن ئه‌گه‌ر خۆ ئایه‌ته‌كا ب تنێ بیت، ئاخڤتنان ژ به‌نو ئیسرائیلییان ڤه‌گوهێزن و چ ل سه‌ر هه‌وه‌ نینه‌ (ماده‌م دژی قورئان و فه‌رمووده‌یان نینه‌) و هه‌ر كه‌سێ ب مه‌ره‌م دره‌وه‌كێ ب زار ده‌ڤێ من بكه‌ت؛ بلا جهه‌كی بۆ خۆ ل ناڤ ئاگرێ جه‌هنه‌مێ ئاماده‌ بكه‌ت)).