Encyclopedia of Prophetic Hadiths

((ده‌مێ خودێ به‌حه‌شت و جه‌هنه‌م ئافراندین، جبریل (سلاڤ لێ بن) فڕێكره‌ به‌حه‌شتێ و گۆتێ: هه‌ڕه‌ به‌رێ خۆ بده‌ وێ و به‌رێ خۆ بده‌ وی تشتێ من د وێدا بۆ خه‌لكێ وێ ئاماده‌ كری. ئه‌و ژی چوو به‌رێ خۆ دایێ و پاشی زڤڕی و گۆت: ئه‌ز ب مه‌زناهییا ته‌ كه‌م؛ هه‌ر كه‌سێ گوھ ل سالوخه‌تێن وێ بیت؛ دێ وه‌كه‌ت كو ب چیته‌ تێدا، ئینا خودێ فه‌رمان كر و پاشی به‌حه‌شت ب نه‌خۆشی و ئاسته‌نگان هاته‌ دۆرپێچكرن، پاشی گۆتێ: جاره‌كا دی هه‌ڕه‌ به‌رێ خۆ بده‌ وێ و به‌رێ خۆ بده‌ وی تشتێ من د وێدا بۆ خه‌لكێ وێ ئاماده‌ كری، ئه‌و ژی چوو به‌رێ خۆ دایێ و دیت ئه‌و یا ب نه‌خۆشی و ئاسته‌نگان هاتییه‌ دۆرپێچكرن، ئینا گۆت: ئه‌ز ب مه‌زناهییا ته‌ كه‌م؛ ئه‌ز ترسیام كه‌س نه‌چیته‌ تێدا. گۆت: هه‌ڕه‌ به‌رێ خۆ بده‌ جه‌هنه‌مێ و به‌رێ خۆ بده‌ وی تشتێ من د وێدا بۆ خه‌لكێ وێ ئاماده‌ كری. ئه‌و ژی چوو به‌رێ خۆ دایێ و دیت هنده‌ك ژ وێ یا چوویه‌ سه‌ر هنده‌كا دی، ئینا زڤڕی و گۆت: ئه‌ز ب مه‌زناهییا ته‌ كه‌م؛ كه‌س ناچیته‌ تێدا، ئینا خودێ فه‌رمان كر و پاشی جه‌هنه‌م ب خۆشی و حه‌ز و شه‌هوه‌تان هاته‌ دۆرپێچكرن، پاشی گۆتێ: جاره‌كا دی هه‌ڕه‌ به‌رێ خۆ بده‌ وێ، ئه‌و ژی چوو به‌رێ خۆ دایێ و دیت ئه‌و یا ب خۆشی و حه‌ز و شه‌هوه‌تان هاتییه‌ دۆرپێچكرن، ئینا زڤڕی و گۆت: ئه‌ز ب مه‌زناهییا ته‌ كه‌م؛ ئه‌ز ترسیام كه‌س ژێ ڕزگار نه‌بیت و هه‌می بچنه‌ تێدا)).

((فه‌رمانێ ب كرنا نڤێژێ ل زارۆكێن خۆ بكه‌ن ده‌مێ ئه‌و دبنه‌ حه‌فت سال و ژ به‌ر نه‌كرنا نڤێژێ ل وان بده‌ن ئه‌گه‌ر بوونه‌ ده‌هـ سال و جهێن نڤستنا وان ژ ئێك جودا بكه‌ن)).

((دێ ب هه‌ڤالێ قورئانێ (ئه‌وێ پێگیر ب قورئانێ ب خواندن و ژبه‌ركرنێ و كار پێ دكه‌ت) هێته‌ گۆتن: بخوینه‌ و بلندبه‌، بخوینه‌ هه‌روه‌كی چاوا ته‌ د دونیایێدا دخواند، چونكی ب ڕاستی پله‌یا ته‌ یا ل ده‌ڤ دویماهیك ئایه‌تا تو دخوینی)).

((باوه‌ردارێ باوه‌رییا وی ژ یا هه‌مییان ته‌مامتر؛ ئه‌وه‌ یێ ڕه‌وشتێ وی ژ یێ هه‌مییان جوانتر، باشترینێ هه‌وه‌ ژی ئه‌وه‌ یێ ژ هه‌مییان باشتر بیت بۆ ئافره‌تێن مالا خۆ)).

((هه‌ر كه‌سێ خۆ وه‌كی هنده‌كێن دی لێ بكه‌ت؛ ئه‌و ژ وانه‌)).

((مالێن خۆ نه‌كه‌نه‌ گۆڕستان، قه‌برێ من ژی نه‌كه‌نه‌ جه‌ژن (كو به‌رده‌وام بهێنه‌ سه‌ر) و صه‌له‌واتان بده‌نه‌ سه‌ر من، چونكی ب ڕاستی هه‌ر جهێ هوین لێ بن؛ صه‌له‌واتێن هه‌وه‌ دگه‌هنه‌ من)).

((هه‌ر كه‌سێ زیانێ بگه‌هینیته‌ موسلمانه‌كی؛ خودێ ژی دێ زیانێ گه‌هینیته‌ وی و هه‌ر كه‌سێ زه‌حمه‌ت و بارگرانییێ بۆ موسلمانه‌كی دروست بكه‌ت؛ خودێ ژی دێ زه‌حمه‌ت و بارگرانییێ بۆ دروست كه‌ت)).

پێغه‌مبه‌ری (صه‌لات و سه‌لامێن خودێ ل سه‌ر بن) د ناڤبه‌را هه‌ردوو سوجده‌یاندا دگۆت: ((خودایێ من؛ تو گونه‌هێن من ژێببه‌ و دلۆڤانییێ ب من ببه‌ و سلامه‌تی و ڕاسته‌ڕێبوون و ڕزقی بده‌ من)).